قبل تناول الرنجة والفسيخ يجب ان تعلم!!!
الرنجة والفسيخ
دخلت السوبر ماركت مثل كل يوم كي اشتري الفطار وكأي سوبر ماركت هتشم ريحة ايه ؟؟ريحة خضار وجبن لانشون عطور في الجو لكن هذا اليوم شميت ريحه كان هيغمى عليا وكإن حد ميت بئاله اسبوع واكتشفوه وهدخل الاقي كوردون اصفر والناس ملمومه حواليه وبيصوروا والناس بتجري واي كارثه جوه دخلت وجدت الكاشير بيحاسب الناس عادي واللي بيقطع اللانشون والحياة طبيعيه جوه فبسأل الراجل ايه الريحه دي يقول كل سنه وانت طيب شم النسيم طبعا مش محتاج اتكلم مع الراجل او اسأله ولو ضربت بعيونك هتجد هرم في الثلاجه حتى ثلاجة الايس كريم مسلمتش من الموضوع كده مليان رنجه هتتاكل متى الرنجه دي مش عارف
اليوم هيمر 11يوم من مسابقتنا 28يوم وهتنسف الدهون فات منهم 11يوم يعني 17يوم وتخلص رحلتنا خلال شهر رجب يليها شهر شعبان ثم رمضان وعليكم خير اللهم بلغنا رمضان الرحلات هتتوالى بعد رمضان للناس اللي عاوزه توصل لحلم الرشاقه اللي بنحلم نكون في جسمنا الرشيق اللي تمنيناه وكنا نظن انه بعيد المنال والحمد لله بدأ يقرب بإلتزامنا وهو كلمة السر حسن الظن بالله وان انت تلتزم وتكمل في طريقك
المواسم كل موسم يصحبه اكله وكل اكله بمصيبه الصراحه يمكن الرساله دي مش هتعجب البعض ولكن دي الحقيقه كل المواسم حولناها لاكلات وكل اكله بسم الله ماشاء الله وكل موسم بيركز ع مرض معين في بيركز ع الضغط والكوليسترول والكلى كل موسم بيأخذ حته من جسمك وربنا بينجينا ونعيد الكره تاني
الموسم اللي داخل علينا هو موسم شم النسيم مثل ناس كثيره عارفه قدماء المصريين تطلع ع ضفاف النيل وتأكل والبيض الملون وزمان واحنا صغار كنا نحط قشر البصل مع البيض فيتلون ونقعد نلون البيض تقريبا محدش عاد بيفكر في البيض رغم انه صحي جدا احنا نركز ع الاشياء اللي تخلص عليك ع طول الفسيخ والرنجه اللي مش من مصر ميعرفش عنها حاجه هما اسماك مملحه والرنجه مدخنه الفسيخ مردوم ملح ويفتل في الملح كل سنه وزارة الصحه بتحذر من تناول الفسيخ والرنجه من مصادر مجهوله لانها تسبب التسمم
لما بتاكل الفسيخ تلاقي بطنك بتوجعك فتقول احلا مغص ده ولا ايه طبعابتلاقي مغص ومش قادر تأخذ نفسك وممكن يجيلك تشنجات وده من الفسيخ اللي من مصادر غير موثوق منها ممكن يؤدي للوفاة
ثاني شيء الرنجه ناس كثيره بتشتري رنجه لان اسعارها في متناول الجميع الرنجه غير انها املاح بيكون عليها تاريخ صلاحيه لكن انت فكرت تاريخها ايه يعني لو جبت الرنجايه ومسكتها من ذيلها وسالتها قبل ماتكوني رنجايه كنتي فين ؟!انا كنت بدوله من الدول وحدا استوردني
ممكن تكون صلاحيتها انتهت وبيجددوا التاريخ لو تعبت اعرف ان في مشكله بالرنجه او لو فتحتها تلاقيها مفتله او لو فيها بطروخ تحس لونه قاتم اركنها او ارميها
الرنجه اكثر انتشارا لان سعرها رخيص وكان ايام الرئيس جمال عبد الناصر منع استيراد الرنجه والناس بدأت تحط عليه كركم عشان تقلب لونه اصفر وتبيعه ع انه رنجه وفي العهد الحديث كانوا بيدهنوا جمالكه اللي بيدهنوا بيه الخشب متورنشه ورنيش الفكره اننا بنتعرض لغش تجاري التوست السن والحليب اللي بيقولوا خالي الدسم بيحطوا عليه بودره فما بالك الحاجات دي اللي صحيا خطيره
وفي ناس اعرفها بتعمل فسيخ في البيت فاضراره انها هتزودك بشكل كبير جدا جدا عهدت ايام ما كنت باكلهم لاني عملتلهم حظر من حياتي كان وزني بيزيد بال5كيلو في هذا اليوم احتباس السوائل بالجسم ممكن يصيبك بالاحباط الشديد طب انا هاخذ شاي رجيم يعالج الزياده الناتجه عن الفسيخ انت كده بتعالج ضرر بضرر اكبر منه لان شاي الرجيم بيعمل جفاف في الجسم فإنت بوظت واثرت ع الكبد والكلى والسوائل صارت ملخبطه لذلك بنصحك لوجه الله حاول تبعد عن هذه الوجبات حتى في شم النسيم حتى في الوجبات المفتوحه ولو ضاقت بك الدنيا ذوق قطعه واشرب مياه كثيره عشان اي املاح زياده الميه تنزلها بشكل كبير وجسمك يتزن تاني فمتلومنيش ومتسألنيش في اي زياده زدتها في هذا اليوم ومتقولش كلت رنجه وفسيخ فوزني زاد عشره كيلو
في ناس عاوزه تفتح جمعه واثنين الفري يا جمعه يا اثنين مينفعش اليومين وبعض الناس هتفتح السبت والاحد بينهم كمان بالمره
نصيحتي لكل واحد هياكل فسيخ ورنجه قلل قدر الامكان واشتريها من مصادر موثوقه حاول من التقليل من الكميات المتناوله عشان مش تأثر ع صحتك بشكل كبير وهتلاقي نفسك بتتخن من لا شيء دي نصيحتي لكن فلذلك ببلغ كل واحد فيكم اللي يمكن الفيديو مش يعجبك صدقني انا كنت اكثر واحد بيحب الرنجه والفسيخ والملوحه لازم انصحك واقولك ان من الاشياء اللي عملتلها بلوك بحياتي الرنجه والفسيخ