recent
أخبار ساخنة

لو مش قادر تلتزم بالرجيم وبتضعف وتلخبط!! الحل في هذا الفيديو

لو مش قادر تلتزم بالرجيم وبتضعف وتلخبط!! الحل في هذا الفيديو

سبعة نصائح هامة

ناس كثير تشتكي انها مش عارفة تلتزم بالنظام و انهم مش عارفين يلتزموا من العيد يا ترى ايه السبب ..الحقيقة بحثنا في هذا الأمر و لقينا في سبع أسباب رئيسية بتسبب عدم الإلتزام و هي :
شاهد النصائح السبعة فيديو
١- بخل الجسم: انت بتتعامل مع شخص بخيل جدا بيحب يخزن لكن يصرف لا وبالتالي بيضغط عليك يعني الجسم فيه خاصية البقاء يحبك تاكل كثير و ميحبش يصرف الحاجات الأساسية بتاعته..بمجرد انك اكلت فالجسم بيقولك زود أكثر علشان خاطر هو حابب يخزن و يحوش زي الإنسان البخيل و عشان تتغلب على ده لازم تتدرب و تعرف ان جسمك أحيانا بيضغط عليك حتى تاكل كثير لأنه عايز يخزن دهون فانت لازم تضحك عليه و تلتزم أكثر بالنظام 
٢- كسل الجسم : يخزن و ياخذ طاقة و مايشتغلش زي ما واحد يقولك انت هتشتغل ١٢ ساعة و هديلك ١٠٠ دولار او متشتغلش و اديلك ١٠٠٠ دولار حضرتك طبعا هتوافق على ١٠٠٠ دولار فالجسم بيتعامل معاك كده هو كسول ميحبش يتعب و ده بيترجمه انك بتحب السكريات اوي ان الجسم بيعشق حاجة اسمها السكر الأبيض أو أي حاجة سهلة الامتصاص اول ما تاخذ السكر الأبيض يعني طاقة بلا عناء الجسم بيرحب بيها  لما تاكل حاجات قليلة بتفتح عالآخر بعدين  في واحد اعرفه بياخذ ليمون فيها ٨ ملاعق سكر زي متكلمت في حلقة مدمن سكر و قلت ان ملعقة سكر تعطل الحرق من ساعة و نص  لساعتين متخيل ان الجسم بيسيب الاكل و يبتدي يحرق من السكر الي انت اخذته لأنه طاقة سهلة تخيل لو اخذت ٥ شاي ب ٣ ملاعق سكر يعني الجسم يفضل يحرق في ١٥ ملعقة سكر و لمدة ١٥ ساعة مثلا طيب و الاكل هيتحرق امتى ده بقا هيتخزن و حتى تتغلب على الموضوع ده لازم تعرف ان الجسم ميحبش تدخلو حاجات كثيرة زي الألياف المعقدة و السكريات الكثيرة هو في النهاية بيحرق لكن يبدأ بالحاجة السهلة
٣- زيادة الحرق: بعد الأيام المفتوحة في ناس حرقها بيزيد زي متكون في عربية و زودت السرعة فلازم تمسك في المقود كويس و الا العربية هتنقلب بيك هو ده الي حصل في العيد أنت زودت الحرق بشكل كبير فالجسم يبدأ يضغط عليك و يطلب اكل أكثر فلما تصبر و تطول بالك و تلتزم تلاقي ان الجسم يبدأ تلقائيا ياخذ من مخزون الدهون حتى يعوض السعرات الي نقصاه فالمفروض انك تستحمل و بلاش تطاوع الجسم و تعك هتلاقيه ضبط معاك 
٤- المعدة بتوسع: لما اخذت ٣ أيام مفتوحين  اول يوم اكلت كمية معقولة ثاني يوم المفروض تاخذ نفس الكمية الي تكفيك يعني تشبع و خلاص لكن الناس كانت بتاكل و تضغط في المعدة و توسع فيها بزيادة كمية الاكل يوميا و بالتالي اتساع المعدة خلاتك متشبعش من الاكل بتاع النظام فلو ضبطنا كمية الاكل من اول يوم مفتوح و وقفنا اكل بعد الاحساس بالشبع مع الصيام بعد الوجبات هتلاقي انك حافظت على حجم المعدة
٥-نقص الفيتامينات: في أيام العك بتاكل اكل غير صحي و فقير من العناصر الغذائية فلما تحرم الجسم من العناصر دي تلاقي انه يفقدها لكن مع التزامك الجسم يبتدي يتشبع بالعناصر الغذائية و تلاقي معدتك صغرت و قدرت تتحكم في جسمك 
٦- اضطراب الهرمونات: كثير من الناس نومهم مش مضبوط تلاقيهم بيسهروا و ده يؤدي إلى اضطراب هرموني قاتل يخلي الجسم جعان و مضطرب لو ضبطت نومك هتلاقي الجسم اتعدل و هتحب تفطر بدري و ان حياتك اختلفت تماما 
٧- احساسك بالفشل: انك مش هتقدر تتحكم في نفسك و ده ممكن يضيعلك كل حاجة لازم تعرف انه محدش نجح من اول مرة و الفاشل هو الي يستسلم لان الناجح هو الي يبقى حريص انه يتعلم من فشله و يكمل للآخر عشان كده انا عايزك تتعلم من الأيام الي فاتت و ترجع تلتزم معانا
و النقطة الاخيرة هي الاكل الباقي من الأيام المفتوحة لازم تخلي عندك شخصية انك بدأت النظام و مش هتعك انك اخذت حقك في الأيام المفتوحة فخلاص بواقي الاكل دي تترمي نديها لناس فقراء او اي حد لكن انت التزم بالنظام و خليك متفائل.
ردود اللأفعال:
لو مش قادر تلتزم بالرجيم وبتضعف وتلخبط!! الحل في هذا الفيديو
لو نفسك تخس

تعليقات

تعليقان (2)
إرسال تعليق
  • Unknown photo
    Unknown28 أغسطس 2018 في 4:39 م

    ربنا يبارك فيك يا باشمهندس.. انا معاكم في المسابقه بأمر الله.

    حذف التعليق
    • Unknown photo
      Unknown13 سبتمبر 2018 في 12:21 ص

      يعطيك العافيه جهودك مشكوره بدنا صيام مسيحي احنا روم ارثوذكس يعني لا سمك ولا تونه ولا اي شيء من أي نوع من الحيوانات وشكر

      حذف التعليق
      google-playkhamsatmostaqltradent