المرارة وزيادة الوزن و البطيخ في الرجيم والجلد الزائد بعد الرجيم و شراهة الطعام وافضل حليب تستخدمه
أهم الاستفسارات
بقولك ايه ياباشمهندس هو ليه ناكل تفاحه لما ممكن ناكل بطيخه دا البطيخ كله مياه
هنرد ع اسئلتكم اللي سألتوها ع المنتدى لتكون مرجع لكم
اول كومنت👈 بيقول ساعات ببدل حليب خالي الدسم بالزبادي خالي الدسم هل يجوز ؟؟
نعم يجوز الفرق بين الزبادي والحليب ان الزبادي به بكتيريا نافعه والافضل طبعا نلتزم بالنظام كما هو
الثاني 👈هل ممكن اخذ البصل والطماطم واشوحهم بملعقة زيت الزيتون واعمل شكشوكه ولا اكل البيض مسلوق؟؟
شاهد الرسالة
انت الك 2طماطم و2بصل مفيش مشكله بالعكس لازم تغير وتنوع بالوصفات وتبدع بالمسموحات
الثالث👈لو الفاكهه فطار او اسناك او عشا واخدتهم بطيخ هل هيأثر ؟؟
هيأثر لو البطيخ عشا هيثبت الوزن لكن فطار او اسناك لو مكتوب فاكهه تقدر تاخد بطيخ الاسناك شريحه او شريحتين 200جرام بطيخ
الرابع👈ليش تجيني لحظه اهجم ع الاكل بدون وعي ؟؟
في فتره عند السيدات فترة البيريود بتسببلهم اضطراب هرمونات ينتج عنه شراهه
والسبب الثاني اضطراب النوم وعدم تحسن المزاج حاول تمسك نفسك وممكن تاخذ قطعة شيكولاته دارك وبلاش تكتر
الخامس👈ليه بناكل شريحه واحده بطيخ ليه مش طبق رغم ان سعراته قليله وكله مياه؟؟
ال100جرام من البطيخ ب30سعر حراري والبطيخه 5كيلو البطيخه م الاول والاخر سعرات حراريه الشريحتين بطيخ 200جرام ب60سعر حراري والتفاحه 70سعر حراري يعني بمعدل ثمره اما لو كترت بطيخ هتكتر سعرات ووزنك هيثبت بل ممكن يزيد
السادس👈هل اذوب العسل بالمياه ام اتناول ملعقة العسل وحدها وبعدين المياه؟؟
براحتك كده او كده صح
السابع 👈هل التفاح والبطيخ بيثبتوا الوزن؟؟
اتكلمنا عن البطيخ اما التفاح كثرته بتعمل امساك وكمان سعرات داخله الجسم
الثامن👈لما بنخس اوي الجلد اللي كان واحنا تخان بيروح فين ؟؟
طب انت لما كنت رفيع وتخنت مسألتش جبنت الجلد منين !!الجلد فيه مرونه بيمط معاك لو تخنت الجلد بيتمدد لما بتخس بيرجع تاني ينكمش بس متى يحدث ترهلات؟؟
لما يحدث عمليات فبيحصل دروب بالوزن لان النزول بيكون مرضي وتجد ترهل في الصدر والبطن والانظمه غير الصحيه بيقفد مياه وبيدلدل متل ورق الجرايد اما النظام الصحي الجلد مثل ماتخن بالراحه بيخس بالراحه وبيفضل الجلد بيتشد وممكن تجد بعض الترهلات الصغيره اوي في المكان اللي كان فيه دهون كثيره متمركزه بس مع الوقت قليل م الرياضه يظبط الامر
التاسع👈هل حبوب منع الحمل بيأثر ع الرجيم؟؟
بعض من انواع هذه حبوب بتسبب احتباس مياه بالجسم بالتالي زيادة الوزن نستشير الطبيب لاختيار نوع اخر آمن من وسائل منع الحمل
العاشر👈في التحدي 14يوم ايام مكتوب عسل ومياه وايام لأه هل اخذ ملعقة العسل ؟؟
لو الفطار فتة عسل بيكون هو ده العسل اللي الك باليوم مش بتاخد ثاني اما لو الفطار جبن اوبيض ومش مكتوب عسل بتاخذ ملعقة العسل ده اساسي
الحادي عشر👈مش بعرف انام بدري لازم اسهر حتى لو كنت صاحيه من نومي الساعه 6الصباح هل بياثر ع الحرق؟؟
في ايه بالقران معناها وجعلنا الليل لباسا وجعلنا النهار معاشا
انت بتخالف الايه وطبيعة وسنة اليوم ربنا اللي خلقنا وعارف طبيعتنا اضطراب الهرمونات نتيجه لخبطة مواعيد النوم هيخليك اول ماتصحى متاخر طبعا مش قادر تاكل وانت سهران يصيبك حاله من الشراهه مش هتتحكم بنفسك بالظبط مثل واحد فاتح محل عاوز يكسب فلوس كثيره اللي بيفتح مبكرا بيستفاد بساعات العمل يبيع كتير واللي بيفتح متاخر هما ساعتين والناس تنام وياعالم هيبيع اد ايه
الثاني عشر👈عدم وجود مراره هل يؤثر ع معدل حرق الدهون بالجسم ؟؟
هذه معلومه طبيه مينفعش اتدخل بالطب لكن اللي اعرفه ان دي المراره مخزن للعصاره الصفراء الكبد بيفرز العصاره وبعد كده بيدفعها للمعده الدكاتره قالوا ان مفيش علاقه بالحرق وشيل المراره غير انك بتاكل بشكل اوفر لكن وجود المراره اتشال واصبح دايركت للمعده والله اعلم بس مش بيأثر ع الحرق بعض الناس بيحصل لهم عسر هضم لانه بياكل دهون وده بياثر ع الحرق
الثالث عشر 👈هل الذره المشوي بيأثر ع الرجيم؟؟
اه بياثر لانه كاربوهيدريت مثل العيش والرز والمعكرونه والشوفان فلازم تعرف انه سعرات حراريه هتخصمه من حصتك للنشويات والافضل تخرجه بره حساباتك وانت خارج باليوم المفتوح تاكلك كوز ذره
الرابع عشر 👈الشيب بتاعي كمثرى ووزني الان 75والمثالي 47 وعندي الدهون ممركزه بالارداف وشويه بطن هل هيكون رفيعه اوي لو وصلت للمثالي ام هيكون عندي مناطق مناطق ؟؟
يوجد نوعين مشهورين من اشكال الجسم التفاحه والكمثرى بعض الناس كان معتقد انه عشان بياكل تفاح اصبح شكله تفاحه وايضا الكمثرى معلومه خطأ
انا كنت تفاحه تخين من فوق ورفيع من تحت وشيب السيدات رفيع من فوق وتخين من تحت اول شيء الجسم بيكونها هي اخر حاجه الجسم بيفقدها الجسم بيخبي الدهون في المنطقه الامان ولو استمريتي هتلاقي الجسم بينزل الدهون الخفيفه وبعد كده يركز ع الدهون اللي تحت مفيش رجيم لمنطقه معينه
بتقولي وزني المثالي 47 عرفتي منين ؟؟انتي بتوصلي لشكل مثالي اللي بتكوني راضيه عنه مش لازم تحددي وزن توصليله حددي شكل
الخامس عشر👈لبن بلدي بغليه واسيبه يبرد يوم كامل بعدين اشيل وشه كله ينفع يستعمل ؟؟
احلا شيء اللي انت عملته افضل من اي لبن (حليب ) ممكن تاخده