recent
أخبار ساخنة

هل استحق كل هذا منكم؟

هل استحق كل هذا منكم
رسالة عتاب للاحباب
تخيل معايا لما واحد بيشوفك يقولك هو انت اتخين كده ليه ايه المنظر الي انت فيه ساعتها هتعمل ايه اما هتسكت و تسيبه و تمشي و تشيل في نفسك يا اما هتبقى زي حالاتي رد فعلك قوي جدا تخيل كمية  وجع الإنسان لما حد يشوفه و يقوله كلمتين وحشين عن شكله و الناس دي بتشوف الي وزنها زيادة انهم لا يصلح انه يكون عندهم اسرة و بيت ولا انهم يشتغلوا و يحسوا انهم الاضحوكة بتاعت القعدة و كوني واحد منهم كنت بشوف ده يعني يلاقوا اي نقطة ضعف فيك و لو اسمراني مثلا يبدأ يضغط
 عليك بلهجة عنصرية زي الي بيتريق على شخص وزنه زيادة ..الفكرة كلها هي انه الناس الي يكون عندها مشاكل نفسية بتبحث على أي حاجة ضعيفة في الشخص الي قدامها و تضغط عليه و ده الي حصل معايا في رسالة امبارح شفت كومنتات رهيبة و غريبة الي هي انت عملت في نفسك كده ليه حسسوني اني زي بعض الناس الي بتنفخ شفايفها او خدودها مش شخص حلق شعره لو راجعت فيديوهات قديمة هتلاقي ان ده هو أول ستايل بتاعي ..الفكرة انك تكتب معجبنيش او ده مش احسن ده شيء عادي لكن الاقي كومنتات زي انت قلبتها هامان ليه و الي يقولك ده عفريت و لا اي كلام من هذه الشاكلة تخيل لما واحد يقولك حاول تتخلص من السمنة لأنها مرض و هتقضي عليك انا بمد ايدي ليك عشان نبدأ التحدي و اشرح لك النظام واحدة واحدة عشان خاطر محدش يتريق على شكلك لأني كنت زيك و كنت بتقطع لما حد يتريق عليا لما تلاقي ناس عنصرية كده بتضغط عليك و بتوجعك تحس نفسك هتنفجر انا قابلت ناس من كل الاصناف مثلا واحد يقولك انت حلقت ذقنك و شعرك شكلك مش عجبني هطلع من القناة محسسني ان القناة دي عملينها عشان نخدم نفسنا لو احنا بندور على الفلوس كان زماني بقيت مليونير بس انت الي هتكون السلعة الي هسوقها هقولك مثلا مش هتتفرج على الفيديو ده غير لما تدفع ساعتها هكون محبوب اوي لأنه في ناس تحب الي يشتغِلها و يستغلها انا لما بطلع ده عشان اساعدك و أمد يد العون مش عشان أعرض ازياء و لا اقولك انفخ شفايفك انا راجل بطلع اتكلم انت ممكن تسمعني من غير ما تبص عليا خالص لكن للاسف فيه ناس تحب تدور دايما على حاجات تافهة تتكلم فيها فنصيحة ليك بلاش تاخذ ذنب و تلاقي في صحيفة اعمالك ذنب مصطفى علي فبلاش نغلط في الي بيحاول يساعدك ..انا يهمني اني انصح كل الناس حتى الي مش عارفاني و الي بتكتب تعليقات وحشة و غلطت فيا  يهمني أن حالك يتصلح مش اعملك بلوك و امشّيك انا بشوف الكومنتات دي و بتصعبوا عليا على كم الذنوب الي بتاخذوها من ورا كومنت تكون شايفه تافه لكن عندي عظيم اوي فربنا هياخذ حقي من الشخص ده على قد ما توجعت من كلامه لكن هسامح كل الناس الي كتبت امبارح و اتريقت عشان آخذ ثواب اني اتشتمت و ثواب اني سامحت 
عشان كده بقولك اوعى تاخذ الناس بالظاهر اوعى تفكر ان واحد بلحية لازم تمشي وراه و تسمع كلامه مش شرط و مش بالشكل انا لا شيخ و لا عالم انا انسان عادي و أحد أعضاء لو نفسك تخس شخص بينصحك لو عايز شهرة مكنتش بجري وراكم و اقولكم اتغيروا... سيبكم من الكلام ده كله و قولولي عملتم ايه في أول تحدي لينا اتمنى لكم حياة سعيدة .
ردود اللأفعال:
هل استحق كل هذا منكم؟
لو نفسك تخس

تعليقات

9 تعليقات
إرسال تعليق
  • Unknown photo
    Unknown25 أغسطس 2018 في 6:52 م

    والله يا باش مهندس مصطفى المفروض ما تهتمش بكلام الناس المحبطه دى ال همها الوحيد انها تحبط ال قدمها المفروض انك بتشجعنا ديما اننا ما نهتمش بيهم ولا لكلامهم والله انا بحس انك اخويا او حد من عائلتى عشان وشك السمح البشوش ده وناس كتير بتحبك ومش ناكره فضلك عليها

    حذف التعليق
    • Unknown photo
      Unknown26 أغسطس 2018 في 2:50 ص

      للمهندس /مصطفي
      الناس ديامريضه نفسيا لانها لقيا جميع الناس بتدعي لك من قلبهاولاقين جميع العالم منبهرين بك وده نجاح كبيروحسد
      جزاك الله كل الخير لاتهتم لانه نجاح لنا بدون دفع فيزا ولك النجاج بارك الله فيك وفي اسرتك
      لالاتهتم لانك عطلت عليهم
      ا

      حذف التعليق
      • Unknown photo
        Unknown26 أغسطس 2018 في 9:14 ص

        تحياتي لك علي مجهودك ويجب أن تعلم أن رضا الناس غاية لا تدرك

        حذف التعليق
        • نسمة الصبا photo
          نسمة الصبا26 أغسطس 2018 في 10:58 ص

          السلام عليكم ورحمة منه وبركات...اشكرك يا أخ مصطفى اشكر كادر القناة على جهودكم في مساعدة الناس وأدعو الله عز وجل أن يديم عليكم نعمة الصحة والرشاقة ويجعل ماتقدمه في ميزان حسناتكم

          حذف التعليق
          • Unknown photo
            Unknown27 أغسطس 2018 في 1:06 ص

            الحقيقة انت انسان عظيم
            إنسان معطاء بلا مقابل
            هدفك اسعاد الناس
            وأنا لا أعلم ما هدف بعض الأشخاص من نقد شخص مثلك
            هل الدافع وراء ذلك الغيرة من نجاحك
            ومن حب الناس لك
            انت تحصد يومياً الافا من الحسنات
            وآلافا من الدعوات والافا من المحبين
            فلا تكترث لبعض الحاقدين
            كم أتمنى أن أكون مثلك
            بارك الله فيك ياأخي
            وأثابك خيرا

            حذف التعليق
            • Unknown photo
              Unknown28 أغسطس 2018 في 4:48 م

              ولا يهمك يا باشمهندس .. وخاطب الناس بقدر عقولهم.. وانت في الحقيقه أحسنت الخطاب. واعلم أن لكل الناجحين امثالك أناس حاقدون وتافهون وفارغي العقول .. و يكفيك أن هناك آلاف يتابعونك ويتمنون لك النجاح مقابل قله قليله لا تلفت الا الي الصغائر.

              حذف التعليق
              • Unknown photo
                Unknown29 أغسطس 2018 في 10:04 م

                (محترم)

                حذف التعليق
              • Unknown photo
                Unknown9 سبتمبر 2018 في 6:18 ص

                السلام عليكم سيبك من كلام الناس يااستاذمصطفي لان كل وعاءبيننضح بمافيه والبني ادم مش بشكله بجوهره واحنابنتبعك لصدقك وامانتك والحمل اللي اشتالته من هموم الناس ومدايدك لمساعدة الناس اللي بجد محتاجه حديمدايده ويساعدهم فجزاك الله خيرا وورربنايجعله في ميزان حسناتك

                حذف التعليق
                google-playkhamsatmostaqltradent