هل هتخاف تقول للناس انك بتعمل رجيم؟؟؟
هل هتخاف تقول؟
كثير مننا بيخاف يقول للي حواليه انه عامل رجيم يا إما خايف من الحسد او من الفشل ويقال له الجمله الشهيره مانت كل مره تعمل رجيم وتفشل
النهارده هيفوت اليوم الثاني من رحلتنا تحدي جديد ورشاقه اكيد الرحله اللي مدتها 14يوم فات منهم يومين ويتبقى 12يوم بالصحه والسعاده واقولك كمل واستمر عشان توصل لهدفك اللي بتبحث عنه من زمان وهتحولك حياتك 180 درجه يعني حياتك البائسه اليائسه اللي كنت حاسس ان انت بتموت بالحياه او مش عايش في الدنيا هترجع للحياة وبنفسك شوف التجارب والانجازات واتفرج ع القناة فيديوهات لناس كثيره غيرت من حياتها وشوف كلامهم اتبدل ازاي من اليأس للأمل وازاي اتغيروا وحياتهم اتغيرت حتى لو كانوا شايفين ان الاكل متعه وصدقني مع نهاية الرحله هتحس بتغيير كبير مش بس في شكلك او ميزانك او مقاسك ولكن هتلاقي بجد تغيير كبير في فكرك وطريقتك في التعامل مع الطعام والناس دي بيكونوا محتاجين دفعه صغيره تعطيهم الزتونه ويتحركوا عارف الناس دي الناس اللي هما شطار مع نفسهم لكن مكسل يتغير مكسل يتشجع مكسل يتفرج ع فيديو او يبدأ لذلك بقولك بمجرد انك شوفتنا واخذت النظام عندك فرصه عظيمه انك تتغير متل ملايين اتغيروا في كل بقاع الارض مش بس في مصر ولكن في كل بقاع الارض الناس بتتغير بكل امكانيتها الغني والفقير كله بيتغير لان الموضوع بسيط ومش محتاج اي تكاليف لذلك نحن من نجاح لنجاح وناس من كل بلدان العالم بترسلنا وتشكرنا ع انهم بيتشجعوا بينا بشكر كل واحد بيتشجع برسائلنا الصباحيه ويكتبلنا كومنت ودائما نشجع بعض ومستمرين بالخير ناس كثيره بتكون خايفه تقول للي حواليها انها بتعمل رجيم وبتتعرض لمواقف بايخه كثير ممكن يكون معزوم ويوضع امامه فراخ مقليه وهو اصلا مش عنده بالنظام وبالتالي ياكل سلطه ويجوع نفسه ويدخل في دوامه او ياكل ويعك ويندم ويقول لنفسه انا كلت ليه يا اما يقول بطني وجعاني واسلم طريق هو الصدق انك تكةن صادق مع نفسك ومع اللي حواليك وتقولهم انك بتتغير عادي خالص لو في دماعك تفشل هتفشل يعني لو انا نازل وفي دماغي انسى شيء مهم اليوم فهنسى شيء مهم بالفعل لذلك بقولك لو عندك يقين بالله وتوكلت على الله حق توكله وان انت عاوز تتغير ربنا هيهيأ لك الظروف وهتلاقي كل الناس وطنط اللي بتعمل الحلويات وانا بحبهم تروح تلاقيها تقولك ع فكره انا بعمل رجيم والحياه اتغيرت وممكن تلاقيها بتتابع معنا ع الصفحه وتلاقي بيتفتحلك كل الابواب المغلقه لذلك بدعو كل واحد انت بجد متتكسفش
في ناس بتحاول تحبطنا فإحنا احبطنا الاحباط نفسه لان ربنا معانا لازم تعرف لما يكون عندك يقين انك هتنجح ربنا بيكرمك ويوسع عليك بشكل لاتتخيله لما بيكون عندك ثقه بالله ان الله هيكرمك وانك بتبذل مجهود عشان تتغير ربنا مش هيضيع تعبك ابد نصيحتي لكل واحد بيعمل رجيم متخبيش انا لما كنت في رحلة التغيير وحد يجيب لي عصير مانجو اقوله معلش عامل رجيم يقول رجيم مين انت جسمك حلو وانا اساسا مش شايف الشخص اللي امامي من كرشي الكوتشي مبعرفش اوطي عشان البسه لذلك بقولك هتقابل محبطين وناس هتحاول توقفك وريني كده الرجيم بتاعك ده رجيم كيميائي
يعني حضرتك عارف يعني ايه رجيم كيميائي ؟؟!!في عيش ورز ومكرونه اه يبئا رجيم كربوهيدراتي عمال يدخلك في حوارات وعاوز يوصلك انك ماشي غلط لما تكون واثق انك هتوصل
هتوصل في اسرع وقت يعني اللي بيسأل هخس اد ايه بالمسابقه ؟؟إلتزم وهتخس الجسم هو اللي بيحدد كل واحد وبيحددله جسمه والحرق بتاعه ومخزون دهونه والتزامه في ناس بتلعب رياضه اكثر ناس تصحى بدري تزود حرقها ناس تفطر بدري وتشرب مياه كتير تزود حرقها ملتزمه بالاسناكس والخضار فتظبط نفسها ناس بتبدع وتاكل الاكل اللي بالنظام وتحصل ع نتيجه افضل لانها اكلت كل اللي في النظام لانك لو اكلت كل اللي في النظام هتحصل ع نتيجه ولا أروع لذلك بقولك اوعى تخاف من حدا طالما ربنا معاك استمر وهتوصل لهدفك