23395821524787388
recent
أخبار ساخنة

كيفية التخلص من الجوع ليلا وحب الطعام

الخط
المايك مع مستر محمد الازمازي🎤حسام عنده شراهه بالاكل مدمن اكل 
المهندس مصطفى علي يسأل حسام الجمل🎤بما انك كنت مدمن اكل وشوفتك بالايفينت بتأكل من كل شيء في ناس كثيره مدمنين وانا كنت واحد من هذه الناس اللي مش ينفع اكل اكل وحش لاني صاحب مزاج لو لقيت الاكل وحش اكله واجيب اكل حلو اكله بعده فتحولك من صاحب مزاج الى انك تخسر كل هذه الكميه من الدهون حتى لو انك نتيجة ظروف بوظت شوي لكن بترجع تاني وتتحكم بنفسك تاني لكن في ناس اعرفهم الثلاجه عندهم مش بتخلا م الحلويات والبيتزا والفطير والممبار مش قادرين يستغنو عنها قول لنا انت كيف خرجت من منطقة الادمان
 
المايك مع حسام الجمل🎤مشكلتي شيء واحد اني اما اجي انام بطني تكون مليانه في اسناكس معانا ع الصفحه كنت بأجله لبليل وهذا طبعا غلط بس في الاول لازم اعمل كده عشان اعرف انام خس وخيار وباذنجانه وتغلبت ع الجوع بهذه الطريقه اسبوعين فبدأت معدتي لاتتقبل 
كميات اكل كبيره كنت بسافر لشغلي كثير جواري بالسياره شنطه مليانه خيار وخس اول ما احس اني جوعان اكل منهم كنت ببداية الدايت كنت بسافر 3 ايام يوم اتغدى جبنه قريش بجيبها م السوبر ماركت يوم تونه يوم سمك اجيب 3سمكات يشويهم وجواري بائع الخضار اشتري خيار خس فمفيش عائق 
المهندس مصطفى🎤شيكو كرشك العظيم  ده اكيد مش التهاب ايه السبب اللي وصلك لهذا الكرش العظيم؟؟
شاكر شيكو 🎤اكثر واهم سبب الاكل بالليل انا من شربين دقهليه وشغلي بدمياط فبروح الشغل الساعه 8افطر اي شيء ممكن كوب لبن بس والغدا ممكن يكون ساندوتش طعميه اي حاجه والعشا الوجبه الرئيسيه حلة رز كيلو سمك محمر مشمر انا متخنتش قبل الزواج الزياده كلها بعد الزواج كان عندي لامبالاة لغاية مالتريقه زادت ومش قادر اصلي التراويح لغاية في فرح اصحابي مسكوني كرومبو كرشو كنت بضحك من بره بس من جوه بتقطع في نفس القاعده قولتلهم اعطوني سنه وهتشوفوا قالولي مش هتقدر مفيش حد بيخس فأنا توكلت على الله وبدأت وكان بيتي بمحافظه وشغلي بمحافظه بدمياط المدام بتطبخلي الساعه 5الفجر بحط الاكل في حافظة الطعام واتغدى 3 العصر م الاخر اللي عاوز يتغير هيتغير 
مهندس مصطفى 🎤انت ازاي يامستر زدت 100 كيلو فوق وزنك يعني الناس بتزيد 40 قول 50 انت كيف زدت كل ده
مستر محمد 🎤انا طويل طولي 192 سم ووزني 110 ل120 كيلو بس كنت رشيق عشان طولي وزدت عشان العشا بالليل اي اكل  وانام  
مهندس مصطفى🎤أي ان كان الاكل بالليل المفروض مش يزيد يعني كلايف استايل عندك الفاكهه بس مش مثل واحد بياكل 5كيلو موز كل شوي يقشر وياكل بياكل كل ماخف وزنه وكثر سعراته انا كنت بأكل 3 بيتزا بالليل كنت بعملها بإيدي يمكن واحده تتحرق طلعوا ال3حلوين خير وبركه مش بسيبها حرام فكل هذه العادات خلتنا نطلع ونزيد كل الاوزان دي بيجي عليك فتره مش فاضي لنفسك حجمك مش مجرد شكل لأ ده كمان عشان صحتك وهيجي عليك وقت انك مليان وعمال رايح جاي ومش حصلك شيء ولو وقعت ممكن متعرفش تقوم تاني في ناس بيجيلها امراض مثل السكر والقلب وتجد نفسك بتعك اكثر واكثر ايه هو اكثر موقف بالنسبالك أثر فيك؟؟انا بالنسبالي كان في راجل كبير مكونتش قادر ارد عليه عشان تربيتي مش تخليني ارد عليه قال لي انت تخين كده ليه بإستهزاء واستحقار شديد لو عاوز تنصحني انصحني بالحسنى لوكنت فظ غليظ القلب لانفضوا من حولك فلازم نقدر نتعامل مع الناس وله ظروفه واسبابه 
شاكر شيكو🎤موقف بيحصلي يوميا شيء مستفز اجي اركب العربيه بتأخذ 3ركاب يقولوا مركبش جنب شاكر او متركبش ع الكرسي القلاب عشان ميتكسرش وبالنسبه للتريقه كثير 
حسام الجمل🎤مليون موقف بسافر كثير للشغل راكب جنب السواق كمين وقفنا السواق مش شادد الحزام الظابط اول ماشافني قال انا اسف لان الحزام مش بيقفل ع الكرش 
موقف اخر محمود ابن خالي نظره ضعيف ومقعدينه في الاخر فانا داخله الفصل قاله ده ابوك قاله لا مش ابويا دا ابن عمتي فالموقف محرج تعبك نفسيا 
مستر محمد🎤كان موقف الالعاب اللعبه ياللي بتربطها وتطلع بيها فوق اتفكت وكنت هقع ماسك نفسي ومتشعلق بكتفي واصعب موقف اما وقفت امام المرايه وقولت ليه سايب نفسي كده فكان لازم اخذ القرار 
مهندس مصطفى 🎤انا وقفت ع الميزان وكانت صدمه هي السبب اللي خلتني ابدا لاني قولت انا 80 او 90 مش ازيد  وكانت المفاجأه 
ما اكثر موقف فرحك بعد ماخسيت؟؟
شاكر شيكو🎤واحد داخل بيسألني فين شاكر اللي كان هنا قولتله انا قالي لا التاني كان حاجه كبيره كده
موقف آخر سلملي ع شاكر بئالي فتره مش شايفه كنت في سفر فصبحلي عليه قولتله انا شاكر ياحاج 
وموقف اخر التيشيرت الزهري اللي وسع 
مهندس مصطفى🎤كان التيشيرت واخد شكل الكرش اما تغسله تبص عليه تلاقي مكان الكرش موجود 
حسام الجمل🎤هاختصرها في كلمه واحده الواحد اصبح بني أدم 
مهندس مصطفى 🎤بشكركم واشكر كل اللي غير نفسه وانت كمان تقدر تتغير
شاهد الحلقة كاملة

تعديل المشاركة ردود اللأفعال:
كيفية التخلص من الجوع ليلا وحب الطعام

لو نفسك تخس

مساحة إعلانية
مساحة إعلانية
مساحة إعلانية
التعليقات
    مساحة إعلانية
    ليست هناك تعليقات
    إرسال تعليق

    إرسال تعليق

    نموذج الاتصال
    الاسمبريد إلكترونيرسالة