recent
أخبار ساخنة

يا أيها المحبطين انصرفو

يا أيها المحبطين انصرفو


يا ايها المحبطين انصرفووو
الاسبوع الثالث
 وبداية اليوم الثالث من مسابقتنا صغر معدتك ومع اليوم الثالث هيبدأ يظهر بحياتك المحبطين اليوم هيفوت اليوم الثالث من رحلتنا اللي مدتها 14يوم صغر معدتك رحله صغيره ووعدناك انك خلال هذه الرحله هتصغر معدتك وتقضي ع الدهون رغم قصر المده ولكن ستجد اختلاف كبير وطبعا في ناس هتلاحظ عليك اشياء غريبه السبت ويك اند والاحد بداية اسبوع عمل الاثنين والثلاثاء بيبدأ يظهر عليك اعراض غريبه وتلاقي نفسك بدال ماكنت بتدخل ع الناس وتقولهم صباح الخير ياجماعه هنفطر ايه النهارده هتلاقي اخذت نفسك وقعدت متقوقع ع نفسك وبتخرفش بأشياء ياترى الصوت جاي منين وتلاقي نفسك بتقرقش توست سن او جزرايه او خس فعامل خرفشه بالصوت فيقولوا انت بجد اوعى يكون اللي ببالنا بتعمل دايت قولنا شيء تاني وفجأه تلاقيهم كثروا وكأنك بتعمل شيء غريب تجد المحبطين بيظهروا فتايين دايت مين يابني دايت ده طعمه وحش اوي انت ازاي مستحمله الدايت مش اكل مش بقولك تعالى كل مكرونه بالصلصه ده نظام غذائي
شاهد نظام اليوم الثالث من المسابقة
بقولك الدايت طعمه وحش طب هات التفاحه دي كده وياخذها ويمشي ويدخل واحد ثاني يقولك انت بتعمل دايت وتحرم ما احل الله دا الدايت نعمه ازاي تستغنى عنها هترد تقوله الصحه نعمه وكثرة الطعام مش نعمه وربنا قال سبحانه وكلوا واشربوا ولاتسرفوا انه لايحب المسرفين 
طبعا في ناس هتقولك انت بتقول اي كلام ع فكره اوعى تكون بتتريق 
كان في رساله جاتلي ع صراحه رساله في منتهى العجب لو خلال ال4سنين ع لونفسك تخس شفت العجب العجاب كانت من اخت بتقول سلفتها عماله تقولها حرام عليكي اللي بتعمليه وربنا هينتقم منك عشان الدايت اللي بتعمليه ده وان ابنها اما تعب قالتلها ربنا بينتقم منك عشان الدايت اللي بتعمليه هي شايفه ان الدايت ده شيء حرام 
الرساله ده جاتلي ع صراحه اول مره اشوف النوع ده م المحبطين 
شاهد الرسالة التشجيعية اليومية

يجي واخد كرشه امامه مترين ويقولك دايت مين ياعم اهم شيء الرياضه اللي بتقضي ع كل اكل انت بتاكله لكن تعمل دايت مياكلش معانا تبصله وتبص ع كرشه هو انت بتتكلم في ايه طب منفعتش نفسك ليه يقولك عندي ظروف وتلاقي المحبطين بيدخلوا واحد ورا واحد وبيقولوا كلام غريب وعجيب 
وتسمع العجب واحده تقولك اعرف واحده عامله دايت وجالها مرض جلدي لغاية اما ماتت وتلاقي احباط مابعده احباط مسيرك تعك وجلدك يترهل وشك متاخد واشياء عجيبه عشان كده نصيحه لكل واحد عاوز يغير حياته فعلا حاول تسمع من هنا وطلع من هنا او اشتري سماعات صغيره ضعهم بأذنك وعيش حياتك واوصل لهدفك لان وقت ماتوصل لهدفك هتلاقي الناس تجري عليك وتسألك انت عملت ايه طبعا احنا كل يوم بنعمل تصويت ع الالتزام اليوم ع صفحتنا وصل الالتزام 83%ملتزمين و17%غير ملتزمين اتمنى يزيد غدا عدد الملتزمين 
وع قناتنا ع اليوتيوب كانت النسبه للملتزمين 58%نقريبا وصلت اليوم ل 76%من الالتزام  وده رقم عظيم جدا جدا تحياتي لكل الناس اللي التزمت وكتبت كومنت عشان تشجع نفسها وتشجعنا معاها لو بصينا ع الكومنتات تبعكم وصاحبة الكومنت تمنت اقرأ الكومنت فانا هاعرض الكومنت عليكم بيقول نفسي اخس عشان صحتي واولادي بدأت بوزن 155كيلو والان 135كيلو ومكمله لحين الهدف بس السبب اني اخس واحده صاحبتي بس للاسف مش صاحبه جرحتني بغباء قالتلي مش شايفه نفسك انتي زياده وفايضه جوزك شايفك ازاي كده سمعتني كلام ابكاني 3ايام لحين مادخلت ادور ع شيء للتخسيس رغم كنت بعمل ريجيمات وبفشل بس شفت القناة وطنط حنان ونزلت 20 كيلو في 4 شهور 
وبقول لكل واحد بيجرح حد بالكلام خذ بالك لان الكلمه دي ذنبها عظيم 
ومكملين نحو هدفنا ونحاول نشجعك كل يوم نحن بنقابل م المحبطين كل يوم وزاد الموضوع عن الاحباط كل يوم اكثر واكثر وكل يوم بيكثر بيوصل لابعد حدوده انت لا تتخيلها 
الناس اللي نفسها الصفحه والقناة تتقفل مابيوقفوا هجوم
 ادعولنا ربنا يستخدمنا بالخير ولا يستبدلنا اتمنى كل واحد بيشوفنا يدعمنا بالالتزام لنكمل معك حتى تصل لهدفك بإذن الله


ردود اللأفعال:
يا أيها المحبطين انصرفو
لو نفسك تخس

تعليقات

تعليق واحد
إرسال تعليق
  • Tina photo
    Tina13 مارس 2018 في 11:10 ص

    مساء الخير انا برضع وماشية معاكو على نظام صغر معدتك بس مشكلتى انى اخدت معلقتين العسل مع التوست بس لازم احط سكر مع اللبن بالنسكافية خالى الدسم اعمل اية ارجو الرد ؟؟

    حذف التعليق
    google-playkhamsatmostaqltradent