اليوم الثانى من المسابقة وخد بالك من اعراض الانسحاب
اعراض الانسحاب
النهارده اليوم الثاني من مسابقة صغر معدتك
النهارده اليوم الثاني من مسابقة صغر معدتك
ومثل ماقولت ودائما بقول في كل مسابقه هتلاقي الايام بتمر عليك بسرعه مش هتستناك انت اللي هتضيع من صحتك لو قصرت في حق نفسك تاني وصدقني الوجبه اللي زعلان عليها انك مكلتهاش او العك اللي زعلان انك معكتوش صدقني هتفرح جدا جدا اما هتشوف نفسك وشكلك بتتغير ساعتها هتكون سعيد سعاده مابعدها سعاده وهتحس انك نفسك تساعد كل الناس وتجري وراء كل واحد في الشارع وتقول له الحق نفسك قبل مايفوت الاوان هتكون انسان مختلف ومثل كل مسابقه بقولك هتكون انسان مختلف
شاهد الرسالة كاملة فيديو
هتحس مع اول يوم بصداع ودوخه ونفسك رايحه ع الاكل والساعه 2بالليل شامم ريحة اكل غريبه ولو حتى بالصحراء هتشم ريحة اكل كل ده احنا قولنا هيمر عليك عادات الانسحاب من العادات السيئه اللي كنت فيها كل العك اللي كنت بتعكه زمان هتلاقيه في عقلك الباطن بيدفعك تقوم تلخبط الساعه 2بالليل بطنك بتوجعك ومش قادر ولو مسكت نفسك يومين ثلاثه هتلاقي الشعور ده اختفى وطبعا اللي بيحس بدوخه وصداع نحن نتكلم عن الاصحاء فهي ماهي الا اعراض الانسحاب مثل اول مايقوم م النوم بيشرب كوب الشاي ب5ملاعق سكر فبتاخذ ملعقة العسل وبعد شوي بتفطر فالجسم يقولك فين اللي اتفقنا عليه بعد شوي صينية الطعميه والفول والمخلل اللي الجسم بينتظرها كل يوم اختصرت في 2توست بني وملعقة عسل نحل فالجسم بيعترض ويتناقش معك ويضغط عليك عشان تعك فين الشيبسيات والبيبسي احنا عاوزين اكل كل شوي فلما تلتزم اكثر كل ماتتشجع اكثر جسمك بيستجيب
لو حصلك دوخه صداع جوع بالليل شم روائح الاكل في كل وقت بتتخيل الاكل دي اعراض الانسحاب لكن لايمنع ان عندك مشكله صحيه وتبدأ تظهر بالرجيم السكر بيقع
فطالما انت انسان سليم صحيا وبتأخذ الاسناكس والمياه ووجباتك الاساسيه وبتنام كويس ومش تعبان من حاجه الكلام ده كله مجرد اعراض انسحاب وواحده واحده هتخرج من هذه الاعراض
نزلنا ع القناة وع الفيسبوك نسأل الناس مامدى التزامك في اول يوم رجيم الصراحه الناس استجابت وردت علينا وكان اخر وقت قبل تصوير الرساله الصباحيه كان في 3600 شخص صوت ع الفيسبوك وكانت النسبه 72%ملتزمين و28%مش ملتزمين وده مؤشر جيد جدا حتى لو شايفينه مش 100% انك تقنع واحد من خلال السوشيال ميديا او قناة او صفحه انه يخس ده امر صعب يطمنلك ويعتقد ان التغيير يجي من عيادة دكتور وانه اما يغير عادات غذائيه خطأ في حياته الجسم بيستجيب ويخس اذا عندنا خطا بعاداتنا الغذائيه بنحاول نصححها من خلال قناتنا وصفحتنا
ع قناتنا ع اليوتيوب قولنا اخباركم ايه في الالتزام ووضعنا 3 اختيارات هل انت ملتزم ام غير ملتزم ولا مشاركتش اصلا في المسابقه وكانت الاجابه 59%ملتزم
12%غير ملتزم
29%لسه مبدأش
نتيجه مرضيه الى حد ما واتمنى اللي لسه مبداش يبدأ لانه صدقني هيفوتك كثير اوي هتضيع من وقتك كثير اوي بالعك ومش هتكسب غير دهون ع الدهون اللي عندك اتمنى هذه النسبه تعلى لبكره والناس اكثر التزام
كومنت من نور محمد لفت نظري قالت المفيد بالنسبه للمسابقات والناس اللي بتسأل ايه فائدة المسابقات؟؟نور ردت بكومنت رائع المسابقات دي مش هحكي عن اهميتها وكم ادعو لكم بظهر الغيب توالي المسابقات عمل عندي صدمه رهيبه وخاصة مع بداية الاعلان عن مسابقة صغر معدتك وبقالي كام يوم في حاله م الذهول من سرعة الايام بتجري بشكل مرعب يعني النهارده هنبدأ مسابقه جديده حاسه المهندس مصطفى هيطلع يهل علينا بطلته البهيه يقول المسابقه خلصت
وده اللي عاوزه يوصلك ايام والمسابقه هتنتهي والشاطر هو اللي هيلتزم