23395821524787388
recent
أخبار ساخنة

تجربة محمد الازمازى من 181 كيلو لـ 91 كيلو

الخط

استاذ محمد الازمازى مدرس الرياضيات بالمنصورة يروى لنا قصة نجاحه وتحقيق هدفه ضد السمنة بالتفصيل , للحصول على النظام الغذائى الصحى الذى اتبعه إضغط هنا 






اليوم معكم احكى لكم

قصتى مع الدايت وصفحة لو نفسك تخس

قبل حكايتى مع الدايت ارجع للوراء سنوات سنوات قبل العشرين🤔
كان وزنى زايد بالرغم انه يظهر اقل من ذلك فى الشكل بسبب طولى اللى تقريبا ١٩٢سم وكنت بمارس الرياضة ومفيش اعاقة مطلقا وكنت بلعب حارس مرمى بفريق بلدنا ٩سنوات وكنت خفيف جدا بالرغم ان وزنى ايامها ١٢٠كيلو
ازاى الوزن ده يعرف يطير ويكون خفيف؟ ازاى معرفش
ومارست حياتى الطبيعية وخلصت الكلية وهى كلية تربية جامعة المنصورة
وبعدها تزوجت والحمد لله وجاءت المرحلة الاولى للوزن الزايد
بعد الزواج بفترة قليلة قلة الحركة وعدم ممارسة الرياضة مثل السابق واهم شىء هو عدم انتظام الاكل
مثال على ذلك مش شرط فطار وغداء اى حاجة على السريع وفى العشاء اكل وبعدها نوم
وهنا بداية الطامة الكبرى
الجسم بدأ يزيد كيلوجرامات وأشعر بداية كرش وهو اول مرة فى حياتى يظهر
اقول نفسى مش مشكلة هعمل شوية رياضة ويروح وبعدها لا اعمل رياضة ولا اى مجهود يعوض واستمرت هكذا
زيادة فى الكيلوجرامات وانغمست فى الحياة ومتطلباتها ونسيت نفسى وصحتى
وهذا الكائن الغريب الغير مرغوب فيه بداخلى
هذا الكائن الذى ظل يكبر ويكبر واقل افتحله المجال لهذه بسبب عدم اللامبالاة منى فى مواجهته

هذا الكائن الذى بدأ يسيطر عليا
هذا الكائن المهم بالدهون
وظللت حبيس هذا السجن
وامامى هذا الكائن يكسرنى ويهيننى ولا استطيع رده لماذا؟
لاننى ببساطة اقول لنفسى انا ضعيف الارادة انا مش هقدر انه وحش كاسر وانا لا استطيع مهاجمته
ومرت السنوات والسنوات حتى اصبحوا عشرين عاما اه والله عشرين عام
يعنى مؤبد😥😥😥😥😥
وبدأت المتاعب والمشاكل معى
فى الاهانة من الناس والتريقة فى الحياة العامة وانا لا استحمل ان يهيننى احد لانى تربيت لا اهين احد فلماذا الناس تهيننى بالكلام السبب هو هذا الكائن كائن الدهون المتراصة على جسمى وبها ثقل جسمى ولا استطيع مواجة متاعب الحياة
وبدأت مرحلة الانهيار
انهيار حقيقى بل من المواجهة حدث هذا الانهيار وتركت نفسى لهذا الكائن ان يتلاعب بى ويخرج لى لسانه ويقول
انت خلاص انتهيت

حركة بصعوبة وخشونة بالركبة واطلع السلم رجل اليمنى واحرك اليسرى بالعافية
ولا اعرف ان اصلى حتى الا وانا قاعد جليس مسكين
حتى صلاة الجمعة كنت اتحرج ان اصلى وانا قاعد
فأضطر ان اصلى عادى ولكن هيهات هيهات اسمع صوت ركبتى وافكر بالالم ولا استطيع الخشوع
زادت مأساتى
حتى زوجتى لا تستطيع انا تقول لى انت كده بدمر نفسك لانها بالرغم من انها تخاف عليا
الا انها تخاف على مشاعرى لانى حساس زيادة شوية
ووصلت الى نهاية الانهيار محمل بالهم والحزن واكتر من ١٨١كيلو
واحد شايل نفسه وكمان شايل كائن الدهون وشايل كمان صحبه اللى كمان هذا الكائن جاب صحبة وسيطروا عليا خلاص
كيف يستطيع العيش حياته بصورة طبيعية؟😥😥😥😥😥😥😥😥
وتأتى مرحلة المواجهة اللى انا كنت مقتنع انها لا تأتى
مواجهتنى انا مع هذا الكائن المتوحش
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
قالت زوجتى لى بعد انا قلت لها ساعدينى فى التخلص من هذا السجن
اريد ان اتحرر😥😥 واعيش انسان بدلا من انا عايش ولكن ميت
قالت لى فى دكتور تخسيس كان هذا الكلام فى اول شهر واحد من العام الماضى سنة ٢٠١٥
ذهبت ودخلت للدكتور
كلمتين الاول انت سايب نفسك كده ليه
المهم قالى لى هتقدر تمشى معايا
قلت له اقدر💪
كتبلى الانظمة واعطانى اعشاب ومراهم امريكى وحبوب بتاعة التخسيس وقالى اشوفك كمان اسبوع
قلت ماشى
وبدأت
اعشاب صباحا معدتى لا تستطيع
حاولت وحبوب
اه خسيت فى اسبوع يجى ٥كيلو معدتى باظت ومش قادر والاسبوع الثانى تقريبا كان نظام الموز وكده
لم استطيع وكرهت كلمة رجيم بعد ان صرفت على ما يقرب من الف جنيه فى اعشاب وحبوب ومراهم
وقلت والله ما هيشوفنى تانى
وتركت الرجيم وسبت نفسى اكتر واكتر حتى وصلت كما قلت لازيد من ١٨١كيلو وكل صورى وانا تخين قبل الصفحة بشهرين يعنى ممكن اكون وصلت الى والله ما عارف
المهم جاءت اللحظة الحاسمة فى تغيير حياتى وهى🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹فى يوم الثلاثاء ١١/١٧
زوجتى قالت ان في صفحة اسمها لو نفسك تعمل دايت و تخس حلك معايا حلوة والناس بتخس فيها بنظام غذائى صحى
اول رد ليا كذابين و نصابين ( اسف اخى مصطفى على )
من كتر ما قرأت فى الانظمة لصفحات تانية مثلا هتخس فى شهر وفى صفحات اخرى شيل كرشك فى شهر وهكذا
المهم انا بعدها بساعات
وفى الساعة الثانية صباحا قبل فجر يوم الاربعاء ١١/١٨
اول مرة اواجه نفسى
وبالفعل قلت انظر الى نفسى
فى المرأة
وجدت شخص أخر 😥😥😥😥😥 كله مطبات من الدهون وبينهج من القعدة حتى
اقسم بالله نزلت دموعى😥😥 وقلت من هذا
حرام عليك فين محمد بتاع زمان اللى كان ينزل الملعب مليىء بالحيوية والنشاط
حرام عليك نفسك اولادك زوجتك
لازم تفوق من الغيبوبة كفاية عشرين سنة وانت داخل هذا السجن وهذا الكائن يسيطر عليك
المهم جائتنى المصارحة مع نفسى وانك ممكن تقدر بقول ممكن
لم انسى هذا اليوم وقمة الحزن ونويت خلاص انى اجرب لانى قرأت فى صفحة لو نفسك تعمل دايت وتخس حلك معايا انها انظمة مريحة وكده ونماذج مشرفة خست منهم المهندس مصطفى والاسطورة محمد على ومدام هبة واستاذة ايمان دول فى بداية الرحلة وايضا على مبرووك وكثيريين
المهم نويت انى ابدأ وصليت ركعتين وبعدها صليت الفجر وصحيت زوجتى وقلت لها انا هبدأ مع هذه الصفحة اللى قلتى لى عليها
استريحت لما قرأت فيها
فرحت اوى وقالت انا معاك هبدأ معاك واشجعك
وبدأت الرحلة
اول اسبوع بالرغم انه دلع ولكن كان هيفرق معايا
فى مع نفسى
وذهب اول اسبوع ثم الثانى وحسيت فى فرق فى الحركة وعملت على صفحتى رحلة ال٢٠٩يوم مع الدايت علشان اتشجع والناس يشجعونى واندمجت فى الصفحة والاعضاء وكان فى قمة المساعدة فى بداية الرحلة خاصة مدام هبة واستاذة ايمان عبد العزيز ومدام جيجى
وطبعا المايسترو القائد مصطفى على اللى كنت معاه دائما
وبصراحة كان نفسى ان حسام الجمل اخى وصديقى يبدأ معى❤️❤️
هو وعدنى بس اتأخر شوية عنى بسبب ظروف عنده وبدا بعدى بثلاث اسابيع
ودى بقى الفيصل لما يكون لك صديق نتعاونوا وتساعدوا بعض فى مواجهة هذا الكائن
كائن الهم والحزن وهو الدهون
وشجعنا بعض
وبدأت تسقط الكيلوجرامات وبدأت اقوى واحس انى فيه امل ان اهزم هذا الكائن المتوحش المدمر
وفرحت واندمجت مع الاعضاء والصفحة ونزلت اول صورة هى
ياه وانا فى قمة فرحتى خسيت ٣٠كيلو مش مصدق نفسى
تشجعت وكملت وبمساعدة زوجتى واحبابى اعضاء الصفحة والمسئولين عليها
وكل يوم يذهب تزداد الارادة والتحدى لهزيمة الدهون والخروج الكامل من هذا السجن
كنت بمشى فى البيت والعب رياضة وارسلها للهندسة ويشجعنى
وتغيرت حياتى للاحسن
ومرت الايام ولم احس بها ولكن حسيت بانسان مختلف جوايا
وذهبت ايفنت طنطا انا وصديقى حسام
كنت نفسى ان اشوف المهندس مصطفى واشكره وجها لوجه
وبالفعل شكرته على اخراجى من هذا السجن
والله والله لو تكلمت على هذه الشخصية وهى مصطفى على احتاج الى مجلد لكى اوفيه حقه عليا وممكن الا يكفى لذلك
وذهبت الى ايفنت المنصورة عندنا
وساعدنى اعضاء الصفحة جميعا فى الفترة الاخيرة فريق الدعم سابقا
وحاليا ادمن بالصفحة الاخوات رحيق الجورى وقرة اعين وشيماء شيمو والبقية
جزاهم الله عنا خير الجزاء
والحمد لله ذهبت الى ايفنت القاهرة وصممت انى اذهب لانه واجبى تجاه المهندس وصفحة لو نفسك تخس
وكنت فقدت اكتر من ٧١كيلو لاصبح ١١٠
انسان جديد
رجع الى عشرين سنة كان فى هذا السجن وخرج احسن من الاول انا كنت حتى وجسمى عادى ١١٨_١٢٠
اليوم بعد ٢٠سنة ١١٠كيلو
ذهبت الى ايفنت القاهرة وكلى نشاط وخفية
وقضينا يوما جميلا
وكنت عاوز اثبت لنفسى انا رجعت زى زمان اعرف اصير فى الهواء وامسك الكورة😁
وبالفعل عملتها اكتر من مرة وكانت سعادتى كبيرة انى طاير فى الهواء
والتقطت الصورة فى الوقت المناسب واشكر بالمناسبة اختى الصغيرة رغدة فى فريق الدعم التقطت هذا الصورة
لاثبت لنفسى انى قادر
وبالفعل والحمد لله
هزمت هذا الكائن
اللعين المتوحش الذى ظل بداخلى ٢٠عاما
واحب ان اشكر زوجتى واقول لها انتى سندى فى هذه الحياة
بالفعل كل رجل حابب يغير من نفسه الى الاحسن وراه امرأة عظيمة وزوجة سند له
اشكرك انك وقفت بجانبى ومبرووك على مرحلة التثبيت هذا الاسبوع واصبحتى ٦٨بعد ما كانت ١٠٤كجم
ومرت الايام وعدت سنة وبقيت شخص جديد وانسان جديد يعم بالنشاط والحيوية🌹🌹وبعد السنة تخلصت اكتر من ٨٠كيلو من الدهون والشحوم فى الجسم 🌹🌹🌹


وكمان اكتسبت من اخى وحبيبى مصطفى على الارادة ان الواحد ممكن يواجه الصعوبات ببعض الصبر والارادة اللى اكتسبها من رحلة الدايت🌹🌹🌹❤❤
وبالفعل اقلعت عن موضوع التدخين اللى كان ملازمنى متذ ٢٥عام🌹🌹يبقى خسيت وتركت التدخين فى عام التعرف على صفحة لو نفسك تخس وقائدها مصطفى على🌹🌹🌹
اشكرك كل من وقف بجانبى وساعدنى ولو بكلمة🌹🌹❤
واشكر احبائى اعضاء فريق الدعم
واشكر اسطورتنا محمد على اخى العزيز الذى كان مصدر الهام لى ولكثيرين
اشكر اخى المهندس مصطفى على 🌹🌹❤❤
وكلمة شكر لا تكفيك

احبائى الكرام الصحة نعمة والتخن نقمة🌹🌹
ولكن لازم نغير اسلوب حياتنا ونتشجع
ونتسلح فى مواجهة عدونا وهو الدهون والتخن💪💪
الموضوع سهل وبسيط🤔🤔
فتوكلوا على الله وثابروا
واحتهدوا🌹🌹🌹
والله النجاح طعمه جميل😍😍
اتمنى من الله عز وجل لكم جميعا الصحة والعافية وان تحققوا هدفكم💪💪
احبكم جميعا فى الله وانا هنا عضو فريق دعم وكتيبة من الدعم ومعاهم ادارة رائعة وادمن بيحبوكم ليأخذوكم الى بر الامان🌹
نحن هنا فى خدمتكم🌹🌹🌹
واسف للاطالة
اخوكم
عضو فريق الدعم محمد الازمازى🌹🌹🌹
وهنا ينتهى محمد من كتابة كلماته والتى تعكس حياة كل انسان يعانى حتى وقتنا هذا من مرض السمنة القاتل
شاهد ايضا قصة استاذ محمد الازمازى يرويها بنفسه



تعديل المشاركة ردود اللأفعال:
تجربة محمد الازمازى من 181 كيلو لـ 91 كيلو

لو نفسك تخس

مساحة إعلانية
مساحة إعلانية
مساحة إعلانية
التعليقات
    مساحة إعلانية
    ليست هناك تعليقات
    إرسال تعليق

    إرسال تعليق

    نموذج الاتصال
    الاسمبريد إلكترونيرسالة