recent
أخبار ساخنة

آيات والعمليات ..تجربة من الواقع لكل شخص يعتقد ان العمليات وادوية التخسيس هى الحل

آيات والعمليات ..تجربة من الواقع لكل شخص يعتقد ان العمليات هى الحل 

تجربة من الواقع


سنين طويله بنهمل في حق نفسنا لغاية ما كرهنا شكلنا بنجري بدال مانتصالح مع نفسنا بنآذي نفسنا اكثر واكثر في اللي بيمشي ع انظمه غلط اي حاجه تيجي امامه مش مهم اني اخلص من الهم واللي بشوفه كل يوم في المرايه وبيجيبلي الغم وفاجأه تلاقي نفسك دخلت في اختيارات صعبه تأذي بيها نفسك اكثر واكثر وبدال ماتتصالح مع نفسك بتجد نفسك تطلع من دوامه تدخل في دوامه جديده وخذ الحبايه دي هتسيح دهونك كلمه مشهوره اوي عشان ياخذ اللي في جيبك وانت تجري وتإذي نفسك اكثر واكثر ويدخل عليك واحد ثاني يقولك انت ليه مستحمل نفسك ادخل العمليات شفت فلان جربها وعمل عمليه واتغير واصبح سعيد شفت فلان الثاني عمل نفس العمليه واتبسط من حياته وبعد متعمل العمليه تلاقي نفسك بتندم ع اللي انت عملته لذلك هنقدم لكم تجربه من شخص حب يقولهالكم بنفسه تجربه مر بها هذا الشخص مع ادويه التخسيس والعمليات وحب يحكيهالكم بنفسه حب يقول لكم نصيحه لله انك ممكن تآذي نفسك اكثر واكثر وان العمليات دي موجوده بس عشان تنقذ حياة الناس اللي في خطر بجد مش واحد عنده كام كيلو زياده ويعملها مش واحد عنده موضه حاجه عاديه جدا دي بالمنظار عادي 
اليوم جبنالكم شخص بيندم اشد الندم ان هو دخل في حساباته هذا الاختيار ونصيحه لكل واحد بيتابعنا مفيش امامك غير نظام اكل صحي وشوية رياضه الموضوع بسيط اوي مش محتاج منك انك تفكر في اي شيء طالما انك تخنت بالاكل فمش هتخس الا بالاكل 
اسمي آيات من حوالي 10سنوات عملت عملية تدبيس معده العمليه كان زوجي عملها قبلي وخس جامد عليها لدرجة اصبح رفيع رجع للوزن العادي فأنا اتشجعت اني اعمل العمليه دي رغم اني كنت بشوفه انه تعبان واول مايزود شوي بالاكل يجيله قيء وتعب شديد في المعده ومع ذلك اما شفت النتيجه قولت اجرب ورحت للدكتور ده سألني لسه عاوزه تجيبي اطفال تاني قولت أيوه قال خلاص هعملك نسبة التدبيس اقل من اللي عملتها لزوجك دخلت العمليات ودي مش حاجه سهله دي تجربه قريبه من الموت الجرح كبير جدا جدا بطول البطن وبيأخذ وقت ع مابيرجع لطبيعته
م.مصطفى 🎤بيقولوا العمليات دلوقتي سهله بالمنظار 
آيات🎤المنظار للي معاه ميزانيه كامله  ..كان وزني 128كيلو خلال سنه وصل وزني 93كيلو نزلت 35كيلو خلال سنه والنزول السريع كان مسبب دوخه سرعه بضربات القلب بشكل غير طبيعي يعني البيبي ابني لو بيبكي وقايمه عشان اروحله الاقي نفسي وقعت في الارض بدون اي مقدمات دوخه شديده واقع 
م.مصطفى🎤الفرق في المنظار والجراحه شكل الجرح بس النتيجه واحده 
آيات🎤الجراحه العمليه جوه هي هي اما سألت عليها مشبك ماسك جزء من المعده وسايب جزء لو مش مشيت ع النظام اللي الطبيب قالك عليه هيرجع يمتد ويرجع لحجم المعده اللي كنت عليها فبالتالي بتفشل العمليه وتضطر اذا عاوزها تاني تدخل عمليات تاني ببنج تاني وحاجه في منتهى التعب ودرانيء متركبه في بطني الم
كنت معتقده اني هعمل العمليه خلاص هسيب ايدي مش في دماغي اني هتبع نظام الكلام ده مان بيحصل بالفعل بس في الاول كنت اول مأكل قطمه من حتة لحمه اقعد مش عارفه اتنفس ولا اكلم حدا الم شديد جدا المريء مع المعده الحاجه بتتحشر بحس اني خلاص هموت لو زودت في الاكل سنه انقطع عن العالم يعني اول مره احس بالمعده وهي بتهضم ازاي وايه اللي بيحصل جوه بسبب عملية التدبيس بحس بالالم للان اما ابلع حاجه بدون ما مضغها كويس بيجيلي هذا الالم عند مدخل المعده فالمهندس اما قال كده مكانش بيتكلم من فراغ انا مشوفتش فيديو جرب ودي امانه ولازم اقولها وهيكون في النهايه تغيير نظام حياة بس غصب عنك المره دي وفلوسك هتضيع في الارض لو ملتزمتش طب ليه انا مشيت مع الصفحه شهر واسبوع 12 كيلو اه نزول ببطيء بس ده افضل 
حاجه ثانيه تثبت كلام المهندس انا جبت دواء كان غالي دون ذكر اسماء كان ب300وشوي من امريكا بعد شوي حسيت اني اصبحت اشبع مليش نفس اكل الادويه دي بتشتغل ع نفسيتكم مش اكثر دواء غالي هيسد نفسي اللي عاوز ياكل هياكل واللي مش عاوز مش هياكل انا جربت الدواء وخسيت عليه ورجعت تاني زيدت مثل ما كنت اما دخلت لعملية التخسيس ده رجاء المهندس مش بيتكلم من فراغ مأخذتش من العمليه غير تشوه
م.مصطفى🎤معنى كده لو رجع بيكي الزمن مش هتعملي العمليه 
آيات 🎤مستحيل اعملها انا فطمت ابني كان بيبي عشان ادخل العمليه ودفعت الثمن وزوجي عملها وزاد وزنه واخويا عمل نفس العمليه عند نفس الدكتور وتخن والان ماشي مع نظام حضرتك مسابقة صغر معدتك 
م.مصطفى 🎤العمليه مفيهاش رجوع اما الدايت ممكن افشل فيه يعني فبريكه كل شيء جواك مثل ماهو اما العمليه انت دبست نفسك فعلا اسمها تدبيس بتدبس نفسك في حاجه مش عارف تتخلص منها ومعانا ناس تعبت وراحت المستشفى واكيد مش بمزاجها غصب عنك بتشوف تعب غير اما تروح بمزاجك انت انسان طبيعي بتروح تشوف شغلك ليه تقطع حته من معدتك اصل الدكتور اقنعني 
آيات 🎤الدكتور قال لي نصا انتي وزنك عدى انك تخسي عدى مرحلة الدايت لان في هرمون الخاص بالتخسيس اتعطل عندك عشان بتخسي وتزيدي وكده والاقي ناس 202 كيلو وبتخس طب انت ليه عملت فيا كده عشان الفلوس 
م.مصطفى 🎤لو التزمتي ع النظام الغذائي الصحي هتشوفي نتيجه هتعجبك وبلاش تقفي لو للحظه واحده عشان لو وقفتي تاني الله اعلم هيحصل ايه بعد كده ناس كثير للاسف معندهاش الثقافه ان العمليات دي خطيره ولو وزني مهما وصل مستحيل ادخل العمليات عشان اقطع حته من معدتي بشكر حضرتك
google-playkhamsatmostaqltradent