فرصتك علشان تخس .. يلا ابدأ معانا يوم السبت والمسابقة الجديدة
فرصتك الذهبية للتغير
قبل ما ابدا ريجيم زمان كنت بقعد اقول لنفسي انا هبدأ يوم السبت بحيث اني اكل كل اللي نفسي فيه قبل يوم السبت
ف انا بقا هنزل كل يوم اكل كفتة وبيتزا وحواوشي وطرب لحد ما ازهق منها
بس الحقيقة كثر الاكل مكانش بيزهقني ولا حاجة انا شاهيتي كانت بتتفتح ع الرابع ف بيجي يوم السبت وانا ناسي اني قلت هبتدي ريجيم اصلا وكل شوية بقول هبتدي واوعد نفسي اني هبدأ عشان اضحك على ضميري وادمر نفسي
دي كانت حياتي قبل ما اخس اطبب على ضميري عشان يسكت واكمل عك بضمير و افضل في دايرة مقفولة ما بكسرهاش ابدأ وافضل وزني يزيد واقنع نفسي اني عمري ما هخس ومش هقدر استغنى عن الاكل وتفضل في دايرة مقفولة مش عارف تطلع منها
انا كسرت الدايرة دي لما اخدت القرار الصحيح اني خلاص مش عايز عك تاني زهقت عشان صحتي بتنتهي وانا شاب في العشرين وبزحف برجلي
وبرغم اني كنت ساكن في الدور الاول الا اني لو نسيت حاجة مهمة زي مفتاح العربية مثلا اكسل اطلع اجيبها واخد تاكسي وامشي ودا خلاني في حالة بائسة
مخرجتش منها غير لما اخدت القرار بجد مع نفسي
ف انا بقول لكل واحد فيكو عايز بجد يتغير وزهق من حياتة كدا
✋✋✋✋✋
ابدأ معانا من يوم السبت القادم في مسابقة جديدة
احنا بنحاول من خلال المسابقات دي ان احنا نشجعك ونقف في ظهرك ونقولك كمل
المسابقة دي 14 يوم اتمنى ان الناس تتشجع وتبدأ معانا من يوم السبت
بس لازم تكون انت من جواك عايز تتغير بجد
لو مخدتش الموضوع جد هتحبط ومش هتعرف تتغير
عشان كدا نصيحتي لكل واحد فيكو ابدأ من يوم السبت عندك تلات - اربع - خميس - جمعة براحتك
ومش هتندم قسما بالله وتدعلنا من قلبك زي ملاين بيدعولنا
وانا بتمنى ان كل واحد يشارك معانا عشان الرحلة دي هتفرق معاك
وطبعا الناس المحبطة اللي اول مابينزل النظام يفضلو يقولو ادة دا النظام دا شبه الانظمة اللي فاتت
*حضرتك احنا عندنا اكبر محتوى عربي من انظمة التخسيس الصحية وحط تحتيها خط احمر*
عندنا اكبر مكتبة للأكلات الصحية وبنكبرها اكتر واكتر
يعني انت لو عندك بيض في الفطار مش شرط تقليه على فكرة انت ممكن تقليه فزيت زبتون عادي جدا تعملة
لو عندك بطاطساية اعمل بيها اللي انت عايزة
دلع نفسك
احنا بنديلك ال base وانت تمشي عليه وبنديلك الوصفات وانت تنوع من نفسك
- طب الاقي الحاجات دي فين !!؟
- حضرتك هتلاقي الحاجات دي فالتطبيق او فالصفحة او فالقناه لكن اسهل حاجة التطبيق لو فونك اندرويد
انما لو بتستخدم ال iPhone او بتستخدم ال iOS يعني ممكن تدخل على ال site بتاعنا
ف نصيحة يعني لكل واحد خليك واثق في نفسك وخليك واثق فينا 👌👌 شوف الناس اللي اتغيرت قبليك صدقني هتتشجع والله
ماتديش فرصة لناس ملهاش اي قيمة انها تشتغلك وتنصب عليك
*امبارح احد الاعضاء كلمني قاللي بص يا بشمهندس سارقين صوري اللي خسيت معاكو ع الصفحة ومخترعين قصة ان انا فتاه لبنانية احب شاب سعودي وكان العائق ما بينا هو السمنة وان انا اتبعت هذا المنتج يعني*انا نفسي استغلوا صورتي قبل وبعد
وطبعا دي كلها قصة عشان تشتري المنتج بتاعهم ودي احد وسائل النصب
*الانظمة للمسابقه الجديده هتنزل النهاردة ان شاء الله*