-->
23395821524787388
recent
أخبار ساخنة

كلمة السر التى جعلتنى استمر في تغير نفسي وكل من حولى

الخط
قبل ما اتغير كانت حياتي بائسه ويائسه بشكل كبير جدا
 حياتي قبل التغيير شيء وبعد التغيير شيء تاني خالص حياتي قبل التغيير كان فيه حاجات ناقصه في حياتي لو كنت اعرفها بجد كانت حياتي اتغيرت بسرعه الحاجه دي اما دخلت في قلبي وعقلي خلتني اوصل لهدفي مهما ان كانت الظروف والتحديات مهما كان الناس اللي حواليك بيحبطوك ويقفوا قصادك ويقولولك انت مش هتوصل مهما كانت الضغوط اللي حواليك انا خلاص هوصل لهدفي واخس وحتى احباطي لنفسي اما بقف امام المرايه واشوف جسمي اللي مليان دهون اللي مستحيل اني في يوم م الايام اكون رفيع دانا محتاج وقت ومجهود وامكانيات مستحيل اوصل 
الحاجه اللي دخلت جوه قلبي وعقلي وخلتني قوي جدا ولله الحمد واوصل لهدفي وانا مطمئن  اني هوصل كان يقيني بالله 
يقينك بالله انك بتعمل اللي عليك وربنا بيرتبلك امور كثيره هتلاقي الحياة كل ماتجتهد اكثر وتبذل مجهود وتخلص النيه لله ربنا بيكرمك المكان اللي بصور فيه ده شهد اول 5كيلو خسيتهم وكنت بجري مثل الفراشه اللي بتطير واولادي ينظرون اول فرحه لي 5كيلو حسيت اني عملت حاجه كبيره اوي اوي كنت ببكي واقوله يارب ساعدني انا ضعيف ونفسي اتغير احساس وحش انك شاب لسه صغير وجالك خشونه وكل اللي يشوفك يقولك ايه المنظر ده كلام وجع في الشكل حتى اما تشوف نفسك في المرايه بسبب السمنه 
وكان يقيني بالله اني بدأت تصحيح حياتي تغيير حياتي فيارب عيني ع هذه البلوه الكبيره 
الاستسلام شيء وحش ربنا هيحاسبك عليه مش معنى انك فشلت يبئا خلاص انت لو بصيت للناس اللي وصلوا في اعلا المراتب حتى الاختراعات هتلاقيه فشل كثير جدا عشان يوصل لهذا الاختراع مع الاستمرار بدأ يتعلم من فشله عاوزك تتعلم من فشلك تكتب انا فشلت عشان ملتزمتش بنظام صح انا فشلت عشان كنت بسمع لكلام الناس انت مخستش هو انت ميزانك ثابت م الاسبوع اللي فات انت مش هتخس ولو خسيت هتتخن تاني وتلاقي كلام محبط هتلاقي نفسك بتتعلم ومبتسمعش غير لنفسك والصح وبس غير كده هتلاقي نفسك في ناس بتحاول تحبطك لكن من كثرة المواقف اللي مريت بيها ستجد نفسك بتمر بتجربتك الكبيره وبتتعلم اشياء كثيره لان التجربه كل ماكان فيها اخطاء وترجع تصححها بتكون تجربه قويه لو انت فاشل متزعلش انت فشلت لكن مستسلمتش الاستسلام هو اللي وحش عشان كده بقول لكل واحد اوعى تستسلم حتى لو بتعك قوم وكمل لكن كان يقيني بالله خلاني اوصل لايملك اي امكانيات كان يملكها الكثير من الناس توصل لقلوب ناس كثيره جدا وتقنع ناس كثيره انها تتغير وهذا كان بيجعل حقد ناس يوصل للتهديد لو مسكتش احنا هنعرف نسكتك ازاي كنت بكون مطمن لان يقيني بالله بيقولي هتوصل للناس اكثر وتقنع ناس اكثر كل مالاقي الصفحه بتنتشر والناس بتعرفنا اكثر كل مابشكر الله ع هذه النعمه هذا بيذيدني يقين بفضل الله وربنا اعلم بالخير اللي جوانا ونحن عندنا ذنوب فبنجتهد السعي للخير ونغير نفسنا وغيرنا وهذا اللي اتعلمتوه ناس كثيره اتغيرت واصبحت سبب سعاده لناس كثيره جدا لذلك بقول لكل واحد غير من حياته واصبح قدوه كمل في طريقك وتواضع والناس تشوفك تتفائل بيك 
وبقول لكل واحد بيشوف الفيديو اخلص النيه لله انا قبل ماطلع الفيديو بقعد اذاكر لان في اشياء علميه اقولها لواحد تحبطه وممكن الف لفه تانيه اوصله المعلومه بشكل يسعده وتعطيه تفاؤل ولذلك كل هذا من توفيق ربنا عشان كان وسيظل عندي يقين بالله ان الله هيكرمنا ونساعد ناس كثيره مثل ماربنا ساعدنا وكان بيفتح لنا ابواب كثيره
مره كان عندي وجع في ضرسي وكان عندي ندوه ونزلت وكان المفروض ضرسي هادي ومره واحده وجعني وانا رايح الندوه مش قادر طب مفروض اخذ المسكن واكل اي حاجه والعيش الابيض معدتش باكله نهائي لانه بيتعبلي معدتي طب اعمل ايه ؟؟اروح المحل ده واسأل ع عيش بلدي فوجدتهم معلقين ورقه ان يوجد ساندوتشات عيش بلدي قولت سبحان الله كان الجمعه الصباح ومفيش محلات فاتحه الا ده والورقه اللي معلقها جديده واكلت واخذت المسكن وعملت الندوه والناس اتغيرت بشكل كبير جدا ربنا هيعينك ويغيرك وتجد حياتك بتختلف بشكل كبير جدا كنت حابب اسجل الحلقه بالموبايل مش بالكاميرا عشان افرجيكم اد ايه الواحد تغير بشكل كبير جدا جدا والحمد لله صفحتنا منتشره في كل مكان بالبيت لو احنا في قلبك دوس لايك وقولنا انت اتغيرت ولا لسه
تعديل المشاركة ردود اللأفعال:
كلمة السر التى جعلتنى استمر في تغير نفسي وكل من حولى

لو نفسك تخس

مساحة إعلانية
مساحة إعلانية
مساحة إعلانية
التعليقات
    مساحة إعلانية
    ليست هناك تعليقات
    إرسال تعليق

    إرسال تعليق

    نموذج الاتصال
    الاسمبريد إلكترونيرسالة