recent
أخبار ساخنة

وزنى ثابت ليه؟؟!!!بس مقاساتى بتتغير

وزنى ثابتوزنى ثابت ليه؟؟!!!بس مقاساتى بتتغير 

وزني ثابت 

اهلا بيكم وتحدي جديد تحدي سعيد ان شاء الله *تحدي جديد ورشاقة اكيد* دا عنوان مسابقتنا ورحلتنا الجديدة اللي مدتها 14 يوم 
14 يوم ممكن يكونوا فالوقت قليلين لكن النتيجة ان شاء الله هتكون رائعة وهتشوف دا على نفسك
النهاردة اليوم الاول اتمنى من كل الناس انها تلتزم عشان توصل لهدفها 
مع بداية كل مسابقة يظهرلك ناس تقولك وزني ثابت اعمل ايه !؟ 
باسم الله توكلنا على الله ولا حول ولا قوة الى بالله لازم نتوكل على الله عشان دا اهم ما فالموضوع 
لازم اول حاجة تتوكل على الله وتخلص النية انك عايز تخس وتحافظ ع النعمة اللي ربنا اعطاهالك لأن بجد ممكن يجي وقت وتندم على انك اهملت النعمة دي اوي وان انت كنت فاكر ان الاكل دا حاجة عظيمة والكلام اللي بنضحك بيه على نفسنا ويطلع فالاخر احنا غلطانين عشان ربنا قال 
" وكلوا واشربوا ولا تسرفوا ان الله لا يحب المسرفين " فأحنا ان شاء الله هناكل وهشرب لكن مش هنسرف علشان نتصالح مع انفسنا ونرجع لحياتنا الطبيعية اللي هننعم فيها بالصحة والسعادة
طبعا في بداية كل مسابقة في ناس كتير بتشتكي من ثبات الوزن و بالذات الناس اللي بتكون اوزانها نزلت تحت ال 80 بيشتكو من ثبات الوزن اللي بيستمر معاهم لفترة
لكن بتسألهم 
- هل في تغيير فالشكل !؟ 
= احنا خسينا كتير من 120 مثلا او 130 لكن لما وصلنا لل80 مش عارفين نخس اكتر من كدا على الميزان
- طب والمقاس !؟ 
= لا من اول يوم وانا الجسم بتاعي بينزل مقاسات 
- يعني المقاسات شغالة معاك حلو !؟ 
= ايوة 
- طب ايه المشكلة بقا !؟
= لا منا عايز اخس ع الميزان كمان حضرتك انا كان مقاسي 5X لارج دلوقتي لارج 
- طب هسألك سؤال حضرتك لما بتدخل محل بتقولة عايز تيشيرت لوزن 73 كيلو ولا عايز مقاس لارج 
= مقاس لارج
- بس يبقى اذا خلي التعامل معاك بالمقاس لما بتعمل search ع الانترنت وتكتب كلمت دايت مثلا بتلاقي ناس كتير ماسكة تفاحة كدا والمقاس اللي هي المازورة بتاع الترزي 
الناس دي بتستخدم المزورة دي عشان تشوف الجسم خس اد ايه من البطن او الرجل كدا فأنت لازم برضو تغير ثقافتك 
واحنا اتكلمنا في الموضوع دا كتير لكن لسة برضو ناس متربسة دماغها ومركزة مع الميزان
طيب احنا عايزين نغير من ثقافتنا دي 
حضرتك لازم تعرف حاجة مهمة اوي الاكل اللي انت بتاكلة دا مش الاكل دا عناصر غذائية يعني فيه بروتين 
وفيه كاربوهايدريت 
وفيه دهون 
وفيه مية
صح كدا !!! 
طب ما انت جسمك برضو مكون برضو من عناصر غذائبة 
بروتين 
ودهون 
واملاح ومعادن 
ومية طبعا 
طيب انت جسمك دا بيلاقي نفسة لما بتمشي على نظام غذائي متزن بتاخد كميات بروتين وكميات كارب يبتدي يأثر ع الجسم فيبتدي يعمل اتزان تاني جوا الجسم 
ودا اللي احنا اتكلمنا عنه كتير 
ان احنا بناكل على سبيل المثال عيش كتير 
العيش دا عبارة عن كارب الكاربوهيدريت دا بيدي طاقة للجسم والجسم بيبدأ يخزنها فصورة دهون حضرتك بتاكل دهون زيادة
فبالتالي احنا عندنا مشكلة في كمية الاكل اللي داخل جسمنا وبالتالي لما ناكل اكل متزن من خلال نظام غذائي صحي بيبتدي ينعكس دا على جسمنا 
وهتلاقي عندنا فصور الناس اللي خست هتلاقي مثلا واحدة منزلة صورتها وزنها 90 كيلو لكن تحس ان الجسم بتاعها رشيق 
ازاي دا !!! 
لان هي هتلاقي مثلا خست 30 كيلو ع الميزان
لكن هي ممكن فالحقيقة تكون خست 50 كيلو دهون وزادت 20 كيلو مية وعضلات فهتلاقي الجسم بتاعها اتغير 
طب ايه الفرق بين الدهون والعضلات والمية !؟
دي فرق كثافات 
واللي يعرف يعني ايه كثافة يعني كدا بالبلدي حجم كيلو دهون اد كدا ⬜ وحجم كيلو العضلات اد كدا ◻ فأنا نزلت كيلو دهون ولقيت عندي عضلات بتزيد فبيبتدي يحصل ثبات الوزن دا فالاوقات الاخيره فتلاقي انك لو نزلت نص كيلو دهون وزدت نص كيلو عضلات هتلاقي الشكل فرق
لأنك شلت حاجة حجمها كبير من الجسم وحطيت مكانها حاجة حجمها صغير فبالتالي هتلاقي المقاس فرق والشكل فرق 
عشان كدا انا بقولك ما تيأسش وانا بتكلم ع حالة معينة وهي تغيير المقاس في ثبات الوزن
انا نصيحتي ليك انك ماتستخدمش الميزان دا خلاص طلاما اطمنت انك بتخس م الاول سيبه اركنة ع جمب وركز في المقاس لحد ما توصل للشكل المثالي 
- لا منا طولي 170 لازم يبقى وزني 70 
= يا عم دا مش كلام مظبوط مش كلام علمي .... انت شكلك حلو !؟ 
- اه شكلي حلو 
= ثبت ع كدا 
عشان كدا بعض الشركات بدأت تصنع الموازين اللي بتحدد عناصر الجسم 
فكرة الميزان دا ببساطة شديدة انو بيمرر تيار كهربي بسيط جدا جوا الجسم ونتيجة ان الجسم بتاعك مكون من عناصر كتير يبتدي التيار دا يتحرك بسرعات مختلفة نتيجة المقاومة من كل عنصر لآخر يعني التيار لما يمشي فالدهون يديلو feedback يعني مثلا لا دا كدا عندو دهون اد كذا وبالتالي يطلعلك تقرر لحد ما دقيق شوية وخصوصا مع الاجهزة المتطورة 
طبعا الميزان دا عشان تستخدمو بشكل صحيح لازم تبقى على معدة فاضية علشان الموضوع يكون اكثر دقة يعني
انا كنت فاكر الميزان دا يعمللو كدا 7 او 8 الاف طلع معدي ال 50000 جنية يعني 
لو معندكش القدرة انك تروح توزن علية *هو ب60 تقريبا لو وزنت مرة واحدة* تقدر تستخدم المقاسات 
مالها المقاسات !؟ 
حضرتك عندك فالبيت هدوم البيت وسعت عليكي 👏👏يبئا انتي بتخسي والله وحياة ربنا خلاااص 
- طيب حضرتك دلوقتي الميزان ثابت والمقاسات ثابتة 
= طيب خسيتي اد ايه !؟
- خسيت كتير جدا 
= خلاص يبقى هو دا الوزن المثالي ثبتي على كدا 
- طب في حتة ديفوه 
= اعملي شوية رياضة هتلاقي الدنيا ضبطت منك لكن يا جماعة ما تيأسوش جسمك كل يوم بيتخلص من الدهون طول ما انت ملتزم 
السلام عليكم ورحمة الله تعالى وبركاتة
google-playkhamsatmostaqltradent