-->
23395821524787388
recent
أخبار ساخنة

خسيت ٣٠ كيلو رغم خمول الغدة وانا مريض سكر وخسيت ١٨ كيلو ومريضة قلب تخسر ٢١ كيلو ...هؤلاء هم الابطال

الخط
خسيت ٣٠ كيلو رغم خمول الغدة وانا مريض سكر وخسيت ١٨ كيلو ومريضة قلب تخسر ٢١ كيلو ...هؤلاء هم الابطال
أبطال بجد

النهارده كنت بعمل سيرش ع اللاب توب وبتفرج ع الفيديوهات القديمه شفت فيديو وانا قاعد ع السرير ابني بيصورني والموبايل يقع منه ويطلع تاني ولكن بمجرد شفت بعض اللقطات تذكرت نفسي وفي وشي مرايه الدولاب وكنت اخبط ع كرشي كده وانا قاعد امام المرايه واقول مستحيل ان حياتي تتغير والكرش ده يروح بيوم م الايام انه قدر خلاص قضي الامر هعيش واموت كده كنت بحس اني ضعيف ومش هتقدم خطوه للامام الاحساس ده كان بيحبطني ويخليني اكل تاني واني ماخدش قرار التغيير لكن الحقيقه اكتشفت اني اقوى بكثير من الكلام ده من جسمي اللي زاد والدنيا فرطت مني ومش عارف المها ان ارادتي والتزامي كان اقوى بكثير من اي كلام واحباط بحبطه لنفسي عشان كده بقول لكل واحد فيكم حاسس انه اوفر ومستحيل يتغير وانه يوصل في وقت من الاوقات للوزن المثالي احب اقوله الموضوع بسيط لانك ولله الحمد لسه واقف ع رجليك ومفيش اي حاجه حصلتلك اه ممكن يكون وزنك زياده لكن هتلاقي تقدر تغير حياتك بسهوله وخصوصا لما تشوف حلقة اليوم وان عندنا ابطال كانوا بيعانوا من امراض ورغم كده غيروا من حياتهم 
النهارده مش هنتكلم عن ناس صحيحة البدن كل همها تاكل ولما اكلت تخنت وبدأت تيأس ورغم اتها عندها القدره تغير من حياتها الا انها بتدلع ومع اول وجبه وعزومه وخروجه يبتدي يتطافس وياكل ويقولك اصل انا عكيت لكن النهارده عندنا ابطال بجد رغم مايعانوه من امراض ومشاكل صحيه الا انهم وصلوا لهدفهم 
كتبت ع المنتدى للقناة ان بتعاني من ايه ورغم ذلك تحديت نفسك وغيرت حياتك ؟؟
اول تعليق من محمد ياسر بيقول عندي خمول في الغده الدرقيه ومش عندي فرصه للتدريب وده كله قولت هخس من 80ل65ولسه بثبت الفضل يرجعلك بعد ربنا ياهندسه 
الناس اللي بتقول عندي غده درقيه ومش هقدر اخس وزني تحت 80 اصل مبلعبش رياضه 
صاحب الكومنت لديه ال3اسباب واتحدى وخس 
ام منتظر من العراق بديت معكم من يوم 6رمضان كان وزني 102 وصل وزني 96 واجريت عمليه للرحم بعد العيد وبقيت مستمره ع النظام نوعا ما وصلت الان 93 مشكلتي ممنوع عني الحركه لمدة شهر من اجل العمليه وبديت اخسر وزن بصعوبه شجعوني حتى نقدر نستمر 
بندعيلك وبنقولك انتي بطله واحسن من ناس كثيره بتقول مش قادرين نبتدي ونستمر ومش قادرين نلتزم تحياتنا الك ام منتظر
محمود المولى من لبنان بيقول عندي مشاكل بالغده والهرمونات بتلخبط وعندي فقر دم ونقص حديد وباخد ادويه وابر كورتيزون ورغم كل الصعاب قدرت امشي في الرجيم واتابع النظام ونزل وزني من 103ل86ومكمله معكم ولكم كل الشكر 
ممكن تجد واحد رجله تعبته ياخد حقنه كورتيزون يقولك هلخبط اسبوعين وواحد ذراعه بيالمه يقولك انا تعبان وقاعد بالبيت ولازم الخبط وتلاقيه من غير اي حاجه بيلخبط 
الكومنت التالي من زهره الربيع من الشخصيات النشطه ع الصفحه وبنشوف تعليقاتها بتقول
انا بطله رغم اني اتعالج من الاكتئاب ورغم تعليقات اقرب الناس لي حماتي وجوزها توكلت على الله وامنت بيكم وكل يوم اخذ جرعة امل من رسالة الهندسه والحمد لله وصلت لهدفي وفاضل كيلو وادخل التثبيت كفايه اني مش هبكي بعد اليوم كفايه اني اصبحت اقف امام كل شخص جرحني وانا كلي ثقه انا سعيده لاني خلاص انتصرت بس عمري ماهنسى كلمة حمايا لما قال لي انتي اكبر من ابني مع ان زوجي اكبر مني ب8سنوات لكن معرفش ليه عاوزه انسى واسامح يمكن بالعطاء والحب والخير اللي بلاقيه بالقناة والصفحه شكرا لونفسك تخس انا كنت رقم مخيف والان 68بتسع شهور .
المسامح كريم الف مبروك التغيير والحمد لله ع هذه النعمه .
فاطيمه بتقول عندي خمول غده درقيه كان وزني 118كيلو والان 88 بفضل الله ثم الباشمهندس هل اثبت؟؟
التثبيت قرار خاص بيك انت لو شايف ان جسمك متناسق معك ثبت .
ماكان عندي تنفس من الضغط وتورم في القدمين مع حبس السوائل في كل الجسم وتغيرت حياتي وبمشي كل يوم الصباح ساعه ونص من قلبي بشكرك ياباشمهندس ..
علاء الحسن انا عندي قصور قلب وجاتني جلطه قلب من تسع شهور وقولت لازم انزل من وزني من 93وهلا 87مع ان ممنوعه من التعب والاجهاد ومستمره معكون 
دول الابطال اللي بجد اللي بيجاهدوا المرض والسمنه واحنا بنحارب السمنه لوحدها .
شوشو بتقول اتمنى تقرأ تعليقي عشان تعرف حجم المعاناة اللي مريت بيها الحمد لله تحديت الظروف وتعايشت مع مرض القلب ورغم المرض والاحباط لكن رضيت بقضاء الله ان سني 24سنه ومريضه بالعيوب الخلقيه في القلب ممنوعه اخرج اتمشى او اعمل مجهود بدني ولازم اقعد بالبيت بامر الطبيب وفي يوم من الايام من بضعة اشهر ربنا الهمني اكتب نفسي اخس ع السيرش طلعتلي طاقة نور صفحه اسمها لونفسك تخس وفورا اخدت النظام ونفذته وشافه الدكتور وقالي ممتاز ونزلت 21كيلو واصبت بازمه صحيه بالصمام الميترالي وتوقفت عن الرجيم ولم ازد جرام واحد وقال لي الباشمهندس معلقا الا بذكر الله تطمئن القلوب رجعت للدايت ووزنت الصباح لقيت خسيت كيلو ونصف في 4ايام اتشجعت وعزمت اني اكمل للنهايه ومكمله ومتشجعه للرشاقه شكرا لونفسك تخس 
شوشو تحياتي الك ومجهودك الرائع واصرارك انك تغيري من نفسك وانك اتحملتي الالم والوجع اللي ربنا قدره الك في ميزان حسناتك ورغم عن كده استمريتي تحيه الك ولكل انسان مثلك بيحاول ان هو يجاهد او يحارب ويتحمل المرض انه يغير من حياته 
اخر كومنت انا تعرضت لمرض السكري خلال الحمل وكنت باخذ الانسولين ولما ولدت كانت الولاده قيصريه وحصلي اني اصبحت تقريبا مشلوله عدة اشهر وزني زاد بشكل كبير وصلت ل86 وتعرفت ع لونفسك تخس وخسيت 18كيلو ومكمله 
كل هؤلاء ابطال وغيروا حياتهم وعندهم شيء بيألمهم موازي للسمنه ورغم عن كده قدروا يجاهدوا نفسهم لغاية ماوصلوا لهدفهم اتمنى تشجعوهم في الكومنتات وتقولولهم كملوا لانكم ابطال نصيحه لو عندك اي مشكله صحيه خذ النظام واعرضه ع الطبيب وتقوله عاوز امشي ع النظام ده هيقولك اتوكل على الله
تعديل المشاركة ردود اللأفعال:
خسيت ٣٠ كيلو رغم خمول الغدة وانا مريض سكر وخسيت ١٨ كيلو ومريضة قلب تخسر ٢١ كيلو ...هؤلاء هم الابطال

لو نفسك تخس

مساحة إعلانية
مساحة إعلانية
مساحة إعلانية
التعليقات
    مساحة إعلانية
    ليست هناك تعليقات
    إرسال تعليق

    إرسال تعليق

    نموذج الاتصال
    الاسمبريد إلكترونيرسالة