ما اكثر المحبطين حولنا ولكن هناك بعض الاشخاص يحبطوننا بصمتهم المحبطين اتكلمنا عليهم كتير اللي بيطلعوا لنا في كل زمان ومكان بكل الاشكال والالوان بيحاولوا يحبطوك بكل الطرق ويتدخلوا في حياتك كان فيه تعليق حلو اوي علي الصفحة ان المحبطين مش عارفين ينجحوا زيك فبيحاولوا يقللوا من نجاحك وعزيمتك خايف انت تنجح وتكشفه قدام نفسه علشان ضميره مش يتعبه تعليقات كتير شفتها ناس كتير لخبطت ان حد قالها فين خسيتي مش باين طيب سؤال هو انتي مخدتيش بالك ان الجيبة بتاعتك وسعت والبلوزة كمان وان انتي شايفة نفسك بتتغيري بتصدقي الناس المحبطين وممكن يقولوا ايه ده هو انت تعبان لا شكلك عامل كدة ليه عارف لو خسيت وبقيت تحاول تنصح الناس هيقولولك هو مفيش حد غيرك خس عارف افضل طريقة الصمت انك متردش عليهم وتكمل في طريقك ومتوقفش نفسك ,النهاردة بقی انا جاي اتكلم مع المحبطين نفسهم انت عايز ايه عايز توقف الناس دي عاوز تدمر حياتهم علشان انت مش قادر تنجح صدقني كل واحد بيعمل خير في حد ربنا بيكرمه حتي او كلمة طيبة يعني اي كومنت فيه ناس بتكتبه من 10 سطور بيبسطني اوي شخص تعب نفسه ويكتب ربنا يكرمكم انا غيرت نفسي وكلام كتير اوي بيفرحني لان فيه ناس تانية هتيجي تقرا الكومنت ده وتتشجع بيه غير لما تكتب ان محبط انا لغبط ومش قادر اكمل الريجيم بتاعكم ممل وفيه ناس تقولك عاوزين نوحد الطعام لتوفير النفقات الحمد لله احنا درسنا النفسية بتاعة الناس اللي عاوزة تخس بنحاول اننا بشتي الطرق نحاصرهم ونخليهم يكملوا علي طريقهم لانهم بيحبوا يتلككوا اوي وبحاول يكون كلامي بمعني واحد بس ولا يحمل اكتر من معني علشان مفيش واحد يتلكك ويقولك اهوه طب مش هكمل واسيب النظام انتو ناس تزهق فالواحد بيحاول قدر الامكان يقول كلمة طيبة في فيديو او في كومنت اللي انت مش بترضي تكتبه علشان محدش يحسدك ومتقولش انا ملتزم ومكمل لهدفي وملغبطتش ولا مرة كانت رحيق الجوري مرة كتبت بوست اللي ملتزم يقول تم وجت قالت لي يا هندسة مفيش تفاعل خالص علي البوست لما غيرت وكتبت اللي ملخبط كمان يقول ملخبط ليه لقيت التفاعل زاد جدا طب معني ده ان معظم الناس ملخبطة لا من صور الانجازات ورسايل الشكر علي الخاص بتقول ان اللي ملتزميين اكتر بكتيرر اوي من الملخبطين طب الناس الملتزمة ليه مش بيشاركوا معانا ويحفزوا الناس يوكتبوا كومنت ممكن يكون سبب في تغيير حد غيرك لكن للاسف سايبين الكومنتات للناس اللي بتلخبط عارف انت لو كاتب كومنت انك ملخبط وشفت الكومنت اللي بعده حد بيقول انا ملتزم هتتكسف وتقول لا لازم التزم فيه ناس ملتزمة دي الغيرة الحميدة الحلوة بين الستات خصوصا تلاقيها لما تلاقي صورة ست نزلت تقعد تقولك لا وشها عضم اوي لا جسمها مش مظبوط وهي من جواها نفسها تبقي زيها وتخس وتلبس اللي نفسها فيه وتتغير فده ممكن الملتزم صمتك ده ممكن يحبط الناس معناه انك متكلمتش لما بقول مين ملتزم يبقي مالكش وجود الكومنت بتاعك بيفرق 180 درجة مع الناس كلها جرب كدة تكتب كومنت ايجابي وشوفه والله كومنتاتكم انا بقراها واحد واحد وبتاثر بيها اوي وبفرح ممكن يخليني ادمع من اني شفت كلام انسان بيتغيير ويقولك انا مش هرجع عن هدفي تاني ومكمل في طريق صدقوني الكومنتات بتفرق مع الناس اوي وصمتك ده دليل علي الاحباط دليل ان انت مش عاوز تشارك طب انت يا بشمهندس كنت بتقول للناس ان انت بتخس اه والله العظيم كنت بقول للناس كلها اني بخس ولا كنت بخاف من حد لان يقيني بالله ان ربنا مش هيضيع تعبي ابدا ان انا بعمل خير في نفسي وهل جزاء الاحسان الا الاحسان لما كنت بنزل صورتي قبل وبعد كانت امي تقولي يابني هتتحسد حرام عليك داري نفسك اقولها يا امي انا بعمل خير والصورة دي ممكن تكون سبب في تغيير انسان الصورة دي مش للتفاخر انا مش طالع اتفاخر قدام الناس لا بالعكس طالع اشجع الناس واساعدهم الرسالة النهاردة ممكن تمس قلب ناس كتير اوي وتكون سبب في تغييرهم وفيه ناس تانية تكون كلامها عادي بالنسبة لهم اللي انا عاوز اقولهولك اعمل الخير مهما كان ومتقولش ده مش كبير او صغير اعمل اللي عليك والباقي علی ربنا والسلام عليكم ورحمة الله وبركاته دمتم سالمين
شاهد الرسالة فيديو من هنا