نظام إنقاص الوزن "العائدون للحياة" وزن من 80 كيلو وحتى 200 كيلو

السر الذي سيجعلك تصل الي هدفك مهما كان صعباً

كلمة السر للوصول لهدفك

عن رسول الله صل الله عليه وسلم ان الله جل وعلى يقول" انا عند ظن عبدي بي ان ظن خيرا فله وان ظن شرا فله "

بنشكر اليوتيوب ع اهداؤه لنا الدرع الفضي للقناة اللي بجد كانت سبب وصول ناس كثيره لنا وحققت هدفها من خلال قناتنا ع اليوتيوب لونفسك تخس وبنشكر اليوتيوب ع الدعم المعنوي لنا بالدرع الفضي وبنشكر كل واحد بينتظر الرساله الصباحيه بيكتب كومنت وتعليق يقول لنا فيه اننا بندعمكم وده بيجعلنا نستمر والرساله الصباحيه الواجب اليومي حتى لو انا مريض بطلع برده واقولك الرساله الصباحيه وبقولك اتشجع وكمل الرساله اللي ناس كثيره بتعتبرها الاكسجين او الدافع او الباور او قوى اليوم اللي بندفعك لتوصل لهدفك وشكرا لاعضاء الحريصين ع انهم يردوا علينا كل صباح وناس كثيره بتشوف الرساله ومش بتعلق ولا بتتفاعل 

اليوم بيمر عشرة ايام من مسابقتنا ال28يوم هتنسف الدهون لو التزمت فيهم هتغير حياتك بالكامل واي نتيجه خلال هذه الفتره المتبقيه هتكون مكسب لك ومثل ماقولت ان التزامك هو سر نجاحك 

اليوم في رسالتنا هنتكلم عن الوهم الايجابي والسلبي 

الوهم الابجابي اللي بيكون عندك حسن الظن بالله لازم يكون عندك حسن ظن بالله وبمجرد ان يكون عندك يقين بربنا مش هيضيعلك تعبك ابد عملت لنفسك خير هتلاقيه ع طول ولازم تعرف ان كثير من الناس اللي وصلت لهدفها كان عندها يقين بالله 

انا لما بدأت اساعد الناس انا انسان لا املك امكانيات لاماديه ولا علميه كل ما املك صورتي قبل وبعد الناس في الايفينت بتسألني الفكره جاتلك منين فكرة تغيير الناس قولتلهم انا كان تخني مميز شوي شكلي كان غربب ولما خسيت كنت شخص واصبحت شخص اخر ومن اقاربي يقابلني بالشارع ميعرفنيش لما اوقفه اقوله انت مش عارفني يقولي مين مصطفى فبدأت التغيير ده استغله بالخير في مواهب ونعم كثيره الله بيعطيهالك وتلاقي ممكن تستغلها بالخير ده لما لقيت الناس بتتشجع بصورة  قبل وبعد بدأت اشجع الناس وبدأت الناس تضحك وتقول هل هتقدر تساعد الناس وانت معندكش امكانيات  كان همي اني اعمل الخير واساعد حتى لو شخصين او ثلاثه وربنا فتح علينا بحسن الظن بالله ومع انتهاء السنه الرابعه صفحتنا هتتجاوز اكثر من 2مليون متابع دول اللي عاملين لايك واكثر منهم بيتابعوا من غير مايعملوا لايك وكثير من 160000مشترك ع قناتنا ع اليوتيوب والانستجرام تخطى 30000متابع لذلك خلي عندك حسن الظن بالله اوعى تكون حاسس انك مش هتقدر تغير نفسك دا انت بامكانيات بسيطه جدا ممكن تغير العالم كله اوعى تفتكر اني املك من المال الكثير ربنا بيعطيك ع اد نيتك لذلك كل ما حدا يقول لي ربنا يديلك ع اد نيتك سبحان الله ربنا بيرزقنا اكثر واكثر ولذلك لازم يكون عندك حسن الظن بالله هيفرق معاك كثير جدا جدا 

الوهم السلبي او السيء او سوء الظن بالله انك مش هتخس مش هتنجح مش هتوصل لهدفك ان انا ضعيف الاراده تلاقي نفسك بيحصلك كده خلي دائما ربنا بيوصلك لهدفك طالما انك بتجتهد ماينفعش انك متذاكرش وتقول هدخل الاختبار وهنجح وربنا هيوقفلك ولاد الحلال علشان كده بقولك لازم تحسن الظن بالله وفي نكته كده واحد كان عنده عربيه سيات والناس عماله تقول له عربيتك صغيره ياعم ماتجيب عربيه كبيره شوي فالراجل نزل اعلان عشان يبيع عربيته السيات محدش اشتراها فصاحبه قال له وليه تكتب سيات اكتب عربيه مرسيدس للبيع هتلاقي كثيرون هيشتروها فكتب الاعلان عربيه مرسيدس للبيع فقابله بعدها بفتره صديقه اللي شار عليه يكتب عربيه مرسيدس قاله هو انت لسه مابعتش العربيه رد عليه قاله هو في حد يبئا عنده عربيه مرسيدس ويبيعها😂😂

هو ده بالظبط الناس وهمته ان العربيه صغيره وهو وهم نفسه انه عنده مرسيدس واصبح مبسوط بيها 

بلاش تعطي اهميه للناس اللي بتبيع الوهم ليك اللي هو بيضحكوا عليك واشهرهم اعلان لو شاطر كل اعلان منتشر ان الاعلان ده بيلعب ع النفسيه اتوهمت واصبحت تاكل خير وبركه متوهمتش اديك خلاص اشتريت ومش هتكرره تاني لازم تعرف انك جواك الاراده انك تتغير وانك جواك الاراده انك تعمل كل شيء ولكن يجب ان يكون عندك حسن الظن بالله