23395821524787388
recent
أخبار ساخنة

ايفنت وهدايا لو نفسك تخس منتظرينكم

الخط
ايفنت وهدايا لو نفسك تخس منتظرينكم 

هدايا ايفنت القاهرة والاسكندرية 

يبدأ الغد ايفنت وتجمع اعضاء لو نفسك تخس في التاسعة صباحا بحديقة متحف الطفل بمصر الجديدة بالقاهرة وهو تجمع للدعم المعنوى للاعضاء 
الشركه التخسيسيه للمنتجات البلاستيكيه أيوه كده اظهروا ع حقيقتكوا منا مستنيكم من اول ماقولتوا انكم بتساعدونا لوجه الله واكيد في يوم م الايام هتعملوا اعلانات إليكم الشركه الحصريه للمنتجات البلاستيكيه لو نفسك تخس 
طبعا اليوم السادس في مسابقتنا صغر معدتك اسبوع اول واسبوع اخير يادوب هتقول ياهادي تلاقي نفسك في الاسبوع الاخير سبحان الله شيء عظيم لذلك بقولك حاول تلتزم ال14يوم اللي فات منهم 6ايام واللي فيهم يوم مفتوح وغدا وجبه مفتوحه يعني صباح الدلع لذلك بقولك حاول تستخدمهم الاستخدام الامثل انك تلتزم مجرد إلتزمت معدتك هتصغر وتتخلص من دهون كثيره شايلها ع جسمك هتحس بمتعة التغيير والحياة لذلك بقولك حاول تلتزم ومع اليوم السادس اتمنى كل واحد بيسمعنا انك بتعمل شيء عظيم بوقت قليل جدا جدا 
غدا في ايفينت في القاهره 16مارس وايفينت اسكندريه يوم 30مارس ملتقى اعضاء وفريق عمل لونفسك تخس بنلتقي جميعا عشان نشجع بعض ع ارض الواقع ونقوم ببعض الانشطه كل واحد بيحكي تجربته والناس تشوف تجارب حقيقيه امام عيونها ومتبعاها بتحضر ايفينتات قبل كده كل ايفينت بيخسو هتشوف الناس اللي خست واللي بتشوفها ع السوشيال ميديا لو نفسك تخس  ع ارض الواقع وبإذن الله انجازات من المنصوره والقاهره وناس كثيره جايه تشجعك ولو عاوز تشوف نماذج حقيقيه احضر الايفينت في مكان عام اي حدا يحب يحضر ويتناقش او يسأل وفي بعض المسابقات التنافسيه والهدايا والالعاب معندناش اي ممولين ل لونفسك تخس ممنوع نهائي كل الناس اللي حاولت تساعدنا بنرفض لان لونفسك تخس مصدر عطاء فقط ولذلك مستمرين معكم عشان نقولكم ان في ناس بتحبكم وبتساعدكم عشان تبتغي مرضاة الله وتلاقي ناس تقولك ايه اللي بتعملوه ده مفيش حدا يستحق لو شايف ان مفيش حدا بيستحق كلنا هنكره بعض لكن بنحاول ننشر روح المحبه بين الناس صفحتنا وقناتنا قناة عربيه فيها مختلف الجنسيات لذلك بنقول نحن قناة عربيه بنحاول ننشر الفكره بتاعتنا فكره التغيير ونطور من نفسنا ونأكل أكل صحيح في فرق بين اهتمامك بالطعام واهتمامك بالتغذيه لازم تهتم ان اكلك فيه جميع عناصر الغذاء ومش كثرة الاكل هو الشيء المميز وتنوع الاكل هو الشيء الحلو لذلك بقولك حاول انك تتشجع بينا او اي حدا بتتشجع بيه نحن وسيله لتغييرك
اللي هيسأل عن الايفينت هو مجاني كل واحد هيدفع تذكرة الحديقه بنفسه وندخل نتجمع نعلق البالونات بتاعتنا ونجهز القاعده والانشطه سواء مسابقات جري او كندي كرش مسابقه لذيذه هنضحك من خلالها وكمان اللي هيكسب هياخذ جوايز وفي ثواب وعقاب اللي بتحبوها وعليها سحب ع الهدايا واتمنى الكل يستمتع وكمان في لقاءات مع الابطال بتسجلوا لان في ناس مش هتقدر تحضر الايفينت عشان متواجدين بأماكن بعيده هنحاول نسجل الايفينت كله ونذيعه 
اللي بنعمله ده نوع من انواع التشجيع عشان بنقولك كمل بطريقك لان في ناس بتحبك اوي حتى لو كرهت نفسك في ناس بتحبك فنجبرك انك تحب نفسك كثيرون كانوا بيكرهوا نفسهم واما عرفنا حب نفسه وكل الناس اللي حواليه حبيت اعمل الالوان جميله عشان الربيع وكمان حبيت اقدم لكم الضيف الجديد الميزان مش عاوز حد يقول ايه ده هو ده ميزان صغير اوي اوعى تقف عليه وتجيب اجله وتقول الميزان بايظ ده ميزان مطبخ اخره 10كيلو جرام الميزان ده هديه احنا شاريينه مش اعلان واي ميزان ديجيتال مطبخ تقدر تشتريه وتستخدمه عاملين 3للقاهره و3لاسكندريه كنوع من انك تغير من فكرك وتستخدم موازين المطبخ لانها شيء مهم جدا جدا هتخليك تعرف كمية السعرات اللي بالاكل اما تعملي صينية الكيكه والبسبوسه وتحسبي كمية السمن والسعرات من تطبيق لونفسك تخس هتشوفي السعرات حراريه وتلاقي صينية البسبوسه 6000سعر يجيلك رعشه وتعرقي وتقولي كنت معقول كنت باكل الكميه دي كلها كنتي تروقي الشقه ربع ساعه وتضربي صينيتين فالميزان ده هيخليك تعرف عندك كام سعر حراري فبيعطيك ادراك كبير بالاشياء اللي حواليك وتعرف تحسب سعراتك اليوميه 
وهيكون في 12ماج وايكونات كثيره عشان الكل يحصل عليها لتحتفظ بيها تذكار عملنا 4الوان ابيض بينك اخضر اصفر عشان يكون عندك الاختيارات كلها 
للاسف سوء الظن اصبح مع كل الناس كنت واقف بمحل الكمبيوتر وواحد داخل فعارف بتاع الكمبيوتر بقوله كرشك خذ بالك طب بص الراجل اللي في اليوتيوب ده بيقول ايه قال ياعم دول كلهم نصابين وانا واقف امامه قولتله احنا مش نصابين للاسف الشديد اصبحت السمعه بتستغل الناس وتبيع لها شيء مضر بصحتها احنا بنتكلم ع ناس محددين اللي هما بيتاجروا بأرواح الناس ويضحكوا عليهم ويبيعوا اشياء ضاره وفي الاخر تطلع فشنك وتبوظ لهم معدتكم 
الراجل تاع الطباعه يقولك لونفسك تخس ده مركز تخسيس ولا ايه ؟؟لا دي صفحه ع الفيسبوك 
اه بتكسبوا كثير الواحده دي بيتبيعها بكام
ياعم والله ماببيعها 
خلال الاسبوعين اللي فاتوا مكونتش بنام وبنزل اجهز هذه الاغراض اتمنى لكم حياة سعيده وايفينت سعيد وبلاش تسيء الظن بينا وادعولنا دعوه خالصه م القلب واتمنى الايفينتات تطلع الى خارج مصر وبإذن الله هنعمل ايفينت خارج مصر في احب البقاع إلينا بإذن الله
شاهد الرسالة التشجيعية 

تعديل المشاركة ردود اللأفعال:
ايفنت وهدايا لو نفسك تخس منتظرينكم

لو نفسك تخس

مساحة إعلانية
مساحة إعلانية
مساحة إعلانية
التعليقات
    مساحة إعلانية
    ليست هناك تعليقات
    إرسال تعليق

    إرسال تعليق

    نموذج الاتصال
    الاسمبريد إلكترونيرسالة