23395821524787388
recent
أخبار ساخنة

تعالى أقنعك تخس قبل فوات الأوان

الخط
تعالى أقنعك تخس قبل فوات الأوان
دعونا نبدأ

كثير من الناس الي لما تنصحهم بالتغيير و انهم لازم يخسوا  علشان صحتهم يقولك يا عم انت اخس ازاي .اول ماتقوله بالنظام الغذائي و لازم تعمل دايت يقولك يا عم دايت ايه الي امشي عليه انا بحب الاكل و بعدين انا مبحسش باي نتيجة  يعني هو مشي يومين مضبوط و ماشفش نتيجة يقولك بحس ان مفيش نتيجة يا عم دايت مين و اسيب الاكل.
شاهد الرسالة كاملة
السلام عليكم و رحمة الله تعالى و بركاته 
اول امبارح كنت ماشي في الشارع لقيت شاب في العشرينات وزنه زياده جاي في وشي و ماسك كيس شيبسي بصيتله نظرة سريعة و تذكرت نفسي لما كنت يمشي و بُقي مبيخلاش من الاكل افتكر مرة اني اعمل ريجيم و التزم و العب رياضة و انزل أتمشى فقلت اتمشى و ايدي فاضية و يومها اشتريت لب و انا مش فاهم حاجة في اي حاجة و بالتالي افتكرت هذه الذكريات لما شفت الشاب ده .. بعد ما مشيت مسافة كده لقيت حد بيخبطلي على كتفي و لما بصيت لقيته نفس الشاب الي مريت عليه و لقيته بيقولي حضرتك المهندس مصطفى لو نفسك تخس قلتله ايوه قال انا كنت حابب اسلم عليك و اشكرك ربنا يباركلك نفسي اخس لكن كل ما أبدأ ريجيم مبكملش ييجي العيد بقا اقول لما يخلص و بعد العيد ييجي رمضان فأقول بعد رمضان و هكذا نفس القصة دي بتحصل لكل الناس و نفس الكلام ده يتكرر ساعتها قلتله انا كنت زيك و كنت ضعيف جدا و حاسس اني عمري ما هتغير ابدا لدرجة اني كنت بقول لنفسي يا رب اخش علشان خاطر لما يشيلوني بعد ما اموت مبقاش ثقيل عليهم فكنت بدعي ربنا انه يعيني قلتله انت لسه شاب صغير ووما عندكش اي امراض احاول انك تتغير و تكون صادق مع نفسك لان الي بتعمله ده دلع كل واحد فعلا مش قادر يبدأ ريجيم و بيقول بعد العيد و مش عارف امتى كل ده دلع لو انت اخذت القرار فعلا من جواك مفيش حاجة توقفك لازم يكون قرار صادق منك و لازم تكون فعلا عايز تتغير .. كثير مننا للاسف بيستنى كثير علشان ياخذ القرار و أحيانا بيكون القرار ده متاخر اوي يعني لغاية متحصل مشكلة .. انا واحد من الناس كان كرشي كبير جدا ووزني ثقيل الا اني ما أخذتش القرار غير بعد سنين طويلة فضلت من سنة ٢٠٠٦ تقريبا وزني كان بيزداد من سنة ٢٠٠٠ لغاية ٢٠١٣ و قتها اخذت القرار فضلت أكثر من ١٣ سنة عايش مع التخن وزني بيزيد كل سنة بشكل فظيع ..لازم تعرف حاجة مهمة اوي الوزن لما يوصل مثلا ١١٠ تلاقيه راح ناطط ١٢٠ و ٢٠ كيلو كمان ل ١٤٠ يعني بيزيد بشكل غريب جداا لان معدتك تبتدي توسع و تبتدي تاكل أكثر و تبدأ حركتك تقل..احباطك لنفسك و حبك للاكل تخلي الموضوع يزيد معاك أكثر و بالتالي بتصعب عليك الامور علشان كده بمجرد انك شفتنا و ايا كان وزنك ابدأ معانا على طول و خذ القرار سواءا هتصوم او لا حمل تطبيق لو نفسك تخس هتلاقي نظام المسابقة الحالية وابتدي معانا من نظام اليوم الي بينزل معاك ..طيب امتى آخذ القرار انا اخذت القرار متاخر بعد ما جالي الضغط و خشونة في الركبة يعني بقيت تقريبا عاجز كنت بعرج  و انا ماشي اخذت القرار لما بقيت انزف من انفي حسيت قد ايه اني مقهور على نفسي شاب لسه في بداية الثلاثينات و بيحصلي كده و كنت كل ما اروح للدكتور يخبط على كرشي و يقولي نزل ده طب متقولي يا عم الحج ايه علاقة النزيف بكرشي و الخشونة و الضغط تصور صداع رهيب  اول متصحى من النوم تحس انه في نار في راسك ساعتها الطبيب قال لازم تتغير لو نزلت كرشك كله هيروح ..لما غيرت حياتي و ابتديت اخس بدأت الخشونة تتحسن لغاية ما انتهت تماما و لما لقيت ان الضغط اتضبط بعد ما خسيت و الحمد لله عرفت ليه بقينا كده و ليه التخن بيسبب ده الفكرة كلها ان ركبك مصممة انها تشيل مثلا ٧٠ او ٨٠ كيلو لمدة مثلا ٦٠ او ٧٠ سنة لكن احنا بنحمل عليه زي العربية كده بتحمل عليها فوق طاقتها هتستحمل سنة او اثنين و تلاقي محركها وقف دي نفس القصة مع الخشونة و الام الظهر فأنا بدأت اعرف ان كل ده ضغط على الجسم فلما بتخفف الخشونة بتروح.. طب الضغط ييجي منين الفكرة كلها ان قلبك عبارة عن مضخة الي بتضخ الدم بتاخذ الدم المحمل بالاكسجين من الرئة إلى القلب و هو بيضخه لباقي خلايا الجسم و بالتالي تلاقي القلب ينقبض و ينبسط المعلومات دي عامة انا كشخص لازم اعرف الي بيحصل معايا بسبب التخن و ليه نربط الأمراض دي بالتخن.. فالقلب ينقبض و ينبسط فلما يدخل جواه الدم فالقلب يطلعه ناحية الخلايا ففيه صمامات بتقول أخرى بتفتح الي بتقول عشان ميحصلش ان الدم يرجع للرئة و يمشي في اتجاهه الصحيح فلما ييجي الدم يمشي في المسار ده تخيل نفسك لما تكون بتجري و مرة واحدة لقيت في وشك حيطه هتروح خابط في الحيط و ترجع للوراء هو ده الي بيحصل بالضبط ان الدم ييجي يمشي في الشرايين يلاقي الدهون مليانة فيروح خابط في الشرايين و يرجع تاني فيحصل حاجة اسمها ارتجاع في الصمام ..و تلتقي لما تروح للدكتور تقوله قلبي وجعني و ي رفرفة يقولك انت عندك ارتجاع في الصمام و ممكن توصل لعملية تغيير الصمام فالفكرة كلها ده بيكون السبب القلب لما يلاقي الشرايين ضيقة يبتدي يرفع ضغط الدم علشان لازم يوصل كمية الدم دي للمخ و للخلايا .فانت لما تعمل ريجيم بتنظف الشرايين دي الي مليانة كولسترول فتبتدي تنظف و بالتالي الطريق هتسلك قدام القلب و الدم ماشي زي الطيارة و تلاقي الوضع طبيعي و نفسيتك مرتاحة.الحاجة التانية السكر فيه في الجسم حاجة اسمها البنكرياس هو الي بيفرز الانسولين الي بيتحد مع الجلوكوز و يتحرقو جوة الخلية و يديك الطاقة و الطاقة الزيادة تتحول لدهون  .المخ يقول للبنكرياس طلع شوية انسولين عشان في شوية سكر عايزين نحرقه و يديلك الطاقة فييجي البنكرياس و يلاقي قدامه الأحماض الدهنية فيكسر الانسولين و هكذا و بالتالي تلاقي ان الشخص ده بيعاني من مشاكل ان هو يبتدي عنده السكر يرتفع يروح للطبيب يقوله عندك بداية سكر لازم نأخذ دوا مبدئيا لحل المشكلة لكن المشكلة الأساسية الدهون لازم تخس و كثير من الناس كان عندهم سكر لما خسوا اما الاعراض قلت او منعوا الجرعة و بقوا طبيعيين دي حاجات صغيرة حبيت اتكلم فيها و مش شرط ان ده يحصل معاناة عشان نأخذ القرار مش شرط اننا نتوجع اوي صحيا علشان نأخذ القرار.
تعديل المشاركة ردود اللأفعال:
تعالى أقنعك تخس قبل فوات الأوان

لو نفسك تخس

مساحة إعلانية
مساحة إعلانية
مساحة إعلانية
التعليقات
    مساحة إعلانية
    ليست هناك تعليقات
    إرسال تعليق

    إرسال تعليق

    نموذج الاتصال
    الاسمبريد إلكترونيرسالة