recent
أخبار ساخنة

فوائد العك واللخبطه في الرجيم !!

فوائد العك واللخبطه في الرجيم !!
العك في الرجيم

أيها الإخوة العكاكين الملخبطين الإخوة الي يبتدوا الريجيم الصبح بدري و مع أقرب شوكولاتاية بيعكوا الدنيا و ينسوا انهم عاملين ريجيم ازيكم عاملين إيه النهاردة فرصتكم و رحلتكم النهاردة تقدر تعود من جديد و بقوة من خلال رحلة جديدة هتبدأ من النهاردة يا لا بينا
شاهد الرسالة
... لو انت مكمل معانا من المسابقات الي فاتت فتحياتنا و تقديرنا ليك و لو من معشر الملخبطين فأهلا بيك و دي فرصة للعودة لمسارك الصحيح .. ناس كثير عايزة تخس بسرعة لدرجة انهم يتكعبلوا في مائة نظام و يضيعوا وقتهم و تلاقي ناس بدأت معانا من مسابقتين يقلك احنا خلاص داخلين على التثبيت و على قناة مهندس دايت علشان نثبت و انت الي متسرع و عايز تخس بسرعة و بتجري ورا وهم الأعشاب و الأنظمة السريعة و الي هتعطلك و تأذيك و تلاقي حرقك وقع فنصيحة لكل الناس لا تتبع الا النظام الصحي الي بيقدملك كل العناصر الغذائية السليمة .. و بكده نقول ان العك اقل خطورة من الأنظمة القاسية و دي النقطة الإيجابية الوحيدة عشان اشجعكم بيها يا معشر الملخبطين ان انت عندك ميزة وحيدة في العك بتاعك  ان الحرق بقا زي الفل و انك تقدر تبدأ المسابقة وقلبك مطمن لأنك هتشوف نتيجة رائعة وهتخس في اسرع وقت ان شاء الله عشان كده نصيحة لكل واحد شايف ان وقته ضاع منو انا بقلك احنا بنمد ايد العون ليك و نقلك ابدأ معانا .. طبعا ده لو معندكش اي مشاكل صحية هتلاقي نفسك بتخس بشكل طبيعي و ملتزم معانا طالما توكلت على الله .. لكن الناس الي داخلة عشان تدلع و  تجرب و في نيتهم ميلتزموش .. يمكن بحاول بقدر المستطاع اني أساعدكم لأنه في كثير منكم راكب دماغه و مش عايز يتغير و يقولك انا عايش عادي  هو مش قادر يفهم انه ممكن يضيع منو يوم كامل أو ١٤ يوم عادي لكن في لحظة من اللحظات هتكون فارقة معاك و هي وقت ما تحس بألم وتمسك قلبك وتروح للدكتور و يقولك عندك مشكلة كبيرة  هو ده الي حصل مع أحد معارفي و الي انا نصحته و قولتله لازم تخس و تاخذ موقف مع نفسك و محبتش افسر له أكثر من كده لان الانسان بيبقى عارف اضرار السمنة هو مسمعش الكلام و كبر دماغه زي ناس كثير كده بتقول الراجل ده لكاك و رغاي كل يوم بيطلع يقول خس و اعمل و الكلام ده كله مش عارف ان اللحظة دي ممكن تيجي علينا كلنا.. للأسف الشديد الشخص ده تعرض لجلطة اللحظة دي فارقة عند كل واحد فينا الناس الي بتدلع الي بتقول هبتدي بس عايزين نظام سهل انا مليت ...احنا عندنا اكبر محتوى عربي من أنظمة التخسيس و التغذية السليمة الصحية ..احنا بنعمل مسابقات كل شوية و مش من النوع الي بنطلعلك و نقولك خذ ٣ أيام دايت و بعد كده كبر دماغك يعني أَسحب رجل الزبون و بعدين اختفي .. إحنا منظمين جدا عندنا انظمة ثابتة تقدر تمشي عليها أو أنظمة المسابقات علشان احنا عارفين بنعمل معاك ايه بالضبط كل حاجة محطوطة بحساب لو المسابقة دي كانت صعبة المسابقة الي بعدها هنريّح شوية و بعد كده فيه ايام مفتوحة معينة و هكذا مش نسيبك و نديلك اسبوع و نقولك امشي عليه و تقول هعمل ايه بعد الاسبوع ده و تقعد تكرر في الأسبوع تلاقي شعرك بيوقع و انت مش قادر توقف و في انهيار .. احنا بننصحك و نفضل نقولك قوم و كمل و اتغير علشان نفسك ... موضوع السمنة مش في الشكل و لا الثقة بالنفس فقط و لكن هي لحظة فارقة في حياتك هتشقلب الدنيا كلها ممكن يكون الكلام قاسي و مش حابب تسمعه لكن دي حقيقة و واقع ممكن تحصل لأي حد فينا .. انا لما أصبت بالضغط لما كما وزني زيادة كنت بدعي ربنا ان الزمن يرجع بيا للوراء لحظة صغيرة و ابتدي التزم و اضبط اكلي كنت بتمنى ان الضغط ميجيليش و ان الصداع بتاعه ينتهي باي ثمن ساعتها لما بندخل المستشفى بننسى كل حاجة كل متع الحياة عايزين بس ربنا يشفينا و نعدي من المحنة دي .. لكن لما توقف تاني و تعدي المحنة تنسى صحتك و تنسى نفسك و تلاقي ناس أقوياء في العلم و حاجات تانية لكن مع نفسه يقولك انا مش فاضي هو مش قادر يفهم ان نفسه دي هي الأهم ان صحته اهم من كل حاجة لانك لو اهتميت بنفسك أكثر هتهتم  بأسرتك لكن لو اهتميت باسرتك أكثر من نفسك هييجي عليك وقت مش هتقدر تساعد أسرتك و هتكون عبىء عليهم بدل متديهم فلوس هتظطر تاخذ منهم بدل متديهم عطاء و صحة و اهتمام هما الي هيبتدوا يجروا بيك على المستشفيات عشان كده بقولك احنا النهاردة هنبتدي الرحلة و انا مع بداية كل رحلة بقولك يا لا قوم غير حياتك مشفتناش النهاردة و شوفتنا بكره كمل معانا في كل وقت كمل معانا لكن اياكم و اللحظة دي الي ممكن تأذيك الي هتصاب فيها لا قدر الله بشيء هنطلع منو و إلا لا هي دي اللحظة الي خايفين منها الي عاملين نجري وراك و نقولك حاسب الحفرة ...كثير مننا بيقول مش عامل دايت يحرقه اول ميشوف اكلة و بعد كده انا ندمان و تعبت و مش عارف اخس .. هدور على أعشاب..هعمل عملية و يفضل يلف و في النهاية الحل فين تضبط بقك و خلاص 
احنا عملنالك انظمة صحية و عندنا مئات الوصفات من الاكل لكن للاسف بنقفل عينينا و مش عايزين نسمع و لا نشوف الحقيقة عشان كده بقولك اياك و اللحظة الي هتغير فيها حياتك بسبب الأكل .
google-playkhamsatmostaqltradent