-->
23395821524787388
recent
أخبار ساخنة

اهتم بتناول الوجبة المفتوحة غدا ومعلومات مهمة

الخط
اهتم بتناول الوجبة المفتوحة غدا ومعلومات مهمة

اليوم المفتوح غداً 


واليوم السادس من رحلتنا 28يوم وهتنسف الدهون وغدا نهاية اول اسبوع 
الرحله اللي مدتها 4اسابيع فات اول اسبوع وهيتبقي 3اسابيع هيعدوا علينا هوا واتمنى الكل يلتزم لانك كل ما إلتزمت اكثر كل ما كنت مستمتع بالرحله اكثر كل ما كانت رحلة التغيير من امتع الرحلات بحياتك لانك بتصلح فيها وبتظبط فيها حياة كنت عايشها بائسه إلى حياة سعيده بإذن الله 
الناس اللي بتقول متضايقه ومخنوقه اصل انا عامل رجيم متضايقين ليه ؟؟
المفروض تكون سعيد لانك بعد ماكنت بتدمر حياتك من خلال كنت بتعك ممكن تكون الخنقه اللي بتتعرض ليها نتيجة ان انت بتتعود ع شيء جديد وطبيعي اي حد بيتعود ع شيء جديد بيكون خايف من المجهول وانه يفشل وانه يكون ماشي غلط وانا بقولك لو التزمت بالانظمه الصحيه هتلاقي نفسك بتتغير كليا وهتلاقي الموضوع ماهو الا وقت وهتغير حياتك للافضل وهتشوف ده بعينك ولو انك عاوز تشوف المستقبل بتاعك عامل ازاي اتفرج ع الناس اللي اتغيرت حياتها بفضل الله وانهم التزموا لانهم كان عندهم يقين بالله انهم هيتغيروا باذن الله وفعلا اتغيروا وكان سر تغييرهم هو الالتزام 
لو بصيت ع النظام هتلاقي ان عندنا بكره وجبه مفتوحه انت ممكن تأخذها فطار مفتوح او غدا مفتوح واول فري بيكون وجبه واحده لان في كثير بيكون لسه باديء معانا الانظمه الغذائيه ومش عاوزين الموضوع يفلت منه لذلك حاول تلتزم بالوجبه المفتوحه وانك تستمتع وتكسر الروتين عشان لايتسلل اليك الملل طبعا الوجبه المفتوحه او خلال الاسابيع القادمه اللي هيكون فيها وجبتين حاول ان انت تستمتع بهذا اليوم بشكل صحيح متبوظش اللي انت عملته خلال الاسبوع ومش بحب اخوض بتفاصيل عشان مش اضايقك يعني مقولكش حاول تركز عشان متقولش حتى باليوم المفتوح هتخنقنا بالنظام لأ انا عاوزك تبص لليوم المفتوح انه خروج من اليوم الروتيني الك وانك تتفرج ع نفسك اد ايه اتغيرت يعني هتلاقي نفسك الكميات المهوله اللي بتاكلها من لقمتين بتشبع يعني ببداية رحلتي غير بعد شوي اصبحت عادي خلاص اصبح اليوم المفتوح يعدي عليا اقول انه بيتعبني وبدأت اتعلم من اخطائي وكل يوم مفتوح بيعدي عليا سواء الوجبتين المفتوحين او وجبه مفتوحه بحس بتغيير 
طب انتم بتقولوا في حدود سعراتك الحراريه يعني ايه؟؟اشبع مع بداية الشبع خلاص توقف اكل متعملش مثل ناس كثيره يقعد يحشر في الاكل متقعدش تكبسها هتلاقي انك مش قادر تأخذ نفسك ويمكن حكيت موقف حصل معايا قولت عاوز ازود شوي باليوم المفتوح واشوف نفسي ايه اللي هيحصلي وقعت في الشارع جالي دوخه اكلت بشكل كبير فوق طاقتي وده دليل ان معدتك اسبوع عن اسبوع بتصغر هتشوف الفرق ده في كميات الاكل اللي هتقل حتى في الوجبه الواحده يعني قيس نفسك الان وزمان هتلاقي كميات الاكل بدأت تقل وكل اسبوع بتقل اكثر واكثر والشهيه بتتحسن 
النصيحه اللي عاوز اقولهالك خد بالك من السكر الابيض في اليوم المفتوح لانك لو منعته بحياتك هتنعم بالصحه بشكل كبير وعمرك ماهترجع للسمنه ابدا السكر الابيض لو انت بعدت عنه هتلاقي ان فيه بنسبه كبيره مش هترجع للسمنه لانه بيحفز الانسولين بشكل كبير بيقول للدهون متحرقيش وللجسم خزن عارف ناس البرمجه دخل امر معين ده أمر للجسم يوقف حرق انا جاي اظبطكم ومحدش يحرقلي دهون خالص فيبدأ يخزن دهون سكر ابيض يعني مفيش انقاص بالوزن عشان كده بننصح خلال الايام لو مكتوب بالانظمه سكر ابيض وفر العسل الابيض لان مفيش مقارنه اصلا بين الاثنين فمابالك باليوم المفتوح مش عاوز اخنقك تحس انك متضايق ولكن احنا بنحاول نفكر انك تصل لجسم رشيق وصحي وتتعلم من اخطائك اليوم المفتوح بمثابة تعليم لنفسك تشوف تفكيرك اتغير ازاي طبعا المقليات خذ بالك منها 
انا فاكر في بدايات الايام المفتوحه  لي سنه 2013 كنت مسافر من القاهره للمنصوره وجبت كفته وبانيه مقلي وقعدت اكل فيهم وعيش بلدي واحد كفته وواحد بانيه وهكذا وبطني تعبتني ومش مستقره وتحس اصوات غريبه جوات بطنك وكإن صراعات بين الكفته والبانيه وكأن المعده بتسأل ايه ياعم اللي انت قاعد تاكله ده وحاجات غريبه جدا لذلك نصيحه للناس اللي بتضرب الطرب وهو عباره عن كفته دسمه جدا وعليها دهون وغلاف من الدهون المعده نفسها بتقعد تسأل هو ايه اللي انت بتاكله ده عاوزين نرحم المعده منها 
حاول تاكل الاكل الكويس عندك محشي اعمله دون دهون ثقيله تعمل بشاميل بلاش تحط عليه دهون ودسم حاول تعمل اكلك بشكل صحي وخفيف عشان تستمتع بالاكل وكمان ميقفلش معدتك 
غدا 30مارس هيكون لقائنا مع ايفينت اسكندريه في المنتزه هو تجمع لأعضاء الصفحه في مكان عام كي نشجع بعض ونلتقي من قناة وصفحة لونفسك تخس نلتقي في المنتزه ونلتقي بأبطال غيروا حياتهم وناس كثير بتسأل الابطال دول عملتم ايه وايه اللي شجعهم وحاول تحضر الايفينت مجاني ومفيش اي رسوم لانه تجمع عادي لأعضاء لونفسك تخس
تعديل المشاركة ردود اللأفعال:
اهتم بتناول الوجبة المفتوحة غدا ومعلومات مهمة

لو نفسك تخس

مساحة إعلانية
مساحة إعلانية
مساحة إعلانية
التعليقات
    مساحة إعلانية
    ليست هناك تعليقات
    إرسال تعليق

    إرسال تعليق

    نموذج الاتصال
    الاسمبريد إلكترونيرسالة