-->
23395821524787388
recent
أخبار ساخنة

انا بوظت الرجيم وعكيت ونفسى أخس

الخط
رسالة لكل شخص يقول الرجيم باظ لما واحد يدخل عليك ويقولك يا بشمهندس الريجيم باظ ...باظ يعني ايه محتاجين ميكانيكي ولا ايه  طبعا بوظت الريجيم جملة شهيرة لما بنبقي عاوزين نكمل عك ايه اكثر ضررا علي الجسم اني اكون بعك ولا بمشي علي ريجيم قاسي جدا الارحم هو انك تفضل تعك والاكثر ضررا علي الجسم هو اتباع انظمة غذائية سيئة خالية من العناصر الغذائية فمثلا فيه بعض المختصين يمشيك علي نظام قاسي جدا علشان تخس بسرعة وتنجح  ويحقق نتيجة ويبان ان المختص ده ناجح وكان منهم بيهاجمنا ويقولك الريجيم بتاع لو نفسك تخس ده قاسي ياراجل ريجيم قاسي مليان خضار وجزر وخيار وبطاطس ورز ولحمة وفراخ وهيصة كل ده قاسي لكن الريجيمات القاسية مثلا يقولك هتاكل فراخ بس لمدة 3شهور ومفيش خضار او مثلا ريجيم التمر والحليب تمشي عليه فترة كبيرة وتخس وبعدين تلاقي نفسك في المستشفي يبقي القسوة علي الجسم اكثر ضررا ولا مشيت علي ريجيم وعكيت بص لو عكيت فده اقل ضررا من انك تمشي علي انظمة غير صحية هييه فرحت بقي لا متفرحش بالعك لان العك بياخرك ويعطلك بدل ما انت تنزل في 3شهور بتتاخر وتنزل في 9 شهور طب اعمل ايه لو عكيت التزم وكمل عادي بس النهاردة الخميس وبكرة يوم مفتوح اقولك التزم وخد اليوم المفتوح بتاعك بكرة عادي وكمل يوم السبت وده علشان تبقي مطمن شوية ومتضايقش نفسك دي حاجة تسهيلا علي نفسك ولو التزمت هتكسب تاني نقط انك بتخسر دهونك اذا متخليش العك يحبطك بلاش استمر وقوم وكمل طريقك ومن الكومنتات الحلوة علي رسالة امبارح علي الفيسبوك او اليوتيوب كلها ايجابية وشرحت صدري منهم كومنت بيقول من صفاء فلاور بتقول خير الكلام ما قل ودل ولكن مع لو نفسك تخس مينفعش لازم احكي بتقول انها اتجوزت وزنها كان 65 كيلو ودخلت الحمل والرضاعة وبقول لكل رجل اقف جنب مراتك في الفترة دي لانها فترة صعبة جدا وطلعت من الحمل والرضاعة وزنها بقي 87 كيلو وفي يوم كانت بتزور ناس وواحدة قالت لها انتي في الشهر الكام وهي مكانتش حامل وفي يوم شافت الصفحة وقالت اجرب وبالفعل دخلت وجربت بقت يوم تلتزم ويوم تلخبط ولما تلخبط تلاقي ايد بتتمد ليها وهي فريق عمل لو نفسك تخس بيقولها كملي وقومي تاني من جديد وبدات تتفرج علي الفيديوهات وتحفظها ومع الوقت بدات تحس انها لما بتلخبط بترتكب جريمة في حق الشخص اللي قاعد يوميا يقولي التزمي وبحس اني غبية ومش بفهم علشان بلخبط وبخذل الانسان اللي بينصحني دايما انا اليوم خسيت واصبحت انسانة جديدة وبلبس اللي نفسي فيه الناس الليكانت تسالني هو جوزك مش بيقولك خسي قبل كدة هما نفسهم اللي بيقولوا لي اليوم خلاص يا بنتي اختفيتي وقفي ريجيم انا اتولدت من جديد والانسان ده مصطفي اعطاني الحياة مرة جديدة مثل امي لما ولدتني اول مرة ودعائي له مثل امي بكل وقت وبعد كل صلاة وبتصدق عنه وبعمل حاجات خير باسمه ومن غير ما اقول ده عن مصطفي علي وكل ادمن وعضو معانا بكلمه وبدعيله يوميا وبقوله انا مش بنسي ابدا فضلكم وهكمل معاكم لحد ما الناس كلها تعرف لو نفسك تخس دلوقتي انا خسيت رقم كبيرر بس لسة عندي حلم نفسي احققه و عندي صورة قبل وبعد بس مش عاوزة انزلها علشان الناس متقوليش وقفي كفاية لاني شايفة ان انا عندي هدف نفسي  اوصله بحبكم يا احلي ناس ربي يجازيكم خير يارب طبعا كومنتاتكم كلها حلوة تفتح النفس علي الحياة افتح نفسك للحياة اللي نفسنا تعيشوها الجديدة اللي مش فيها شوكلاتة وحلويات وتبقي راضي عن نفسك النهاردة كنت قاعد  بتغدي الفراخ والخضار المشوي اللي انا بحبه في منتهي الروعة بتاكل وانت مطمئن ومش بتعمل جريمة في حق نفسك  وتحس انك انسان قوي لما تيجي تطلع سلم وتقول للناس وسعوا لي لانك رشيق وتنطلق لما بتخس5 كيلوا وتجري تتنطط في الشقة وولادك حواليك زي الفراشة ويفرحوا بيك وتحس انك عيل صغير كنت بتحبي وفجاة مشيت وانطلقت وبقيت تتغير حتي لو لخبطت او بوظت قوم وكمل تاني ومتاسيش علي جسمك وغير من نفسك صدقني والله الدقيقة اللي بتلتزم فيها هتفرق معاك ومتنساش تكتب كومنتك اللي بيشوفه ناس كتير جدااا وبتتغير علشان صدقني انت مهم اوي والسلام عليكم ورحمة الله وبركاته ودمتم سالمين
شاهد المقال فيديو

تعديل المشاركة ردود اللأفعال:
 انا بوظت الرجيم وعكيت ونفسى أخس

لو نفسك تخس

مساحة إعلانية
مساحة إعلانية
مساحة إعلانية
التعليقات
    مساحة إعلانية
    ليست هناك تعليقات
    إرسال تعليق

    إرسال تعليق

    نموذج الاتصال
    الاسمبريد إلكترونيرسالة