بلاش تكتأب ولون حياتك
بلاش تشوف ان الالوان شئ مزعج لانها الطبيعة الجميلة التى خلقها الله لنا كي نستمتع بها انا هطلع كدة بالالوان دي والناس هتقول علي ايه طيب......... صباح جديد صباح الالوان اللي بتكون رمز للتفاؤل بعد ما كنا شايفين الحياة ابيض واسود وشوية الوان خفيفة ومع مرور الوقت مع التغيير بتلاقي نفسك مبسوط سعيد عاوز تلون حياتك وتبدا من جديد للاسف بعض الناس بتشوف الالوان شئ مستفز مع ان ربنا خلقها علشان تكون مصدر بهجة لحياتنا لكن لما بتلاقي لون اسود بيرمز للظلمة ووحش من كام يوم دخل واحد من الاعضاءيقولنا ايه كل الالوان دي اللي عاملينه في جدول السعرات الحرارية دخلت شوفتها لقيت الدايزين جميل وعسل واستغربت انه شايف ان الالوان دي حاجة وحشة كدة والسبب ان الانسان لما بيكتئب بنشوف الالوان حاجة وحشة بنحاول نغمي عنينا عنها ونشوف الاسود بس ونغمض عنينا عن كل حاجة حلوة الاكتئاب لما بيصيبنا بتشوف الشخص اللي بيتكلم معاك وبيقولك اتغير وعامل بلياتشو النهاردة بتشوفه انسان مستفز ووحش جدا الاكتئاب هيخليك متسمعش كلمة من حد حلوة وتفسرها اي تفسير تاني وحش علشان تفضل في الاكتئاب اللي انت فيه علشان كدة جاي النهاردة اقولك افرح بنفسك وغير من نفسك ونفذ كلام ربنا بيقولك وكلوا واشربوا ولا تسرفوا وحاول تساعد نفسك بلاش تكتئب وتفضل قاعد جوة السجن بتاعك وتستسلم ربنا خلق لنا الحياة حلوة علشان نستمتع بيها رغم انها قصيرة اسعي وغير من نفسك ربنا امرنا اننا نجتهد و نسعي لكن هتفضل عايش في الحياة تاكل فتتعب فتروح للدكتور يقولك لازم تخس تلاقي الجملة الشهيرة عند اي دكتور لازم تخس معاك صدقني انت لو خسيت وغيرت من نفسك هتشوف الالوان الحقيقية للحياة مش بس ازرق واصفر واخضر لا الوان تانية كتير قوي هتحس طعمها لما تبقي مبسوط بالحياة مع اهلك بدل ما تروح للدكاترة تصرف الفلوس ويشيلوك ويودوك للدكتور وتبقي انسان مستقر في حياتك بتسعدهم ومش عبء عليهم انك متبقاش مخنوق في المواصلات واالطريق زحمة تقعد ساعة في مشوار كان ممكن تمشيه في ربع ساعة الحياة ان انت تجري وتعمر وتسافر في الارض مش ان انت تستنزف كل الوارد اللي حواليك و الناس تزهق منك وبالتالي انت كمان بتزهق من حياتك فيه ناس بتلاقي حياتها بتنتهي من الاكتئاب انا مش هخس تاني وجربت كتير ومش نجحت لا متزهقش صدقني طول ما فيك نفس جرب وحاول وشوف الناس اللي عندنا علي القناة وعلي الصفحة خست ازاي ومنهم ناس عدت سن ال 60 اللي مفروض في الحكومة بيطلعوا معاش ويقولوا خلاص بقي حسن الختام ويبطلوا شغل لكن كلهم امل وتفاؤل هتلاقي مثلا الحاجة شفيقة في الفيديو اللي فات ده مبسوطة اوي انها خست وبتضحك والحاجة هدي كمان شوف فرحانه ازاي بعد ما خست بتجري وتلبس الكوتشي علشان تجري معانا وتتنطط زينا طول ما فيك نفس حاول ممكن تفشل مرة لكن حاول لما فتحت الصفحة فيه ناس قالت لي ايه الجديد طب ما فيه صفحات كتيررر بتساعد الناس ايه اللي انت عملته جديد ايه كانت النتيجة لما انا استمريت واصريت اساعد الناس ان ناس كتيرر اوووي اتغيرت وبتدعي لنا وبتقولنا كملوا انتو الامل بتاعنا طب ليه ايه السبب اننا كنا مصرين نقدم يد العون للناس وربنا هيكرمك ويفتح لك ابواب كتيرة اوي ممكن تكون فاكرها عمرها ما هتتفتح ابدا بتلاقي حاجات كتير جدا بتساعدك توصل لكل الناس علشان تتشجع بينا يمكن انا النهاردة طلعت بالمنظر ده علشان اقولك خلي عندك تفاؤل وامل للحياة يمكن ناس كتير تنتقدني وتقولك ايه المنظر ده وايه الهبل والعبط ده ولكن انا سعيد اني بقدملك رسالة بالالوان لكل واحد مكتئب والدنيا حزينة اوي قدامه وسوداء تكون مصدر للاكتئاب لكن لما تقول الدنيا ربيع والجو بديع بيكون مصدر للبهجة بالالوان لما قلبنا لوجو الصفحة بالالوان في مسابقات الربيع علشان نقولك اننا في فترة الربيع فترة الازدهار والتفاؤل بلاش الياس والاحباط وبلاش تشوف الانسان اللي كل يوم بيقولك اتغير ان هو رخم وبيضايقك وزنان وبيرغي كل يوم وخلاص بيقول اي كلام شوفه انسان بيحفزك وبيساعدك علشان تتغير ويديك الدفعة للامام علشان كدة بقولك اتشجع بينا او بغيرنا في ناس كتير وصفحات كتير وحاول تتغير واوعي تياس لان الياس هيدمرك
يمكنك مشاهدة الرسالة فيديو