-->
23395821524787388
recent
أخبار ساخنة

قولت لسيدة لازم تخسي فكادت ان تضربني والطفل الذي أبكاني " مواقف حقيقية"

الخط
قولت لسيدة لازم تخسي فكادت ان تضربني والطفل الذي أبكاني " مواقف حقيقية"
هل ستوافق؟؟

بقولك ايه انا حاسس ان انت اصبحت أوفر خس بئا؟؟
هل تقبل احد ينصحك بهذه الطريقه سواء صاحبك او قريبك ويقولك  اصلك اصبحت شبه فلان هل تقبل النصيحه بهذا الشكل من احد غريب ماشي في الشارع ويقولك لازم تخس تعالوا نشوف تجربتنا في الشارع مع 2ونشوف رد فعلهم 
شاهد الرسالة
كنت عاوز اعمل شيء غريب شوي اني اتكلم مع واحد قلبوظ هل هيحرجنا ويسمعنا كلمتين هل هيجري ورانا بالشومه فهنشوف اي حد معدي م الشارع
التقينا بواحد
🎤 حضرتك وزنك كام؟؟
🎤🎤فوق ال100 بحاجات بسيطه 
🎤فوق ال100بكام مافوق ال100كتير؟؟
🎤🎤يعني بخمسايه ولا عشرايه ن
🎤لو حد قالك خس في الشارع هتزعل منه ؟؟
🎤🎤لامش هزعل عشان بينصحني 
🎤ممكن اتعرف عليك ؟؟
🎤🎤مع حضرتك عمرو يعقوب انا شفت حضرتك في القناه الاولى 
ومعانا لقاء مع شخص اخر
🎙لو حد قابلك في الشارع وقالك خس هل هتخرجه
🎤لامش هحرجه بس دين طبيعة شخصيه عاوز اخس او مش عاوز اخس  
🎙نصيحه كأي نصيحه هل اننا ننمي الثقافه وننصح بعضينا انت شايف انه مبدأ حريه شخصيه لو نصحك بينه وبينك يعني؟؟ 
🎤لو اعرفه مش اي حد ماشي في الشارع اقوله لازم تتغير 
🎙هنحترم رأي حضرتك واللي ماشي هناك ده قال عادي لكن انت قولت مش عادي فهنحترم رغبة حضرتك ونذيع الفيديو ده 
🎤ذيع ياباشا 
🎙شكرا مع السلامه دول اصحابي ع فكره فشوفنا ممكن ناس توافق وناس لأ
مثل ما شوفنا كده عمرو واحمد عمرو تقبل الموضوع واحمد قال حريه شخصيه والمفاجأه اللي انا شايفه ان رأي احمد هو التمام اللي بيعكس رأينا كمعشر مقلبظين ان اللي فينا مكفينا وخصوصا واحد فيه اللي مكفيه انا مريت ب4مواقف حسيت ان ممكن يجرالي حاجه لو منصحتوش يمكن منه الكوميدي والمأساوي 
الاول كنت بالنادي في حمام السباحه مع الاولاد ووجدت ولد عنده 14 او 15 سنه ووزنه كبير معدي 150كيلو ونازل حمام السباحه مع اخوه  واخواته البنات 
هو كان لابس تيشيرت وشورت مش لابس مايوه عشان ميكونش شكله وحش امام الناس وهو قالع هيكوم منظره اوفر اوي فاتكسف المهم الراجل الموجود عند حمام السباحه قاله ممنوع تنزل بالحاجه دي لازم مايوه فاخواته قالوله اطلع بره دلوقتي نبلبط شوي وبعدين نبئا نطلعلك نزلوا وهزروا وهو طلع قعد ع الترابيزه ياكل كيس شيبسي كبير وبياكل ويبصلهم وعيونه غرقانه دموع مش هيحس بالوضع ده الا واحد كان مثله بالظبط انا فضلت واقف ابصله وواقف عمال اتفرج عليه ومش عارف اعمل ايه لو بايدي اخذ الشحص ده واتبناه واغيرله حياته عشان بس اللقطه دي عشان احساسه بالوجع اللي اخواته واقرب الناس ليه محسوش بيه لان هما ماعاشهوش متجيش تنصحني وانت معيشتش التجربه عيش وتعالى قولي انا عشت التجربه بعد كده تعالى انصحني المهم بعد ماطلعنا من حمام السباحه وتصادف اني كنت جالس جوارهم وانا جالس مع زوجتي واولادي فبحكي لزوجتي قالتلي هما جالسين جانبنا ممكن تنصحه او اخوه قولت هو صغير بس هنصح اخوه ندهت ع اخوه فاعتقد اني هبيع له اعشاب او ادويه فلقيته قصر وهات م الاخر قولتله انتم محسيتوش بيه ووجعتوه انا شفت الموقف كله دا شاب صغير لازم تقفوا معاه عشان يتغير كده ممكن يضيع ويصيبه مكروه ونصحته وشكرني وعرفته ع الصفحه وده كان في بدايات الصفحه ع الناحيه الاخرى 3بنات جالسين ومراتي قاعده جنبهم ومش عارفين ان دي زوجتي طبعا مفيش واحده فيهم اعتقدت اني بنصحهم عشان اخوهم لكن اعتقدوا اني عريس وجاي اتقدم لخبطة واحده فيهم هو ده اللي قالوه وزوجتي سمعته قالتلي شوف انت رايح تعمل خير وتنصحهم عشان اخوهم وهما بيفكروا في نفسهم فهو ده الحال والوضع القصه دي بتعكس كل حاجه بحياتنا ان مفيش حد هيحس بيك ويحس بوجعك حتى اللي هينصحك يا اما هيتريق عليك او يعطيك نصيحه وخلاص او انه حتى عاوز يقول جواه انت شايف نفسك قوي في كل حاجه بس انت تخين وعاوز يعيش عليك الدور انه بيحبك بس هو عاوز يجي يوجعك وفي ناس بتحبنا وبتنصحنا بحب مثل ابونا وامنا لكن محدش هيحس بالوجع اللي جوانا 
الثلاث مواقف بسرعه عشان مطولش عليكم 
كان موقف ع النيل ماشيين لقيت واحد مليان جدا جدا ساب المركب وقعد ع النيل كان شاب من احد الدول العربيه عملت نفسي بتكلم في الفون ربنا يسامحني لغاية ماوصلت جنبه وواحد شافني يومها من الصفحه وقالي عملت نفسك بتتكلم في التليفون ايه ده هو انا شكلي كان فضيحه ولا ايه😳
روحت قعدت انصحه وقولتله انا كنت مثلك والله وفرجته صورتي قالي انا حاولت كثير وطبيعة شغلي ع طول قاعد بالمكتب ساعتها قولتله لازم تتغير لانه حاسس انها من انسان مثله بالظبط عشان كده مش اي حد ينصح كده انت لما تغير حياتك هتلاقي الناس هتتقبل منك النصيحه 
الموقف الثالث كان بيفكرني بفيلم المنسي بتاع عادل امام لما زوج اخته جابله عروسه وهو نايم وطلع شاف العروسه معجبتوش فرد فعل العروسه هو ده اللي جرالي لما كنت واقف عند سنترال رمسيس ووجدت واحده صوت النهجان عالي من 5سلالم طالعاهم بصيتلها كده وقولتلها حضرتك محتاجه تخسي بصتلي وكشرت وقالت هو انا تخينه 😡ساعتها لساني اتشل للحظات اقول ايه اه اخد بوكس بوجهي ولو قولت لأه اكوم كذاب طلعت الفون وقولتلها بصي انا كنت اهو هديت مره واحده خالص وكأني متكلمتش وراحت مبتسمالي وقالتلي الدكتور قال لي لازم تخسي لان ركبي مش قادره اقف عليها وصوت نفسي عالي وانا مش عارفه اخس ازاي انت عملت ايه طيب بدأت احكي معها واعرفها ع الصفحه وهكذا معشر المقلبظين تحس انهم طيبين لكن لايتقبلوا ان جدا يقولهم ان انت محتاج تخس بهذا الاسلوب لازم يشوف ان انت واحد منهم عشان يتطمنولك 
الموقف الاخير في مرسى مطروح عيله كامله قاعدين ع الشط مقلبظين عاوز اقولهم صعبانين عليا اقل وزن فيهم 150كيلو وقاعدين يقولوا هناكل ايه استشرت زوجتي اقولهم ولا لأ قالت ممكن تنده ع بباهم الكبير وتقول له وهو ينصحهم كلهم 
قولتله ممكن اقولك شيء بيني وبينك بالسر انا وزني كان زياده وعندي صفحه ع النت اسمها لونفسك تخس وبحاول اساعد الناس فمن باب النصيحه حابب انصحك ومحرج واسف اني بتدخل بشيء خاص بيك وقعدت اتكلم باسلوب مهذب وبتكلم براحه عشان محدش يسمع لقيته بينده ع ولاده وبناته خد يالاااا تعالى عشان معانا دكتور هيخسسك انا
مش دكتور واتكلمت معاهم واتمنى يكونوا خسوا لان ده من السنه اللي فاتت اللي عاوز اوصلهولك من خلال رسالة اليوم ان محدش هيقبل بقال له خس لان الموضوع ببوجع اوي محتاج تسمعها من حد عاش نفس التجربه بتاعتك حد عشان نفس اللي انت عيشته عشان كده متفهم جدا لو شوفتني في الشارع متحرجنيش لاني ساعتها بكون شفت حاجه مبقدرش اسكت عنها
تعديل المشاركة ردود اللأفعال:
قولت لسيدة لازم تخسي فكادت ان تضربني والطفل الذي أبكاني " مواقف حقيقية"

لو نفسك تخس

مساحة إعلانية
مساحة إعلانية
مساحة إعلانية
التعليقات
    مساحة إعلانية
    ليست هناك تعليقات
    إرسال تعليق

    إرسال تعليق

    نموذج الاتصال
    الاسمبريد إلكترونيرسالة