لماذا يجب عليك الاشتراك في المسابقة القادمة؟؟!! شاهد الفيديو
لماذا يجب عليك الاشتراك في المسابقة القادمة؟؟!!
وفات ال 28 يوم ونسفنا الدهون 💪
فات 28 يوم بسرعة وزي ما قلتلك في اول يوم ان ال 28 يوم هيفوتو عليك كدا كدا 🤷♀
الشاطر هو اللي هيستفيد بالايام دي واللي مش شاطر هو اللي هيفضل قاعد حاطط ايدو على خدو ومبيعملش اي حاجة
علشان كدا هنيئا لكل الناس اللي التزمت واستفادت بال 28 يوم
هنيئا لكل الناس اللي اتشجعت واتغيرت
ولكن الناس اللي ما استفادتش بال 28 يوم
ف اهلا بيهم في رحلة جديده هتبدأ يوم السبت
ولكن للاسف بئا فات عليك مسابقة ال 28 يوم كانت فرصة متتعوضش
ولكن الفرص اللي جيا كثيرة ممكن تبدأ مع رحلتنا القادمه اللي مدتها 14 يوم واللي هتبتدي معانا من يوم السبت
فكن من اول الحاضرين معانا فالمسابقة واتفرج كل يوم ع الرسالة التشجيعية اللي كل يوم بنطلع ونقولك اتشجع وكمل حياتك و كمان بنقولك معلومة
فات ال 28 يوم فات اجمل 28 يوم ممكن تمر عليك في حياتك وهي ايام التغير
اييييييييوة 😄
ايام التغيير اللي بتكون ايام جميلة جدا ع حياتك
اللي بيشوف ان ايام التغير دي انها ايام كئيبه يبئا غلطان ايام التغير هي رحلة التغير رحلة الخروج من شئ مؤذي كنت بتأذي بيه نفسك من ايام كنت بتحس بالمرض والكسل لأيام بتحس جواك بفرحة هتغيرلك حياتك 180 درجة
وزي ما كنت بقولك ان رحلة التغير اجمل من التغير نفسة علشان كدا انا بقولك كمل واشترك في المسابقة دي ويليها مسابقة في رمضان وبعديها فشعبان
وخصوصا في رمضان انا هراهنك انك هتتغير فيه جامد والصيام هيفرق معاك بشكل كبير جدا لان ربنا جعل لنا شهر رمضان شهر فالسنة بنصوم فيه
التغير سهل وهيفرق معاك كتير انا لما كنت بفتكر ايام التخن وايام الاذى لنفسي كانت ايام سيئة جدا كانت لما الضغط بيعلى عليا بحس بنااااار 🔥 في دماغي
لسة بفتكر الايام دي مع مراتي وهي بتقوللي فاكر لما كنت بتعد تقولي انا حاسس ان انا كويس الضغط راح مني وشوية تقولي الضغط رجع تاني 🤕 واقعد اصرخ والله كنت بحس ان في نار من خلف رأسي لحد جبيني بتجري فدماغي كدا واحس كأن في مية بتغلي فدماغي وكنت بحس بقيمة الصحة فعلا لما كان بيغيب عني الالم دا شوية علشان كدا بقوللك حاول تغير من نفسك قبل فوات الاوان وبطل دلع
كرشي اللي كان اد كدا اللي كان واجعلي ضهري
انا ماكنتش بمشي بالظبط 100 متر على بعض والله العظيم 🙂 لو مشيت 100 متر كنت بحس اني عملت انجاز 🕺كنت بجد كأني عندي 70 او 80 سنة كأني واحد في نهاية عمرة خلاص علشان كدا بقولك غير من نفسك قبل ما تجبر نفسك ان انت تتغير
واحد في اوائل التلاتينات وبيتسند على حاجات فالشارع علشان عندو خشونة فالركبة ومش قادر تتحرك
انت مستني ايه عشان تتغير !!
مستني تتعب !!
مستني تحصلك حاجة بعد كدا تفكر !!
مستني تعمل ايه !!
اصل انت بتتدلع دلوقت وبتقول لنفسك اصل انا مش قادر التزم بشوية اكل قليلين دا الوهم اللي انت حاطو فدماغك ناس كتير عندها وهم في دماغهم والله العظيم
والوهم دا مسيطر عليهم عندهم وهم ان الاكل قدامهم لازم يكون بكميات كبيرة
حلة المحشي اللي لازم تخلص 😋
مش لازم تخلص ع فكرة 🙄 10 صوابع دا كفاية اوي تبوس ايدك
لكن احنا للأسف بنوهم نفسنا بالاكل الكتير ان احنا لازم ناكل اكل كتييير عشان نشبع 😬
لما تدخل بقا فرحلة التغير وتلاقي ان دا كان كلة وهم وتلاقي نفسك بتشبع من نص رغيف بلدي يمكن في ناس دلوقتي تقولك نص رغيف بلدي كتير رغيف التوست كتير 😳 لا دنا بقيت اشبع من اقل اكل 😱
علشان تعرف ان انت كنت بتوهم نفسك بحاجات كتيير جدا غلط
بتوهم نفسك ان الاكل متعة
بتوهم نفسك ان الرجيم او النظام الصحي
او فترة التغير دي فترة مملة او ان الريجيم دا عبارة عن عذاب او حاجة مؤلمة لكن بقا ان فترة التغير فترة ممتعة ان فترة التغير حاجة كدا فانتاستك لانك بتصلح حاجات كتير في حياتك كنت فاكرها صح
ناس كتير اسالهم وشوفهم ارجع لفديوهات القناه كدا واتفرج ع الناس اللي اتغيرت حياتهم اصبحوا عاملين ازاي 😍😍
شوف ازاي التغير اثر عليهم و ع نفسيتهم
نفسيتهم اصبحت مرتاحة بشكل كبير
الناس دي بقت مبدعة في حاجات كتير
اتفرج على الناس اللي بتعك وبتلخبط
بيستمتع شوية بالاكل اللي هو فاكرة حاجة حلوة ♥
وبعد شوية بيعيش في مأساه
هو شايف انه بيعذب نفسه بالرجيم
صدقني !! لو انت مشيت صح على رحلة التغير هتلاقي انها رحلة ممتعة وبعد الرحلة دي هتلاقي ان الاكل اصبح اكثر امتاعا
يعني قبل كدا كنت بتاكل وخلاص يعني ممكن تكون بتتفرج على فيلم فتفضل تاكل طول ما الفيلم شغال انما دلوقتي ممكن تاكل قدر استطاعتك وتبطل اكل
وتكمل بقيت الفرجة ع الفيلم عادي خالص
احنا يجماعة كنا ماشين غلط وعشان نغير عادتنا وسلوكياتنا دي محتاجين نتكلم مع نفسنا ونقنعها
الموضوع مش سهل ومش صعب ... الموضوع بين البينين الموضوع عادي حاجة عادية خالص حاجة انت بتغير سلوكك سلوك خاطئ كنت بتتعامل بيه مع نفسك وابتديت ان انت تغيرة هتلاقي الجسم بيقاومك شوية هتلاقي نفسك بتقاومك شوية ولكن مع الوقت هتكتشف عادات جيدة جديدة هتفرق معاك
نظرتك للطعام هتفرق
نظرتك للحياه هتفرق
كل حاجة هتفرق معاك
عشان كدا نصيحتي لكل واحد بيتابعنا
*غير حياتك ..غير حياتك واتشجع بينا ✌🏻 اتشجع بالناس اللي اتغيرت واللي بتحاول تشجعك اتشجع بينا عشان احنا بنحبك من قلبنا ♥ ونفسنا ان انت تتغير ومتجيش ف يوم من الايام تتوجع لأنك لما تتوجع بجد هتفتكرنا وهتفتكر ان كل كلمة انا قلتها ف الفيديو ده كانت بجد مش مجرد افورة*