السكر الابيض هيعطل حرقك😯لماذا؟
طبعا كتير سمع المقولة دى ان السكر الابيض بيعطل الحرق ولكن الجملة ناقصة كلمة والجملة الصحيحة هى " السكر الابيض هيعطل حرق الدهون في الجسم" ممكن يصل لساعة او ساعتين ، بص عايزك تركز معايا اوى في الكلام الي جاى ده علشان تفهم حاجه مهمة ، ليه السكر الابيض متهم رئيسي في زيادة الوزن و ده هيخلينا نتذكر الجملة السابقة انه بيعطل حرق الدهون ، لو نظرت الي العناصر الغذائية في السكر مش هتلاقي اي فوائد ولا عناصر غذائية يعنى لا فيتامينات ولا بروتين ولا اللياف ولا اي شئ سوا كربوهيدرات وبس ال 100 جرام من السكر بيعطى ما يقرب من 390 سعر حراري ، الجسم بيحب السكر لانه بيحرقه بسهولة شديدة سعرات بلا عناء لا مضغ ولا هضم ولا اي شئ والدليل ان اي شخص يتعرض لإغماء يجرى سريعا لتناول كوب من الماء بالسكر كى يرفع من نسبة السكر في الدم ، طيب كده اتفقنا ان الجسم هيترك اي مصدر لجلب الطاقة من الجسم وخصوصا الدهون وهيجرى علي الطاقة من السكر ، لو افترضنا ان ملعقة السكر 80 سعر حراري وافترضنا ان معدل حرقك اليومى هو 1800 سعر حراري يعنى كل ساعة تقريبا جسمك يحتاج الي 75(1800/ 24) سعر حراري تجد ان الجسم تقريبا يظل ساعة كاملة يحرق في تلك الملعقة تخيل لو تناولنا المزيد من السكر يوميا زى ناس كده بتحب تشرب مشروبات بالسكر مثل تناول 4 او 5 اكواب من الشاى والقهوة كل كوب به 3 ملاعق لو افترضنا انه تناول 200 جرام سكر يوميا ( سواء سكر ابيض بشكل مباشر او داخل الحلويات ) يعنى 780 سعر حراري، معنى ذلك سيتعطل وينشغل الجسم عن حرق الدهون مدة تتجاوز ال 10 ساعات (متوسط) متخيل ، عارف انك هتقول ان اى طعام ايضا كذلك ، لا طبعا الاطعمة الاخرى تحتوى علي عناصر غذائية بتشغل الجسم وبتشغل الجهاز الهضمى وترفع معدلات السكر في الدم ببطئ وتحافظ علي معدلات السكر في الدم بشكل متوازن ، السكر سيتسبب في حدوث جوع مستمر والسبب انك عودت الجسم علي الشئ السهل في الحرق فيحاول ان يضغط عليك لتناول المزيد حيث ان الجسم يعتبر ان حرق الدهون للحصول علي الطاقة اخر بديل له ،
بص من الاخر عندك عدة اسباب تجعلك تتجنب الافراط في تناول السكر الابيض
1.لايحتوى علي العناصر الغذائية المفيدة للجسم ويسبب تسوس الاسنان
2.تناول المزيد من السكر يمكن ان يتسبب في حدوث امراض الكبد ومنها الكبد الدهنى ( هنتكلم عنها بالتفصيل في بوست اخر)
3.يمكن ان يتسبب في حدوث مقاومة الانسلين "insulin resistance"
4.يمكن ان يتسبب في حدوث السكر من النوع الثانى
5.حدوث امراض سرطانية " لا قدر الله"
6.يؤثر علي الهرمونات في الجسم
7.يتسبب في حدوث ادمان الطعام (علشان كده هتلاقي ناس تقولك احنا مش قادرين نبطل اكل حلويات)
8.يتسبب في حدوث السمنة وزيادة الوزن للكبار والصغار
9.وطالما هيتسبب في السمنة يبقي هيتسبب في حدوث امراض الكوليسترول المرتفع يعنى امراض القلب وغيرها
خد بالك اوى من السكر ،خد بالك من صحتك ، خد بالك ان السكر فعلا السم الابيض
حبيت انى اقوم بتلخيص ما قرات في هذا الموضوع كي تصل الفكرة اليكم ببساطة شديدة
يمكنك مشاهدة الفيديو لمزيد من الشرح