الإكتئاب من الرجيم وفرحة التغيير
الإكتئاب من الرجيم
طبعا ناس كتير اوى بتخاف م الريجيم وتقول أصل انا سمعت انه بيجيب اكتئاب ومن كتر ما هما معتقدين أن الريجيم بيعمل اكتئاب فتلاقيهم جالهم شعور الاكتئاب وأول ما يبتدي الرجيم يحس انه مخنوق ومضايق وقرفان ويقولك هو دا الاكتئاب انا مش مبسوط وهرمون السعادة عندي واقع خالص فأنا قررت أن انا ارجع للسعادة تاني واروح أكل شوكولاته اللي فالتلاجة هو أساسا مكانش جي عشان يعمل ريجيم هو كان جي عشان يريح ضميرة شوية وبعد كدا اكيد الشيكولاته اللي هو جابها امبارح دي وهو رايح يعمل رجيم
واحد رايح يعمل رجيم هيجيب شيكولاتة ليه ويحطها فالتلاجة غير عشان هو عاوز يبوظ وتلاقيه بقا راح ياكل عشان الاكتئاب ويدخل في اكتئاب اكتر واكتر لما يصاب بمرض ما بسبب السمنة ويلاقي ان محدش جمبة واي حاجة عايز يعملها بيحتاج ناس يساعدوه والاكتئاب يزيد يوم عن يوم ويتمنى انو يرجع عشان ياخد الفرصة ويرجع تاني يغير حياتة
الاكتئاب فالرجيم ناس كتير بتسمع عن الموضوع دا ورغم كدا هتلاقي عندنا فلو نفسك تخس ناس تقولك *انا كنت مستمتعة جدا خلال رحلة التغيير* او *انا كنت فقمة الانبساط*
تستغرب !! تقول هي الناس دي غريبة عننا !! ازاي قدرتوا تستغنوا عن الاكل !! اكيد انتو متخنتوش من الاكل اكيد الاكل دا كان بالنسبالكم حاجة عادية كدا
اللي عاوز اقولهولك اني كنت واحدومن الناس زيي زيك بالضبط في كل شئ حبي للأكل وادماني للطعام مفيش مطعم مدخلتوش
طب ايه الفرق بيني وبينك
ليه انت بتعمل دايت شوية بعدين تكتئب وتدخل ع التلاجة
هو ممكن يكون عندك ضغط نفسي يعني يكون حد بيضغط عليك عشان تخس ودي اول نقطة
• ان انت لازم تخس لنفسك
لما تخس لنفسك هتراقب نفسك وهتصنع السعادة من جو نفسك ودا الفرق بين واحد مجبر يعني المفروض انت تبتدي تغير من نفسك هتلاقي المواضيع فرقت معاك هتلاقي نفسك بتتغير لنفسك وهتلاقي نفسك سعيدانك ان عمال تشوف نتائج انت مش متخيلها وتقعد تتخيل نفسك هتكون عامل ازاي بعد كدا ودي النقطة التانية
• الاكتئاب بيكون سببه ان كان ليك تجارب فاشلة فالرجيم زمان
انك جربت تخس مع طنط سوسن وتلاقي نفسك مبتعملش حاجة غير انك بتشرب ميه وتاخد شوية اعشاب وبالتالي هتنهار وتقع وتلاقي نفسك فشلت في انظمة فاشلة فتقعد تقيس التجربة دلوقتي بتجارب فشلت زمان
*مهو اصل انا لو خسيت هرجع اتخن تاني* وتبص على تجارب فاشلة حولك بس متشوفش الانجازات اللي غيرت حياتها وفضلت محافظة على نفسها يعني واحد قاعد ياخد السلبيات من الماضي وسلبيات من المستقبل وسايب الايجابيات طبيعي هيكون شخص سلبي لازم تشوف نماذج غيرت حياتها بجد ودا احنا بنوفرهولك على صفحتنا نماذج كتير خست على نظام صحي ناس خست بال 30 واى 40 وفي ناس خست بال 100 كيلو هما مش احسن منك النقطة الثالثة بقا وهي
• تأثير اللي انت كنت بتعمله زمان
الناس سعادتها مختلفة يعني مثلا في ناس سعادتها فاهلها وناس سعادتها فاصحابها وناس سعادتها فالاكل وقيس على دا بقا كل الاكل اللي هما المكلبزين اصل اكيد مفيش حد تخن كدا من الهوا ولكن احنا كنا بنحب الاكل بجميع انواعة يعني مفيش حاجة اسمها السعادة في الشيكولاتة او الشيكولاتة فيها مادة بتخلينا سعداء
انا مثلا مكنتش بحب الشيكولاتة ابدا انا كانت نفسي بتهفهف كدا لما الاقي ريشة ضاني ولا كفتة ولا طرب ريئي يجري عليها
سعادك مش بتبقى مثلا وانت قاعد ع البحر او وانت بتقرأ كتاب لا سعادتك فالاكل ودا ترتب عليه تغيرات فالجسم كتيرة زي معدتك اللي كبرت خلاياك الدهنية توحشت وشهيتك اتفتحت جدا يعني الواحد وصل بيه الحال بأنة ياكل اي حاجة فأي وقت علشان كدا انت فبداية الرجيم هتعاني من بعض الاثار اللي ترتبت على حبك للأكل وانت اللي عليك انك تغير فكرة حبك للأكل انه مش حب حقيقي دا حد بيشتغلنا كمية السكر اللي بتدخل جسمك كانت بتدمرة وبالتالي انت وبالتالي لما انت تيجي تزنقة وتديله السعرات الحرارية المطلوبة يقولك لا ياعم انا عايز ارجع زي الاول
وتلاقي في ضغوط من الجسم فدي ممكن تسببلك بعض الاكتئاب لأنك كنت بتريح نفسك عن طريق الاكل