قرار هااام من المملكة العربية السعودية
القرار الهام
تخيل لما تنزل تشتري ساندويتش فول من عند عم محمود و بدل واحد تروح مشتري خمسة فيسألك إيه طلباتك فتقوله هو كل ساندويتش بقا بسِعر يقولك لا كل ساندويتش بقا بسُعر ساعتها تستغرب و تندهش سُعر انت قصدك سُعر حراري يا عم محمود يقولك ايوه عندنا ساندويتش ١٢٠ سعر حراري و بيوصل لغاية ٣٠٠ سعر حراري يعني ايه .. ايه الكلام الي بتقوله ده .. زي مبقولك يا استاذ عايز من اي سُعر حراري
شاهد الرسالة
تخيل لو رحت لعربية فول او محل عصائر او ايس كريم أو حتى ديليفري بيقولك انت طلبت ٢٥٠٠ سعر حراري و تلاقي انك بقيت محاط بعالم من السعرات الحرارية ساعتها احساسك هيبقى عامل ازاي هتلاقي ضميرك عمال يأنبك حتى لو معندكش اي علم بالسعرات دي.. تبتدي تسأل ايه الموضوع ده تلاقي واحد بيقولك الجسم ليه احتياجات من السعرات الحرارية اليومية من المتوسط مثلا من ٢٠٠٠ إلى ٢٥٠٠ سعر حراري .. فلما تطلب وجبة و تلاقيها ٦٠٠٠ او ٧٠٠٠ سعر ساعتها هتقول ايه ده معقول يعني المفروض ليا ٢٠٠٠ سعر حراري و آخذ ٧٠٠٠ يعني ٥٠٠٠ زيادة دول بيروحو فين دول بيتخزنو دهون طبعا ساعتها هتلاقي نفسك بتراجع حساباتك و تلاقي نفسك بتتجه لساندويتش الفول ابو ١٢٠ سعر حراري مش ٣٠٠ و انك بتحاول تقلل في السعرات و هتلاقي المحلات بتقولك عرض خاص الاكلة دي بقت ٣٠٠ سعر حراري بدل ٥٠٠ .. ايه الكلام ده عايزين نفهم ... الحقيقة في قرار طلع رائع جدا من الهيئة العامة للدواء و الغذاء بالمملكة العربية السعودية الي عندها قرارات رائعة في مكافحة الفساد بالنسبة للدواء و مافيا أدوية التخسيس و على طول ينشروا الوعي الغذائي و عندهم رقابة صارمة على المحلات ... القرار ده هو تطبيق لائحة عرض السعرات الحرارية على كل المحلات الي بتقدم أطعمة ... القرار مكتوب فيه الآتي:
الهيئة العامة للغذاء و الدواء لائحة تطبيق عرض السعرات الحرارية .. مجالات و نطاق تطبيق لائحة السعرات الحرارية..
- سلسلة المطاعم و المقاهي - محلات الآيس كريم- محلات العصائر- المخابز- الحلويات - الكافتريا ... و أماكن عرض السعرات الحرارية هيحطوه في نقاط تلقي الطلب في اللوحات الإلكترونية الخاصة بتلقي الطعام و حتى في المنيو هتلاقي الاكل الي بتحبه قدامه سعراته الحرارية و كمان تلاقيها في أماكن الطلب الخاصة بالسيارات و كذلك المواقع الإلكترونية للمطاعم و تطبيقات الأجهزة الذكية ... و المنشآت دي عندها مهلة محددة لتطبيق هذه القوانين و الا هيتخذوا الإجراءات اللازمة ضدهم القانون ده ممكن تشوفه حاجة عادية بالعكس مش عادي .. الناس المهتمة بالتغذية و انها تخسر من وزنها و تعرف اكلها عامل ازاي و الناس الي كانت عايشة و خلاص هيبتدوا ياخذوا بالهم ... انا بقول للهيئة هتاخذوا ثواب كبير من ورا القرار ده لانكم هتكونوا سبب في تغيير ناس كثيرة جدا ..الي هيحصل ان كل حاجة تأكلها بقيت عارف سعراتها.. الي أشفق عليهم هي المحلات دي يا ترى هيتصرفوا ازاي هيحسبوا السعرات دي ازاي الموضوع سهل و بسيط و لي بنصحهم بيه ميضربوش باي رقم و خلاص لان الهيئة دي مبتهزرش هتجيبك و تقلك انت عملت ايه
على سبيل المثال اشهر اكلة عندهم الكبسة و تتكون من أرز و لحم و دهون هيجيب المكونات مثلا طبق فيه كيلو لحم و كيلو أرز و كوباية زيت او سمنة و يبتدي يحسب بيطلع في النهاية ان طبق الكبسة ده بيعادل ٥٠٠٠ سعر حراري هو ده الموضوع ببساطة و ده يمشي على كل الأطعمة... و بكده هيبقى فيه تنافس بين المحلات على الي يعرض سعرات حرارية اقل و اكل لذيذ في نفس الوقت و ده هيغير المجتمع ... لكن الموضوع ممكن يوقع و ينام لو مبقتش في رقابة .. و بما انه عندنا متابعين كثير من السعودية حبيت اهنيهم و أشكر كل الناس الي اخذت القرار ده و أشكر كل المحلات الي هتطبقه و ده هيخلي الناس تنتبه ان الموضوع حاجة رائعة و مش سهلة يعني انت الوحيد الي هتستفيد ..اتمنى ان الموضوع ده يتطبق في كل الدول العربية ان شاء الله و اتمنى التوفيق للهيئة و نصيحة لكم حاولوا تأخذوا بالكم من كل اكلكم مع تمنياتي لكم بالصحة .