حرامي بكرش يطلب ادوية واعشاب ووصفات علشان الكرش
سطو مكرش
الحرامي🎤🎤سجل يالا عشان نطلع مع الهندسه في الفيديو ده ازيك يا هندسه انا بعزك اه دخلت عليك داخله ناشفه الصراحه بس معلش كل واحد وشغلانته فاكر من 4سنين واحد نتش منك الموبايل وطلع يجري اهو انا العبد لله اللي خد منك الموبايل وطالع في فيديو تقول اللي خد مني الموبايل ياريس م اليوم ده طلعلي كرش عجيب كنت رفيع واسرقلي موبايلين تلاته من اول ما سرقت موبايلك والدنياقفلت في وشي وطلعلي كرش مبإتش عارف اتحرك م البيت اصلا رجعت للعهد القديم اشتغل هجام اسرقلي حتتن سبغه خلاط والشغل المتعب ع الفاضي واطلع الشقق اللي اهلها مش فيها اصلا افضل قاعد جوه الشقه شامم ريحة اكل لغاية مالناس تاخدني وتسلمني واهرب ومستقبلي راح انا عندي طالعه
شاهد الرسالة
م.مصطفى🎤🎤الساحل؟🤔
الحرامي🎤🎤ساحل ايه ياريس شغل انا مش بتاع ساحل انا قاعد معاك اسبوع تسيحلي الكرش ده هتسيحلي الكرش في خمس ايام مش انت اللي قايل تخسس الكرش في 25كيلو في اسبوع ولامش انت اه مش انت دا التاني معلش لمؤاخذه
انا جيتك عشان عارف انك بتساعد الناس فانا تهديد شغال غز شغال هعمل معاك اي حاجه بس تخسسني انا مش ماشي من هنا الا لما تسيحلي الدهون دي هتسيحهوملي ولا لأ
م.مصطفى🎤🎤يعني ايه اسيحهم عمرك شفت واحد دهونه ساحت منه فبقع التيشيرت كلمة تسييح دي غلط حضرتك مش سيخ شاورمه كده انت انسان
الحرامي🎤🎤يعني مفيش الدهون تسيح زي السمنه كده امال فين البس الكيس اقلع الكيس وسخونيه وحط ع الباجور مفيش حاجه هتسيح طب بالنسبه للبورشام اللي بيخسس شايف حورات وقنوات عايزين تطلع باي بورشامه من البورشام خلينا نسيح ولا بلاش نسيح عشان متزعلش نشيل الكرش ده
م.مصطفى🎤🎤مفيش حاجه اسمها برشام تخسيس لو بتدور برشام للتخسيس مش هتلاقي لان لو فيه مكانش حد هيبئا تخين عمره فريح نفسك
الحرامي🎤🎤طب بالنسبه للاعشاب اللي ع الريق دي وتنسف الكرش انا عاوز ابلع اي حاجه عشان اخس
م.مصطفى🎤🎤لا اعشاب ولابرشام ولا اي حاجه هتخسسك لان الكرش ده طاقه زياده والحل في الاكل الصحي
الحرامي🎤🎤مشكرين متنيوش تعملوا لايك وشير عشان المهندس بيتعب
م.مصطفى🎤🎤الناس االي بتبحث عن حلول سحريه وبتدور ع اعشاب وادويه وبتبحث ع اي خلطه عشان فاكره ان الوصفات والخلطات والاعشاب دي هتسيح لهم دهونهم هتخلي الكرش يسيح في ثانيه ع اساس انه حتة زبده او سمن بلدي لو اتعرض للشمس هيقعوا منك ويسيحوا الناس لازم تعرف ان الموضوع انك عندك مخزون طاقه محتاج تتخلص منه من خلال تتبع نظام صحي متغير السعرات كلها اقل من السعرات المطلوبه ليه جسمك محتاج يحرق سعرات يوميه بكميه معينه لما بتقل عنها بيستهلك من الطاقه الاحتياطيه اللي خزنها زي اللي موجوده في الكرش والارداف والذراعين والرقبه ياخد من البنك بتاعه ويوم وراء يوم الكرش يقل لكن الحلول الوهميه اللي انت بتبحث عن شيء يسيحلك حتة الدهن دي فهذا مش موجود لانك انسان مش سيخ شاورمه عندك دهون محتاجه تتحرق محتاج وقت وصبر مش في يوم وليله الكيلو دهن محتاج 9000سعر حراري عشان تتخلص منه وبالتالي عشان تتخلص منه فانت محتاج توفر كل يوم شوية سعرات حراريه الفارق بين الاكل الصحي اللي انت بتاكله واللي الجسم بيستهلكه من طاقه الفرق ده بيبتدي يحوش معاك كل ما يكون 9000سعر حراري يشيل كيلو دهون م الجسم كل فتره ع كده وبالتالي كيلو ع كيلو ع كيلو تجد الجسم تخلص م الدهون هو ده الحل المظبوط لكن لا تتجه للادويه التخسيس لان في عدة انواع منها اللي بترفع من ضربات القلب وممنوع لاصحاب مرضى القلب والضغط عشان بتسبب الوفاة ومن كلام دكتوره متخصصه بالتغذيه من جامعة المنصوره بتقول لي ان بعض الادويه اللي بتسبب ارتفاع في ضربات القلب سببت فشل في القلب ومات صاحبها ع الفور اذا خطيره
وفي ادويه بتسد الشهيه لانها بتقطع الوصلات العصبيه بين المخ والمعده وتسببلك اكتئاب ومش قادر تعرف جعان ولا شبعان وعد كده بتاكل بكميات رهيبه فتجد وزنك بيزيد ادويه تانيه مجهولة المصدر في منها اللي بيلعب في هرمون الغده الدرقيه وده اخطر مايكون كانك فكيت السوفت وير للجسم وطالما لعبت في هرمونات الجسم ده اكثر ضرر
وفي الادويه اللي بتخلصت من جزء من دهون الوجبه انت مش محتاج ده لانك ماشي ع نظام صحي وليها اعراض سيئه انا اتكلمت عن الكلام ده قبل كده بس لازم افكرك الادويه دي والاعشاب والخلطات مضره
ومتاخدش حاجه ع الريق الاملعقة العسل النحل وشوية مياه للناس اللي لايعانوا من اي مشاكل صحيه ولو مشيت نص ساعه باليوم ونظام صحي مش هتحتاج تاخد حاجه تدمر صحتك