recent
أخبار ساخنة

حقيقة تأثير السن على الحرق

حقيقة تأثير السن على الحرق
الحرق والسن

هل السن بيأثر ع الحرق يعني لو سني كبير معدي الاربعين الخمسين الستين كل ما سني كبر حرقي هيقع ولو عندي وزن زياده انا كده مش هخس ولا ايه ؟؟
النهارده الحلقه مشتركه بيني وبين امي ازيك يا امي عامله ايه ؟؟
شاهد الفيديو
ماما🎤🎤ازيكم ياحبايبي وحشتوني اخباركم مبتسألوش عليا ليه اخبار الدايت ايه ؟؟
م.مصطفى🎤🎤هل لو سني كبير استسلم للوزن الكبير هل انا داخل مشروع خسران ؟؟
الصراحه مش مظبوط هذا الكلام واللي لازم تعرفه ان حرقك مستمر من اول مابتتولد لغاية ماعمرك بينتهي من اول لحظه لاخر لحظه الحرق بتاعك شغال في البدايه قليل شوي ومع تقدم السن في فترة الشباب يزيد اوي وبعد كده يبتدي يقل تاني لكن الزياده والنقصان مش الرقم المرعب اللي يخليك متخسش والدليل ع كده ناس كثيره كبيره بالسن خسرت من وزنها ع سبيل المثال الحاجه هدى اللي خسرت من 135كيلو ل65 كيلو وارجعوا لفيديوهاتها اللي ع القناة ليها فيديوهات حلوه اوي بتشجع بشكل كبير الحاجه هدى تجاوز سنها الستين 63سنه وقدرت تخسر من وزنها ولو نزلنا بالسن شوي سنجد الحاج احمد كان 155كيلو وكسر ال90كيلو نزول ولو نزلنا بالعمر شوي سنجد هبه السبيلي عندها 40سنه خست من 110ل75كيلو وتحت ال30 ستجدوني وتحت العشرينات واطفال كمان خست وجميع الاعمار بتخسر وزنها كل سن لو شاورت عليه ستجده بيخسر وزنه لكن في اسباب مع الناس العاديه اللي سنها صغير ستجد زياده بالوزن 
اولا قلة الحركه مع السن المتقدم يعني يا امي كنتي زمان  بتنزلي تشتري حاجتك من السوق ماشيه وترجع مسافه كبيره جدا ممكن تمشي بالعشرين كيلو وعادي ومع تقدم السن ووجود العربيات والتليفونات يا اما تخلي حد فينا يجيبلها حاجه يا اما بالتليفون وبالتالي الحركه للصغار والكبار هامه جدا حتى لاتسبب خشونة الركبه قلة الحركه انك تحرك نفسك تجد وزنك بيزيد وعندك اضرار صحيه بشكل كبير 
ثانيا كل ماتقدم بالسن كل مايهمل الوجبات الاساسيه زمان مكنش عندنا ثقافه غذائيه كنا بناكل اي حاجه بطاطس مقليه مع الكشري نشويات مع نشويات
ماما🎤🎤النهارده كانوا عاملين بطاطس محمره مدوقتها وحلفت 
م.مصطفى 🎤🎤امي كانت فاكره ان القالب بتاعها كده مليانه بعد ما شافتني وان ابنها ثقافته الغذائيه بتتغير وبيساعد الناس هي كمان تأثرت وعرفت ان التخن مش خلقه ولا وراثه لان ربنا خلقنا في احسن صوره واحنا بوظنا الصوره 
 ثانيا مع تقدم السن بنفقد عناصر غذائيه هامه مثل الكالسيوم والفايتمينز وخصوصا فيتامين دال تجد معظم الناس عندهم نقص فيتامين دال الحرق بيقع عندهم انيميا بياكلوا اكل سعراته عاليه وعناصره الغذائيه سيئه جدا فلازم اننا نعرف لو سننا كبر لازم نتحرك حتى الاجانب في الغردقه تلاقيه عنده 70سنه وبيتمشى ع الشط رايح جاي وانتي قاعده يا حاجه بتاكلي محشي فالثقافه بتفرق مع الواحد 
ثالثا تجد الناس الكبار يقولك يلا حسن الختام هنعيش اد ايه هل هنعيش اد ماعشنا ياعم كل اوعى تفكر كده حتى لو اخذنا ع ثقافة الغرب تجد انه بعد سن الستين ارتاح ابتدي اشوف حياتي ادلع نفسي اسافر في ناس بتبتدي حياتها بعد الستين 
رابعا بتجد نفسك متعصب بتكره نفسك لازم نهدى مع نفسنا ومش نتنرفز ونطول بالنا 
خامسا اضطراب الهرموني خاصة عند السيدات بيلجاؤ للاكل لازم نمسك الجسم ونتحكم فيه من جديد ولازم نعرف ان السن مش مقياس للتخسيس 
احكيلنا صحتك قبل وبعد التخسيس
ماما🎤🎤فرقت كتير مع الواحد بيتحرك يروق سراير ينظف الشقه واتحركت كتير وعن فرحتي لما حد بيلاحظ التغيير يقول ياااه انتي عملتي كده ليه خسيتي كتير اوي شوف الهدوم كانت صغيره مش داخله 
م.مصطفى 🎤🎤كنت اروح اقول للراجل اعطيني اكبر مقاس وكبيره جدا اجي التقيها ضيقه عليكي 
م.مصطفى🎤🎤لو عندك اطفال تقدر تتحكم فيهم لو هتعمم الاكل ع كل البيت والناس الكبار اللي فاكره انه مش هيقدر يخس بالعكس ناس كتير غيرت حياتها انت كمان تقدر تغير حياتك متقولش الموضوع خلاص انتهى لأ قولت اجيبلكم امي مثال حي عشان الناس اللي بتتحجج بالسن تحبي تقوليلهم حاجه قبل مانختم الحلقه؟؟
ماما🎤🎤اقولهم وحشتوني وربنا يوفقكم ويثبتكم اهم شيء العزيمه والاراده دي اهم حاجه لو نظمت اكلك وشربك ونومك هتخس كتير الواحد بيفطر كويس ويتغدى كويس مفيش حاجه ناقصاه بياكل فراخ لحمه سمك والصبح ياخد ملعقة زيت الزيتون وملعقة العسل 
م.مصطفى 🎤🎤محتاجين فقط نغير  من ثقافتنا بس وفي الاخر هتخس 
ماما🎤🎤وحشتوني واسالوا عليا ياجماعه كلكم وفي ناس مثبته بترسلي رساله كل يوم تسال عليا بشكرهم
ردود اللأفعال:
حقيقة تأثير السن على الحرق
لو نفسك تخس

تعليقات

تعليقان (2)
إرسال تعليق
  • Unknown photo
    Unknown26 يوليو 2018 في 8:32 م

    الله يخليك ويحفظك
    هذا الريجيم جيد جدا
    اريد تحميل التطبيق ولكن لا اعرف كيف

    حذف التعليق
    • yoyo photo
      yoyo7 أغسطس 2018 في 6:30 ص

      جزاكم الله كل خير على كل المجهود دا

      حذف التعليق
      google-playkhamsatmostaqltradent