نظام إنقاص الوزن "العائدون للحياة" وزن من 80 كيلو وحتى 200 كيلو

الكثير منا قرر عدة مرات ان يغير حياته ويخس والكثير منا قال هذه المقولة سواء لأصدقائه أو كتبها غلى الاكونت الخاص به أو على صفحات المشاكل العامة والتى تعرض رسالتك وتجعل الناس تقترح عليك حل لمشكلتك , وهنا رايت العجب , شاهدت الكثير من الاشخاص يسألون عايز اخس اعمل ايه , وتكون الاجابات فى منتهى العجب , الى يرد عليك ويقولك يا عم روح فجر نفسك , والى يقولك ياعم وتخس ليه ده التخن هيبة والى يقولك انسى لا يمكن هتخس انا جربت كتير وفشلت , والى يقولك ياعم روح موت احسنلك والى يقولك لازم تروح لخبير تغذية اصل الموضوع صعب ولكل جسم طريقته واحتياجه ويفضل يعقدك , والى يقولك خد برشام كذا ,

وتلاقى كمية إجابات كفيلة انها تعقدك فى عيشتك وتحبطك وتجعلك ترى الدنيا سوداء وليس هناك اى امل , ويصل بك الحال ان تقول لنفسك مش عايز اخس , خلاص انا هعيش واموت كده , كل الناس الىى كتبت تعليق يحبطك او يعقدك هيشيلو ذنبك واى شئ هيحدث ليك نتيجة رجوعك عن قرارك هيكونو هما السبب فيه , للأسف الناس اصبحت تتكلم لمجرد الكلام لا يشعرون ما انت تعانيه , لم يتذوقو طعم الالم من زيادة الوزن ولذلك لن يشعرو بك ابداً وكان من اكثر التعليقات التى اثارت غضبى هو ان بعض الاشخاص يكتب بكل ثقة أعمل عملية تكميم او تغيير مسار , طبعاً

لو سألته هى فيها خطورة أو تعرف ايه عنها طبعاً ولا يعرف اى شئ هو بس حابب يخدم وخلاص وممكن ده يتسبب فى كارثة لهذا الشخص دون ان يدرى واكثر التعليقات انتشاراً واحد يكتبلك اشرب المشروب بتاع الخلطة السحرية الى هتقضى على دهونك وادعيلى , طبعا خضرتك هندعى عليك مش هندعيلك لانك جاهل والى يعرف كويس ان مثل هذه الخلطات التى يتم تناولها على الريق تضر بشكل كبير المعدة بدون اى فائدة فى انقاص وزنك غير انها هتسد نفسك مش بس عن الاكل لا دى هتسد نفسك عن الدنيا كلها وتتعالج من مشاكلها طوال حياتك وتفضل تدعى على الى وصفهالك طوال حياتك , 

, إحنا كاشخاص كنا نعانى من السمنة نشعر بكل احساس انت تشعر به , نشعر بتخبطك وانك تبحث دائماً عن التغيير ونفسك من داخلك ان تتعير ولكن اين الطريق , كيف ابدأ طريقى للتغير , معلومات معلوطة ومتضاربة فى كل مكان , كل شخص يبحث فقط عن المكاسب الشخصية الا من رحم ربى , وانت الضحية , بيجربو فينا كل حاجه وكأننا فئران تجارب , ده علاج جديد ودى عملية جديدة وده جهاز جديد وانت تدفع وفى النهاية النتيجة مفيش , بالعكس بتصاب باليائس والاحباط وتتوقف عن اى رجيم وتبدأ فى تناول الطعام بشكل اكثر شراهة من ذى قبل , ويتحمل ذنبك كل هؤلاء الاشخاص,لذلك انصحك الا تستمع لأى شخص يقترح عليك اى اقتراحات أو حلول سريعة , ليس امامك سوا طريق واحد فقط وهذا خلاصة القول , النظام الغذائى السليم والرياضة فقط , غير كده كذب وتضليل أو تأثير خطير على صحتك , كونى أنا شخصياً كنت اعانى من السمنة وشاهدت بنفسى تجارب عديدة كلها فشلت الا الاشخاص الذين غيرو فكرهم من خلال النظام الغذائى والرياضة فقط , لا تيأس وابدأ فى تغيير نفسك بنفسك ولنفسك , حتى تنعم بحياة صحية كلها صحة ورشاقة , لا تيأس  وتوكل على الله , الحياة جميلة , وقول لنفسك خلاص هخس .