كيف تغلبت أمي على حبها للطعام الدسم لتستبدله بطعام صحي ولذيذ😍 وكمان خست عليه
ونصائح ذهبيه عن سهولة التغيير والخسسان
شاهد👀 الفيديو
ازيكم حبايبي عاملين ايه؟؟وازي صحتكم يارب تكونوا بخير وصحه وسعاده وفرح وهنا تتمتعوا بصحتكوا ونور عينكوا يا رب أخبار الدايت منتظمين ولا لأ؟؟
الدايت قولنا قبل كده انه عزيمه وإراده اننا نبئا كويسين ونلتزم الاكل لا بيطول العمر ولا بيقصر العمر زي ماقولتلكم بناكل كل حاجه اللي عاوزينها بانتظام عاوزينكم تكونوا كويسين وبصحتكم ربنا يبارك فيكم يارب من كبير لصغير وزي ماقولتلكم انتم احفادي واولادي وولاد اخواتي انتم العيله الكبيره عيلتي ♡
اي اكل الواحد بيعمله بسمن بزيت بزبده يعني الصينيه مكان المحشي تلاقي الزيت فيها واجي اطبخ المحشي بالبط أخد البهريز بتاع البط اطبخ بيه كان الواحد غلط والله والحمد لله
ولادي محمد جيهان مصطفى بيعملوا اكل صحي لابيعملوا اكل بسمنه ولا بزيت البشاميل لابزيت ولا سمن الواحد اتغير كثير الفراخ بنسلقها مش بنشوحها بزيت ولا سمن من غير حاجه ونحطها بالفرن تتحمر والخضار برضه كل حاجتنا صحي مش بنشتري سمنه وندخلها بيتنا ولا الكلام ده خالص استعمالنا الان زيت زيتون اقوم اخد ملعقة زيت الزيتزن وبعدها ملعقة العسل وانام واقوم الظهر اعمل طماطم بجبنه بنقطه زيت زيتون وع الغدا يا سمك يا لحم يافراخ اكل كل يوم في الغدا لو خضار بدون رز يبئا نص فرخه ولو خضار برز اكل ربع وسمكايه واحده ولا بجوع نهائي الدايت ده عزيمه واراده اللي يقولك خدي كلي تقولي مش عايزه خلاص كنت ازعل من مصطفى ابني والله كنت بعيط لو مرضاش ياخد مني الحاجه كلنا قاعدين ناكل وهو قاعد ياكل لواحده دايت الان كلنا اكلنا دايت بين الوجبه والوجبه ناكل جزرايه خيارايه ونقل من الشاي خالص والمشروبات العبايه اللي لبساها مضيقاها مرتين وقولت للراجل قصلي القماش ده خالص الواحد ولله الحمد صحته كويسه
روحت عند حد كأنك صايمه واللي يقولك ياستي يعني الحته دي اللي هتزودك قوله لأه مش هاكلها اكل طعميه وفول في الفري وبتتعبني
عاوزه صور قبل وبعد كلكم طيبين وولاد حلال لما بشوف صوري قبل اقول بئا انا كده يا ولاد مش كنتي بتزعلي لما حد يقولك انك تخينه خسي مكونتش مقتنعه اني تخينه مكونتش اقدر اوطي البس الشراب اما الان الحمد لله وكل حاجه في ايدينا البؤ ده الواحد يقفله صاحبتي اللي اتكلمت عنها المره اللي فاتت كنت خايفه تزعل قالتلي لأه مزعلش ولو عاوزه صورتي تنزليها كمان نزليها انا مزودتش كلمه من عندي وزوجها قالها شوفتي الحاجه كانت خايفه عليكي ازاي يانهله نهولتي الجميله
زمان كانوا يخطبوا التخينه ويحبوا التخن اما الرفيعه يقولك لأه
نحن في نعمه جامده ربنا يبارك فيكم ويخليلنا هندسه ربنا يبارك في كل اللي بيشتغلوا في الصفحه وياريت تنبسطوا من رسالتي عشان انا بحبكم واللي مزعلني حسين ياكل اكل من بره وانا سعدت بكم والسلام عليكم