-->
23395821524787388
recent
أخبار ساخنة

ماجدة الخطيب تتخلص من 42 كيلو من دهونها وتصبح انسانه جديدة

الخط
ماجدة الخطيب المتابعين لفريق لو نفسك تخس استطاعت تغير حياتها وتخسر 42 كيلو لتتغير بشكل كبير وقى السطور القادمة تروى ماجدة حكايتها وقصتها

اسمي ماجدة الخطيب من فلسطين بدأت مشواري مع جروب الاردن لو نفسك تخس و الصفحة الام "لو نفسك تخس" بتاريخ 12/11/2016 كان وزني 130 و حاليا 88 يعني خسيت 42 كيلو ..تعرفت ع الصفحة عن طريق صديقتي فداء فراج جزاها الله كل خير  كانت دايما تحكيلي انو لازم اعمل دايت من خلال الصفحة و انو فيها انجازات رائعة و انا مقتنعة انو مستحيل انحف خصوصا انو معروف عني عديمة الارادة و انا مقتنعة انو انا فعلا هيك لدرجة انو مرتين آخد  موعد لعملية قص معدة في كل مرة اعمل الفحوصات و اجهز للعملية و لما يقرب موعد العملية يصير شي من عند ربنا تلتغي العملية الجراحية ... قبل فترة زواج بنت خالي بشهر قررت ابدأ  بنظام العائدون للحياة و انا حاطة ببالي انو لفترة شهر للعرس و بس لحتى لاقي شي مرتب ع مقاسي و الي صار بعد مرور شهر نزلت تقريبا 8 كيلو كنت مبسوطة كتير بالنتيجة و تعودت ع النظام و غيّر كتير من حياتي و من تفكيري بخصوص الاكل الصحي و ما قدرت اتركو متل ما كنت ناوية  ... الحمد لله ربنا اعطاني القوة انو اكمل وان شاء الله لطول العمر ع هاد النظام لانو عنجد صحة و حياة و ثقة ولبس و شياكة ... مشكلتي كانت بالاكل ما اعرف ايش باكل ما بعرف ايش يعني جوع و ايش شبع اضل اكل لازهق لانو اكلي كان عبارة عن مقالي و نشويات ودهون و شيبس و شوكلاتة و كولا كنت بعيدة كل البعد عن الخضار و الفواكه ... الحلو بالنظام انو باكل كميات قليلة و دايما بحس بالشبع عكس ايام الدبدبة كنت قد ما آكل و اضل جعانة  ايام ما كان لقبي بين بنات العيلة مواجد جمع ماجدة الموضوع بضحك لكن بيني و بين نفسي ادايق و ازعل  ... بالنسبة للحليب نهائي ما كنت اشرب الحليب حاليا لازم كل يوم كاستين و غير شرب الماء من 2-3 لتر باليوم ... من اكتر الكلام الي أثر فيّ و غير من حياتي جملة للمهندس مصطفى بضحك بس فعلاً مؤثرة انو لما نشوف الأكل اللغير صحي و بنحبو ما نخبي و نهرب منو لا لازم نخلي قدامنا و نحكيلو انو صحتنا و حياتنا اهم بكتير منك هاد السر الي صنع الارادة داخلي .. تخيلو انا كان عندي ملابس صغيرة من سنين مخبية لانو عندي امل انو راح انحف و البسها بس الحلو انو لما طلعتها لحتى البسها كلها اكبر من مقاسي فعلاً فرحة لا توصف ... من قلبي بتمنى كل انسان يغير من حياتو لانو الكل عندو ارادة لصنع المستحيل بس انو يبلش التغير من فكرو قبل اي شي و بنصح اي حدا ما يتردد و يبدأ بالنظام و الاهم الالتزام ثم الالتزام ثم الالتزام .... بشكر الانسان الرائع المهندس مصطفى بصراحة كل مرة بدي اعبر عن شكري لهذا الانسان لكن ما بلاقي الكلمات الي بتعبر عن امتناني ربنا يفرح قلبك و يجزيك كل خير عن هاد العمل الخيري ان شاء الله يكون جبال من الحسنات في الجنة .

تعديل المشاركة ردود اللأفعال:
ماجدة الخطيب تتخلص من 42 كيلو من دهونها وتصبح انسانه جديدة

لو نفسك تخس

مساحة إعلانية
مساحة إعلانية
مساحة إعلانية
التعليقات
    مساحة إعلانية
    ليست هناك تعليقات
    إرسال تعليق

    إرسال تعليق

    نموذج الاتصال
    الاسمبريد إلكترونيرسالة