احمد فهمى هذا الشاب الجميل والذي اعتبره مصدر الخير والتشجيع للكثير احمد فهمى غير حياته من 140 وحتى 84 كيلو لم يتوقف احمد فهمى ان يجعل الخير لنفسه فقط او نشر انجازه مع لونفسك تخس علي فيسبوك فقط بل انتشر في جميع الجروبات والصفحات لتجد مساعدته لاي انسان يسال في اي جروب او صفحة علي طريقة لانقاص الوزن فتجد احمد ينصحه بأن يتبع لو نفسك تخس احمد قدم الخير والاحسان لنفسه ثم بدأ بمساعدة غيره بمنتهى الحب والرضا ، شكرا لهذا الانسان الرائع الجميل والذي سيحكى قصته لكم في السطور القادمة
السلام عليكم ورحمه الله وبركاته
احمد فهمي ٢٦سنه طوالي ١٨٠ سم
انا من الناس اللي مولود تخين كان دائما يتقلي عمرك ما هتخس من ايام الثانويه وانا وزني منزلش عن ١٢٠كيلوجرام بعد ما خلصت تعليم سافرت وطبعا الغربة وحشه بنعوض الوحدة بالاكل رغم اني شغلي مرهق جدا وكنت بعاني من الضغط المرتفع دائما مع ان سني ٢٦ سنه غير المعاناه اللي الكل عرفها بسبب التخن بعد سنتين ونص نزلت اجازه كان وزني ساعاتها كان وصل ١٤٠ كيلو وممكن اكتر مكنتش اوزن عشان متصدمش، الناس واهلي كلهم إتفاجأوا بيه مابقتش متحمل اي كلام وكاره نفسي فقررت اتغير جربت برشام وخلطات كله مجبش نتيجه رحت لدكتور ومشيت معاه حوالي شهر ونص مخستش غير ٣ كيلو ونص وكنت بروح الجيم يعني حوالي شهرين مخستش غير ٦ كيلو بالخلطات والبرشام والدكتور وتعبت اوي لحد ما نزلت بوست علي علي جروب حكيت قصتي ورد حد عليه ودلني علي الصفحه
صفحة " لو نفسك تخس" ووقف معاي كتير ربنا يحفظه مهما كان دخلت الصفحه يوم الثلاثاء بتاريخ ٦مارس في الاول مكنتش مقتنع وقلت معقول اسيب الدكتور وامش مع صفحه علي الفيس بس انجاز المستر محمد الازمازي
والاستاذ حسام ابهروني ربنا يحفظهم يا رب وانجازات الصفحه كلها ابهرتني والتشجيع والحب اللي في الصفحه صليت استخاره وبقيت فاتح الصفحه ٢٤ ساعه وكلمت حد من الدعم حفظه الله وقلي ابدا معانا من المسابقه الجديده وبصراحه طمعت في اليومين الفيري اللي قبل المسابقه 😂😂😂 وسبت رجيم الدكتور وبدأت مسابقه الامل السعيد بوزن ١٣٤ بتاريخ ١١ مارس خسيت في اول اسبوع ٥ كيلو كنت طاير من الفرحه والتغير بدأ يبان علي والتزمت بكل معلومات الصفحه وبقيت عايش فيها لو بعدت عنها يوم ممكن اضعف ورجعت لشغلي في الخليج اقسم لكم اني كنت ملتزم بالرجيم طول فتره السفر حتي في الطائره وجيت الخليج في الاول عانيت كتير والحمد لله قدرت اواجه كل عقبه واستمر لهدفي الحمد لله وحاليا وصلت ٨٤ كيلو و طولي ١٨٠ سم
تخيل واحد يقعد سنتين ونصف في الغربه ونفسه يرجع البلد عشان ياكل اكله حلو واول ما ينزل يعمل دايت 😂😂
الحمد لله على نعمه الصحه والدايت وشكرا جدا لكل حد ساعدني في رحله الدايت وشكرا جدا جدا لمهندسنا الغالي حفظك الله ورعاك مهمها اتكلمنا مش هوفي حقك علينا كلنا بجد افضل منظومه صحية حاليا حفظكم الله جميعا واسف علي الاطاله
كنت 140 وحاليا 84 ومكمل ان شاء الله
#شكرا_لو_نفسك_تخس