افضل بروتين للتخسيس ورفع الحرق وطريقة طهييه الرائعة واللذيذة
طبعا نفسك تعرف إيه هي الأكلات إلي ممكن تزود من الحرق بتاعك و إلي دايما بنلاقيها في الأنظمة عندنا مثلا صدور الدجاج و السمك أو تونة أو جبنة قريش . النهارده هنتكلم عن صدور الدجاج المخلية أو بالمصري البانيه الي كلنا بنحبه و الي ميحلاش الا لما يكون مقلي و ده الي كنت فاكرو زمان أنا قعدت فترة أدور على طريقة يكون بيها البانيه غير المقلي ملاقيتش لا بهزر لقيت النهارده هتكون معانا طريقة مختلفة ليه و طعم تحفة و كمان سعراته الحرارية أقل لأنك كلما تقلي أي حاجة هتفقد عناصرها الغذائية و تزيد سعراتها الحرارية لكن لما تعملوها بطريقة النهاردة البانيه هيبقى متصدر انظمة الريجيم لأنه من الأغذية سالبة السعرات الي بتحتاج مضغ و هضم بشكل كبير بياخذ من سعراتها الحرارية فتوصل لجسمك اقل من سعراتها الحرارية الحقيقية و الدهون الي فيه قليلة
يا لا نشوف طريقة التحضير : عندنا قطع صدور دجاج تكون سميكة شوية و نتبلها بالملح والبصل والفلفل لمدة ساعتين او أكثر والبصل لازم تشيله قبل ما يتحط على النار عشان ميتحرقش و ممكن تضيف عليها هريسة الشطة الحراقة عبارة عن فلفل أحمر مطحون او مفروم ..ندهن الصدور بالهريسة نسخن الجريل و نجيب نقطة زيت و ندهنه و نحط البانيه .. صدور الدجاج من احسن الحاجات الي ممكن تدخلها في النظام الغذائي لان نسبة الدهون فيها قليلة و طعمها لذيذ و تاخذ وقت اطول في الهضم و ده سبب انها بتساعد على الحرق و تخليك تخس بشكل سريع اما اللحمة الحمراء للاسف بيكون فيها نسبة الدهون عالية فإحنا بنقللها في انظمتنا لأنها ممكن تسبب لك زيادة في الوزن بسبب احتوائها على الدهون..هنسيب الصدور لغاية متستوي و بعد كده نقلبها ..اولادي كانوا ياكلوا المقلي بس دلوقتي مش عايزين ياكلوا غير بالطريقة دي لأنه صحي و غني و سعراته الحرارية اقل من المقلي بكثير جداا خفيف على المعدة مش هيعملك اي مشاكل الي لازم تعرفه ان الاكل المقلي بيتعب المعدة بشكل كبير و ده الي بتشوفه في اليوم المفتوح بتلاقي انتفاخات غير عادية عشان كده بنصح كل واحد يشوف طرق صحية بديلة لأكله اهم حاجة انك تشغل دماغك
نشوف شكل البانيه بقا ازاي تحفة الميزة انك تعمله بالطريقة دي انه بيطلع طري مش ناشف و شكلها حلو و لذيذ و ميخذش وقت في التسوية .. لو بالليل لقيت نفسك جيعان ممكن تاخذ قطعة مفيش مشكلة ...
و هذه هي النهاية و دلوقتي البانيه جاهز تحفة و ريحته حلوة و طعم و لذيذ .
الي عايز اقولهولك النهاردة انك ممكن تدخل المطبخ و تبدع في تقديم الاكل طالما عايز تتغير هتلاقي نفسك عمّال تفكر ..المطاعم إلي بره و الي بيعملوا الجانك فود و الفاست فود الي هي الوجبات السريعة بيلجأوا إلى القلي عشان السرعة في الإنجاز.. حتى السيدات العاملات تلاقيهم يلجؤوا للحل ده بردو فلازم نأخذ بالنا من أكلنا بشكل كبير الميزات في الاكل ده كثير جدا يعني بتاكل سعرات حرارية اقل و اكل نضيف انت بتريح جسمك من الدهون و بالتالي هتلاقي الرشاقة طول عمرك انا واحد من الناس الأكل ده غير حياتي للأحسن.