recent
أخبار ساخنة

طريقة رائعة تجعلك تلتزم بالرجيم ونظام الستة أيام للتخلص من الدهون

طريقة رائعة تجعلك تلتزم بالرجيم ونظام الستة أيام للتخلص من الدهون

ستة ايام للرشاقة

صباح التحدي الجديد الي مدته ٦ ايام من السبت لغاية الخميس و بعد التحدي نأخذ يوم مفتوح و بعده المسابقة الجديدة و تحديات أخرى ان شاء الله .. التحدي ده مدته ٦ ايام و زي كل مرة بقولك فيها هيبقى تحدي قوي التزم فيه انا بقولك التحدي ده افضل تحدي على الإطلاق النتيجة بتاعته هتكون رائعة و ده الي هتشوفه و لو هتسأل اي حد عليه هيقولك الأنظمة رائعة و حققت معايا نتيجة رائعة جدا اهم حاجة تكون مفيش عندك اي مشاكل صحية تعوق نزول  الوزن  هذا التحدي من أروع التحديات الي هتمر عليك 
فعشان كده مش عايزك تفوته التحدي بتاعنا هيكون في الفطار اختيارين اما كوب حليب سخن معاه عسل و تكسر عليهم رغيف سن او توست بني ناشف و تحط عليها ملعقة قرفة و تكون عملت كده فتة العسل أو الاختيار الثاني ٢ توست بني طري او رغيف سن مع ملعقة كبيرة عسل او ملعقتين صغيرين و ممكن تشرب جنبهم كوباية حليب ... 
شاهد الرسالة كاملة
الغداء عندك سلطة وخضار معمول بطريقة صحية و البروتين صدور دجاج او جبنة قريش أو سمك مشوي او صدور ارانب و لكن انصح انك تركز هذا الاسبوع على السمك المشوي و الجبنة القريش و صدور الدجاج و فيه سناكس ما بين الفطار و الغداء ثمرة فاكهة مسموحة و كوباية حليب خالي الدسم ... و العشاء هيكون ٢ ثمرة فاكهة مسموحة هو ده تحدي ٦ ايام  الي هو من افضل التحديات فإوعى تفوّته.. النهاردة عايز اتكلم على الناس الي مش عارفة تلتزم الناس الي تتشجع في البداية و بعد ساعتين دايت تلاقيه مش قادر يكمل و قرفان وعايز ياكل يمكن من افضل الطرق علشان تجبر نفسك على الالتزام هي الحديث مع النفس الطريقة دي لو عملتها هتنجح معاك جدا عايزك تجربها هات الموبايل بتاعك و حطه قدامك و ارجع للورا و صور نفسك بالطول و افضل اتكلم مع نفسك لمدة دقيقتين ثلاثة قول ان شاء الله السبت الصبح هلتزم بالنظام الغذائي و هحاول اغير من نفسي و ربنا يعيني و انا بصور الفيديو ده علشان لما اشغله في نهاية الاسبوع اشوف قد ايه انا قوي و بطل و قول لنفسك انك ان شاء الله هتفضل ملتزم و مش هتعك كلم نفسك و شيل الفيديو معاك و كلما تحس انك هتعك افتح الفيديو و شوف نفسك قد ايه انت كنت متشجع مع بداية الأسبوع صدقني هتشحن طاقة كبيرة جدا و بعد نهاية الاسبوع سجل فيديو جديد و قول انا انتصرت على الفيديو الي فات و كملت للنهاية و بكره هاخذ اليوم المفتوح عشان اكمل التحدي الجاي و تصور فيديو آخر للتحدي الجاي و هكذا اعمل سلسلة فيديوهات لنفسك و بكده هتشجع نفسك بنفسك يعني سيبك من مصطفى علي و الرسالة التشجيعية انت هتشجع نفسك لأنك بتكلم نفسك و بتلومها .. انت لو عملت الموضوع ده هتلتزم بشكل كبير جدا .. كلمني احد الاصدقاء الأعزاء على قلبي في التلفون و الي كان خس معايا من ٥ سنين انه بعد ما خس فضل ينتكس و ابتدى يعك تاني و يتجه للاكل بشكل شره و مخيف ساعتها حذرته و قولتله خليك معايا في القناة و الصفحة تساعدني فبيقولي اصل انا مشغول و للاسف الشديد رجع تاني لوزنه القديم و هو قعد يقولي فاكر من ٥ سنين بدأنا و غيرنا من نفسنا و قد ايه كنا فرحانين ..يعني في رسالة النهاردة بقولك يا عمرو ابدأ من جديد زي ما عملتها قبل كده هتعملها تاني و هتوصل لهدفك و ساعتها مش هسيبك و هخليك واقف جنبي في كل ايفنت علشان تشجع معايا الناس انت  صاحب إرادة و كلنا عندنا الإرادة للتغيير 
يمكن اقوله يا عمرو افتكر الاكل الي اكلته في شرم الشيخ من ٤ سنين و الي تخنك لا مفتكروش هو ده لكن الي انت هتفتكره و تشوفه جسمك كل الي انت بتعمله يتنسي في لحظة بمجرد انه يعدي على لسانك و تذوق طعمه و بعد شوية الطعام انتقل للمعدة  و المعدة تتعامل معاه و كميات الكالوري تتحول لدهون و تبص في المراية 
تلاقي انسان تاني تقوله انا بكرهك طبعا ده شيء خطأ انك تقول لنفسك بكرهك لان كرهك لنفسك من الحاجات الصعبة ده جسمك شايفك و سامعك و حاسس بيك لأنه جسمك في الاول و الآخر و بالتالي مينفعش تقول لجسمك انا بكرهك سجل الفيديو ده و قول لنفسك انا هتغير ان شاء الله و هوصل لهدفي ... انا عارف ان فيه كثير منكم زهق من كثر كلامي و اني كل يوم اطلع اكلمكم فيه ناس زهقت و فيه ناس التزمت و كملت عشان كده بقولك حتى لو زهقت مني فالتزم علشان نفسك انا مفيش بايدي حاجة اعملها غير اني اطلع أشجعك و اوجهك لأنظمة لو نفسك تخس عشان تساعدك و اعمل ايفنتات  و اصور فيديوهات بتجاربكم عشان الناس دي تتشجع لما تلاقي ناس تانية بتخس كل ده انا بحاول استثمر الخير في الخير و ادعولنا يمكن ربنا يفتح علينا و تلاقيني عمال اقول يا جماعة يا لا نلم كل المكلبظين و نروح
نطلع رحلة ٣ او ٤ شهور في اي مكان في الصحراء ساعتها هتشوفوا الوش التاني خالص الاقيكم واقفين حواليا بشمهندس و النبي انا عايز ٢ توست بني و ملعقتين عسل و الله يبقى شكلكم عسل اوي..و هنرجع بعد ٣ شهور دول و كلكم خاسين .. ان شاء الله هعملها في يوم من الأيام اني اقدر أساعدكم بشكل اقوى و اكون أكثر تأثيرا في أرض الواقع ادعولنا كده ان ربنا يكرمنا علشان نقدر نساعدك بشكل كبير و نفضل بردو نساعدك بشكل مجاني لأننا لو عايزين نتجه للبزنس كنا اتجهنا إليه من أكثر من ٤ سنين لكن الخير مفيش احلى منه أستودعكم الله .
ردود اللأفعال:
طريقة رائعة تجعلك تلتزم بالرجيم ونظام الستة أيام للتخلص من الدهون
لو نفسك تخس

تعليقات

تعليق واحد
إرسال تعليق
  • Unknown photo
    Unknown30 سبتمبر 2018 في 1:13 ص

    بارك الله فيكم على هذا الموقع الرائع الذي كان قد تسبب في تشجيع الناس على الرشاقة

    حذف التعليق
    google-playkhamsatmostaqltradent