ايه ده هي الرساله دي قديمه؟؟لا هي جديده بس حران ولابس نص كم لاني مش بطيق الحر بلبس نص كم خذ بالك بلاش تعمل مثلي عشان مش يجيلك برد
استكمال للرساله اللي كانت بتتكلم عن اسباب تسبب السمنه هي معلومه عامه كتنبيه لمعلومات بنناقشها بشكل بسيط عشان توصل للناس
اليوم هنتكلم عن معلومه هامه تخص السيدات بيلاقو وزنهم زايد زياده رهيبه من ستون كيلو الى مائه واربعون ولسه بتأكل نفس الاكل اللي بتاكله وزياده رهيبه جدا رغم اني بأكل نفس الاكل طب ممكن يكون العمر السبب بيقلل الحرق ؟؟لا طبعا مش للدرجه دي هيقل مثلا من 1800الى1700سعرحراري
نستبعد سبب نقص فايتمن دال اشهر المشاكل وجسمك مش بيخس مع انك متبع نظام غذائي بتلاقي ان الفايتمنز عندك فيه مشكله
السبب الثاني الاقوى شوي الغده الدرقيه هي اضطراب هرموني والنساء اكثر عرضه لاضطراب الهرمونات وهذا اللي شفته كثير من التجارب طب ايه الحل ؟؟
هتلاقي نفسك بتاكل نفس الاكل لكن وزنك بيزيد بشكل كبير ساعتها تعرفي ان عندك مشكله تروحي لطبيب متخصص بالغدد وهو هيكتبلك العلاج بعد عمل التحاليل اللازمه هتلاقي نفسك بتخسي مع الاكل الصحي
طب لو لقيت ان هرمون الغده تمام والفايتمنز تمام وبقلل اكلي ولسه في زياده السبب يكمن في تكيسات المبايض مشكله نتيجة اضطراب هرموني ادى الى زيادة الوزن وارتفاع ضغط الدم والسكر وكمان بتأخر الانجاب ممكن تكتشفها السيده في بداية الزواج يتأخر الحمل فتعمل فحوصات تعرف بيها عندها تكيسات او معندهاش تكيسات ساعتها بيقولها خسي لان زيادة الوزن تؤدي لاضطراب الهرمونات ومنها هرمون الذكوره لان انا كراجل وانتي كسيده كل واحد فينا جواه هرمون الذكوره والانوثه لو زاد هرمون الذكوره عند الاناث بيسبب ظهور حب الشباب والشعر غير المستحب بالوجه حتى عندنا بوست بيوصل المعلومه بشكل فكاهي اما اقولك حاسبي لتلاقي نفسك بشنب فالناس تقول مينفعش تكتبكوا كده طبعا بنحاول ننقل الك المعلومه بشكل فكاهي طب الحل ايه ؟؟انك تخسي وهيختفي هذا الشيئ بس التكيسات بتضعف من الحرق وتلاقي نفسك في دائره السبب زياده الوزن ادى لتكيسات المبايض ادى لضعف الحرق عشان احل المشكله لازم اخس طب الحرق ضعيف ماهو مع كل كيلو بتنزله حتى لو بطيء الهرمونات هتتظبط وبالتالي الحرق هيتظبط لان التكيسات هتبدأ تختفي والدائره اشتغلت والتكيسات تؤدي لاضطرابات في الدوره الشهريه واؤكد ان المعلومه اللي بقولها عامه يعني مش ينفع تأخديها من فمي وتقولي عندي تكيسات وتروحي تاخدي علاج من الصيدلي لازم الكشف عند طبيب ومينفعش تأخذ ادويه من دماغك لان ادويه التخسيس اهدار للمال اهدار للصحه وكمان بتدمر جسمنا بعض ادوية التخسيس ليها تأثير ع الغده الدرقيه تلاقيه بعد مايخس الهرمون تبعه بينضرب مش بيعرف يخس طول عمره لو خس خمسه كيلو يزيد خمسين لذلك انتبهي من الاضطرابات الهرمونيه هتدخلك في مشاكل كبيره
اخر شيئ شرب السجاير ناس تقولك ان السجاير بتسد النفس لو تركتها هأكل واتخن اولا السجاير حرام شرعا الازهر قال هذه الفتوى
ثانيا السجاير مع زيادة الوزن هتسبب الك كارثه لان القلب بينقل الدم من مكان لمكان فالصمام اللي بيتفتح عشان يطرد الدم تلاقي يحصله ارتجاع بالصمام تخيل الدم ماشي في حته مسدوده ويحصله ارتجاع لانه قابل دهون مسببه انسداد تخيل كمان ان السجاير بتسبب لزوجه بالدم انت اما بتاخذ النفس من السجاره النفس ده بيدخل جوه الرئه ويتركب جوه كرات الدم الحمرا ء ويمشي بالدم فالجسم لازم ياخذ كمية اكسجين فيلاقي داخله زفت واطران فيزود عدد كرات الدم الحمراء معناه احتمالية حدوث جلطات اكبر لذلك تجد الشخص اللي وزنه كبير وبيشرب سجاير وضغطه مرتفع تلاقيه عرضه بشكل كبير للجلطه يعني موت متقولش ان السجاير حل لسد الشهيه سيب السجاير ستجد شهيتك تحسنت متعتك للاكل اصبحت احسن الاكل الصحي لحياتك اصبح شيء جميل جدا لاتترك بعض الافكار الخاطئه تدمر الحياتك هذه المعلومات عامه وليست طبيه