23395821524787388
recent
أخبار ساخنة

ماذا يفعل الاعضاء في اليوم المفتوح

الخط
ماذا يفعل الاعضاء في اليوم المفتوح
حسن واليوم المفجوع

صباح الخير حبيت اصبح عليكم و اقولكم صباح جديد صباح سعيد صباح الامل و التفاؤل الي بيتجدد جوانا كل يوم مع إشراقة شمس يوم جديدة ..حبيت اصبح عليكم و اقولكم صباح الفل على اجمل ناس غيرت حياتها و بتغير حياتها و مستمرة في التغيير.. حبيت اقولكم صباح الفل على كل إنسان مرضاش بالوضع الي هو فيه و ابتدأ يغير من نفسه علشان خاطر يعيش حياته كشخص طبيعي معاني الحياة الي كنا فاهمينها غلط كنا فاهمينها مختصرة أو اختزلناها خالص في شوية اكل و بقينا مدمنين بقا الاكل الحاجة الوحيدة الي احنا شايفينها حلوة اوي في الحياة ..تزعل او تفرح تروح تاكل ماشي في الشارع بتاكل في اي وقت بتاكل بقى الاكل هو الصديق بتاعك و لكن الحقيقة بعد التغيير بتكتشف ان في حاجات كثير بتغيرلك مودك و حياتك و تخليك سعيد أكثر صدقني انا واحد من الناس كان بييجي عليا الصيف و مقدرش   أقف في الشمس
شاهد الرسالة
شاهد
 ..الواحد لما كان بيوقف في الشمس و لو دقيقة تلاقي نفسك بتشر عرق فتحس انك لابس جاكيت سميك و ماشي رايح جاي بيه ده عبارة عن جاكيت من الدهون مش قماش ده جاكيت من الدهون الي هو عذاب احساس مختلف احساسك بالجو الي حواليك و ان أقل شوية هواء بينعنشوك و يفرفشوك .. الاول لو انت قاعد حتى جوة التكييف في عز الحر متبقاش طايق نفسك و ده الضغط العصبي الي يبقى عليك بسبب الدهون و التعب الي انت بتشوفه فده بيأثر عليك بشكل كبير جدا انت مش متخيل ان التخن يمكن يأثر عليك نفسيا و دي اقل حاجة الجاكيت الي انت لابسه ليل نهار ممكن بيكون يسد معاك في الشتاء فتلاقي نفسك تلبس قمصان خفيفة لكن طول فترة الصيف الواحد كان يتألم و الله العظيم ماكنت بستحمل حتى اني اتعرض للشمس و لو للحظة و ده بيعكس ان حياتك تبقى مختلفة تماما و طبعا نصيحة من أخ غير من نفسك و صدقني هتلاقي الدنيا فرقت معاك.
**لقاء مع الاستاذ حسن**
🎤م.مصطفى صباح الفل على حسن و عمي سيد قلنا يا حسن انت فاشل أصحابي كلهم فاشلين يا حسن
🎤حسن لا استحالة يا ريس 
🎤م.مصطفى النهاردة قولتلي ايه انه ملاكش دعوة بالدايت صح 
🎤حسن النهاردة لا 
🎤م.مصطفى حسن بسم الله ما شاء الله يعني اقولكم هو أستاذ في الالتزام و انه هو يعك  صح يا حسن العك عك و الالتزام التزام قولنا بقى نظريتك في العك
🎤حسن نظريتي ان كل واحد دكتور نفسه انا لما بحس اني بعدت ارجع تاني التزم و اضبط اكلي لحد ما ارجع الوزن الي كنت ماشي عليه و لما ارجع له ابتدي اعك تاني شوية 
🎤م.مصطفى بس انت يا حسن فظيع يعني التزام التزام من حديد و بعد كده عك من حديد بردو انت مدي كل حاجة حقها 
🎤حسن لا مش للدرجة دي 
🎤م.مصطفى بس ده هيأثر عليك بعد كده يا حسن هتلاقي نفسك بعد كده مش قادر تتحكم في نفسك
🎤حسن لا هو لغاية دلوقتي الحمد لله لما اقول لا هي لا خلاص بفصل..  فطاري يبقى رغيف سن و غدايا خضار و فاكهة و العشاء خفيف زبادي مثلا ده في الالتزام
🎤م.مصطفى عايزين  بقى  مثال للعك 
🎤حسن الصبح مثلا اكل ٣ ارغفة او ٤ والغداء رز و لحمة و كفتة مثلا  و احلي عسل بطحينة ممكن حلاوة بسبوسة الموجود في البيت و ساعات بتعشى شوارمات🎤م.مصطفى  كل ده في يوم ههه 
🎤حسن اه كل ده في يوم و البيتزا كمان 
🎤م.مصطفى  حسن نجم الديليفري عندنا هو البرنس بتاع الشركة في الاكل انت يا حسن بتعمل فعلا دايت
🎤حسن اه فعلا وزني كان ١٢٠ كيلو و دلوقتي ٩٥ 
🎤م.مصطفى نزلته  في قد ايه 
🎤حسن في ٣ شهور و اسبوع تقريبا 
🎤م.مصطفى كان وزنك بيثبت صح 
🎤حسن اه كان بيثبت ساعات اسبوعين او ثلاثة بس بعد كده ازود الرياضة و المشي 
🎤م.مصطفى بس هو الثبات كان ناتج عن العك بتاع اليوم المفتوح اصل مفيش حد يعمل كده يا حسن 
🎤حسن بعد ٦ أيام ملتزم آخذ حقي بزيادة 
🎤م.مصطفى انا لما كنت بعمل تثبيت كنت تيجي ساعات تفطر معايا فول و طعمية كان ايه وضعك 
🎤حسن لا ده كان الدلع ساعتها انا كنت ساعات بأخذ ٥ أيام فري و يوم دايت 
🎤م.مصطفى و بعد التثبيت كنت ماشي ازاي
🎤حسن كنت ماشي ٥ و ٢ او ٦ و ١ يعني ٥ أيام فري و متعشاش خالص 
🎤م.مصطفى كنت تضرب الصبح لغاية ما تتعمي   🎤حسن اه اكيد 
🎤م.مصطفى و بما انك خبير في الدايت تحب توجه رسالة لكل ست بتقول هتبتدي دايت و مبتبتديش تقول لها ايه
🎤حسن أحب أقول ان الريجيم ده اسلوب حياة و كل كيلو بتخسه كل ما يزيد عمرك سنة 
م.مصطفى هو عنده نماذج في البيت هبتدي دايت من بكره 
🎤حسن اه فعلا و هبطل و اشيل الحاجات المش حلوة  من قدامي اكيد مش ده الصح الصح اني اخذ قرار بكره هبدأ او النهاردة 
🎤م.مصطفى  خلي بالك يا حسن الموضوع حلو 
🎤حسن بقولك عن تجربتي الاكل الكثير بيتعب انا بتعب احس ان صدري مكتوم و نفسي مقطوع مدايق من نفسي و الريجيم اه ساعات ممكن تهبط و تبقى تعبان 
🎤م.مصطفى و ايامك المفتوحة
🎤حسن اه ساعات الفطار عجة بلدي و فول بالصلصة و اقعد اكل و اديها و الغداء مكرونة بيشاميل بحبها اوي الصراحة 
🎤م.مصطفى المكرونة بيشاميل بس
🎤حسن و جنبيها كفتة 
🎤م.مصطفى  و الحلويات 
🎤حسن بحب احلي بالهريسة عسل و طحينة و رغيفين بلدي 
🎤م.مصطفى دي التحلية الي بعد الاكل 
🎤حسن اه و زي مبقولك لما بفصل افصل 
🎤م.مصطفى و العشاء بيبقى عندك حيل 
🎤حسن العشاء يبقى حلاوة روح صراحة يبقى عك بزيادة بس بعدها احس اني فعلا تعبان 
🎤م.مصطفى تعبان انت كويس ان جسمك مستحملك اساسا
🎤حسن اه منكرش اني بتعبه بس ساعات أراضيه انا لما بحس انه اشتكى مني اعمل ستوب و اقول خلاص و امشي على الأنظمة و اكمل بقى 
🎤م.مصطفى  ربنا يعينك يا عم حسن 
متشكرين كان معانا حسن سبانخ هههه
يا لا صباح الفل عليكم بتمنى لكم حياة سعيدة ان شاء الله و متسمعوش كلام حسن
تعديل المشاركة ردود اللأفعال:
ماذا يفعل الاعضاء في اليوم المفتوح

لو نفسك تخس

مساحة إعلانية
مساحة إعلانية
مساحة إعلانية
التعليقات
    مساحة إعلانية
    ليست هناك تعليقات
    إرسال تعليق

    إرسال تعليق

    نموذج الاتصال
    الاسمبريد إلكترونيرسالة