ليه خسيت ٣ كيلو فى يوم واحد وكيف فعلت ذلك ولماذا
ليه خسيت ٣ كيلو فى يوم واحد
طبعا بشكر كل الناس اللي بتعتبرنا عائلتها أن احنا أهلهم واسرتهم بجد بشكر كل الناس اللي مبتعتبرناش أن احنا مجرد مصلحة بياخدوا منها اللي هما عاوزينو وجروا بشكر كل الناس اللي بتدعمنا بلايك و كومنت ودايما بتصبح علينا ودايما بيجروا وبتصارعوا كدا عشان يكونوا اول تعليق
ولكن في بعض الناس مش بتعتبرنا أهلهم أنجز يا عم ولخص ادينا المفيد عايزين ننجز ونخس الناس دي مش هتحس بالتغيير لأن التغيير تغيير فالنفس قبل مايكون في نظام وأكل صحي وأي حاجة أن انت ازاى تهذب نفسك وأي حد بيتكلم بأسلوب غير لائق احنا بنقوللك تعالى عشان تحب نفسك لازم الأول تتصالح مع نفسك مينفعش أن انت تعاملنا كدا أحنا مش زعلانين علفكرة ولكن احنا بنقول الكلام دا عشانك انت تتغير نفسي اللي بتشوفنا مجرد مصلحة الدعم مش في نظام بس الدعم دعم نفسي ناس كتير بتعتبر الرساله الصباحية الاكسجين بتاعها وناس بتستعجب أن في ناس بتقول كدا وبعد ما يتابعنا شوية بشوية بتلاقي أن فعلا الرسالة دي بتكون مصدر تغيير كبير لناس كتير جدا
علشان كده بقولك ركز اوى واعتبرنا أسرتك وبيتك واتطمنلنا عشان خاطر دا هيساعدك بشكل كبير أن انت تتغير
- طب ليه كل المقدمة الطويلة دي!؟
= عشان للأسف في بعض الناس مش بتصبر بتسمع من هنا ومن هنا ومن هنا وبتبقي مشتتة مبتعرفش تتغير يعني مابيبقاش عندو حته أن انا أثق فالناس دي انا عايز أنجز واخلص
تلاقي يسمع واحد يقولو هتخس 3 كيلو فاليوم فيجري عليه جرى
- 3 كيلو فاليوم يعني فالاسبوع 21 كيلو دا جميل أوي 😄 يعني خلال عشر أسابيع هخس 210 كيلو الحمد لله
= وهو أساسا وزنه 100 كيلو يعني هيبقى (110-) كيلو اللي هو أي كلام فالبتنجان فتلاقي الشخص دا اصلا اللي هو بيبتدي انه يستقبل كل حاجة بتشجعه حتى لو حاجة مينفعش حاجة المخ نفسه مابيستقبلهاش وبيقعد يضحك على نفسه والآخر مبيوصلش ويقعد بالسنين ومبيخسش مع انة بيبقي لسه ماشي ع الوصفة السحرية اللي هتخسسه وتقضي ع الدهون تماما وأي دهون فالبيت وأي دهون فالناس اللي حواليك واللي يتشددولك ويصدق وتلاقي نفسة يوم ورا يوم بيضعف ووزنة بيزيد لانة فعلا محبش نفسة ومعتبرناش جزء من حياته وان التغير بينبع من الداخل الأول فكر انت وشوف بعقلك وشوف هل الناس دي صادقين ولا بيضحكوا عليك
- طب هل ممكن نخس 3 كيلو فيوم أصل انا سمعت ان في وصفة بتخسس 3 كيلو فاليوم
= الحقيقة الموقف دا حصلي انا شخصيا انا بعد التثبيت وزنى بيتراوح بين آل 74 وال 75 فيوم طلعت على الميزان لقيته 77 ونص وانا بعد التثبيت بوزن مرتين فاليوم
- مرتين!! دا انت بتقوللنا نبعد عن الميزان خالص
= الفكرة أن قبل التثبيت حاجة وبعدة حاجة خالص
قبل التثبيت الميزان بيبقي وسيلة إحباط لكن بعد التثبيت الميزان بيكون مقياس ليك أن انت فعلا ملتزم ولا لا لأن خلال رحلة التغيير بيكون في تغير بقا بناء عضلات ودهون بتقع فبالتالي هتلاقي الميزان مصدر إحباط لكن بعد التغيير انت أي زيادة ع الميزان خطيرة والحقيقة كانت الزيادة الموجودة دي مية انا كل اللي عملتة اني أكلت حاجة فيها أملاح زيادة فزودتلي نسبة المية فالجسم لقيت عندي اكتر من 2 ونص كيلو ميه تقريبا زادوا فجسمي والدليل أن انا فيوم واحد بس ظبطت اكلي
أكلت الصبح ببضتين وكوباية حليب ورحت وأكل البروتين بتاعي وطول اليوم كنت بشرب ميه بس لمدة يوم راح الميزان رجع تاني
- طب انا لو كملت على كدا هخس اكتر من كدا!؟
= لا دا انت لو كملت على كدا شعرك هيقع وجسمك هيبوظ خالص ماينفعش تكمل على كدا يعني ماينفعش تكون اصلا خاسس وان انت تقعد تضغط على جسمك عشان تنزل السوائل في كميه ميه المفروض فالجسم ولازم تاخد كميه أملاح معينة ماينفعش أن انت تقطع الملح خالص وماينفعش تزوده
ولكن الفكرة أن في بعض الناس بتقوللك أقسم بالله حصلي طب منا ممكن اطلع اقول أقسم بالله حصلي عشان اضحك ع الناس واجيب عدد مشاهدات وخلاص فطبيعي لو في ميه زيادة فجسمك لو ظبطت الأكل في يوم واحد المية دي هتنزل اكتر من كدا يعني معدل نزولك مايتعداش في الأسبوع 2 كيلو ونص بالكتير مش فاليوم
عشان كدا انا نصيحتي النهاردة لكل واحد بيحاول انة يخلي الناس تشتغلو بلاش تخلى حد يشتغلك ويديك أعشاب ويقولك خدها ع الريق تلاقي نفسك بتاخد الأعشاب من هنا ومعدتك قلبت من هنا وتكرة اليوم اللي فكرت تعمل فيه ريجيم وتدعي ع الناس بتوع الريجيم شوف الناس اللي غيرت حياتها معانا وبقت صحتهم عاملة ازاي شوف التغيير وازاي فكرهم اتغير