recent
أخبار ساخنة

رشاقتك هي جنتك في الأرض

رشاقتك هي جنتك في الأرض
رشاقتك جنتك

من يومين كده عملنا فيديو كئيب  شوية عن السمنة و أمراض السمنة و إن السمنة ممكن تتسبب في عدة أمراض كثيرة تمنعك من معاني كثير للحياة عشان كده النهاردة حبيت اعملكم فيديو مختلف اتمنى انه هو يعجبكم و أنا واثق بإذن الله إنه هيعجبكم مش عشان أنا إلي عامله مثلا أو عشان خاطر صوتي فيه لكن هيعجبكم عشان خاطر هتشوفوا فيه احد شوارع القاهرة و كبري قصر النيل 
الحقيقة أن  السمنة ممكن تحرمك من الحياة لكن لو بصينا و خلينا إن شيء ثاني يشجعنا مش شرط ان احنا نخاف من أمراض السمنة علشان كده  نتغير لكن نشوف إيه الخير إلي ممكن يحصل لنا بإذن الله لما نتخلص منها و يكون الخير ده دافع لنا اننا نوصل ليه ان شاء الله الخير الكثير إلي هيحصل لك سواء تغيير كبير في حياتك تطوير لنفسك و تطوير في شخصيتك بشكل كبير ..شخصيتك إلي هتختلف ١٨٠ درجة يعني هتختلف تماما ان شاء الله بعد التغيير الي انت بجد هتدعلنا عليه ..عارف لما هتنزل تتمشى كده و تحس بالهواء  عمال يهفهف في وشك و انت ماشي و تحس بالانتعاش الطبيعي و الله العظيم هتدعي لنا من قلبك لدرجة ان انت ممكن تبكي من كثر الدعاء علشان خاطر هتحس قد إيه أنت كنت محروم من حاجة و الناس دي هي إلي كانت سبب أنك ترجع للحاجة دي بجد هتفضل فاكرنا بإذن الله لأنك كل متشوف حاجة كويسة تحصل لك هتدعي لنا من قلبك عشان كده أنا بقولك و بشجعك و بتمنى لك إن شاء الله انك تعيش هذه الحياة سواء ان انت عايش على نهر النيل او في إسكندرية أو جنب بحر لكن انك تقدر تنزل تتمشى و ترفه عن نفسك أو تخرج علشان خاطر تطلع من حالة الإكتئاب الي كنت عايش فيه و السجن الي كنت دافن نفسك فيه شوية الأكل إلي عمال تأكلهم و فكرهم حاجة حلوة أوي فيه حاجات ثانية أحسن فيه الجنة إلي أنت ممكن تعيش فيها على الأرض بسبب إنك تقدر تعمل كل حاجة كثير من الناس اتحرم من حاجات كثير من جوازة حلوة من شغل حلو من خروجة حلوة من أصدقاء مثلا عشان خاطر السمنة ممكن غصبا عنهم يكونوا جرحوك بكلمة لكن بجد لما هتتغير حياتك كلها هتتغير هتشوف الناس حواليك كده و انت سعيد أوي هتبقى طاير من الفرحة أنا لما كنت بخس كيلو واحد كنت بحس اني فراشة و لما خسيت أول ٩ كيلو بعد أسبوعين حسيت قد إيه إن الحياة جميلة أوي و رائعة جداا مش مستاهلة اننا نضيعها مع شوية أكل عشان كده النهاردة حبيت اعملكم فيديو خفيف كده و مختلف اوي فيديو من فوق قصر النيل اتمنى انه يعجبكم و اتمنى لو عجبتكم هذه الفيديوهات انكم تطلبوها تاني و هعملها في أماكن تانية إن شاء الله
ردود اللأفعال:
رشاقتك هي جنتك في الأرض
لو نفسك تخس

تعليقات

تعليق واحد
إرسال تعليق
  • Unknown photo
    Unknown30 أغسطس 2018 في 5:11 م

    بجد يا استاذ مصطفي كل كلمه مسمعها منك اول ما ادخل علي الفيس او ادخل التطبيق بدعلكم علي تعبكم ومجهودكم معنا فعلا ربنا يجازيكم خير انتم ناس محترمه ونشكركم علي كل حاجه عملتوها معنا

    حذف التعليق
    google-playkhamsatmostaqltradent