التحكم في الشهية بطريقة علمية
التحكم في الشهية
من ايفنت المنيا و أبطالها اهلا بيك نتعرف
انا الدكتورة شيماء دكتورة في جامعة المنيا
م.مصطفى 🎤دكتورة صحة نفسية مش بشرية... حضرتك إنجاز من إنجازات لو نفسك تخس
شاهد الفيديو
د.شيماء🎤اكيد الله يجازيكم كل خير... كانت مشكلتي اني زدت بعد الحمل و الرضاعة و كنت عاوزة اخس الكمية الكبيرة الي زدتها عشان اقدر اتابع مع الاولاد و مع شغلي و الحمد لله انتظمت مع الصفحة و اخذت نظام ٩ أيام بتاع عيد الأضحى و بعدين كملت الشهرين و خسيت حوالي ١٥ كيلو و نزولي الكلي كان ١٨
م.مصطفى 🎤١٨ كيلو دول فرقوا معاك في صحتك
د.شيماء🎤اه اكيد جداا خصوصا في الحركة .. كنت اغلب فروض الصلاة اصليها و انا قعدة و كنت اطلع السلم ممكن و مقدرش انزل تاني ....
م.مصطفى🎤حضرتك بتدرسي الصحة النفسية بتاعت الناس السمنة علميا بتأثر على الإنسان ازاي
د.شيماء🎤هي المشكلة في مرض نفسي الي هو الشره العصبي ان الواحد مش بياكل مجرد جيعان و عايز يشبع هو بياكل لأنه مستمتع بالأكل.. المخ لا يدرك نقطة الشبع فيتعدى ده و طبعا الرسول صلى الله عليه وسلم ما اوصاناش اننا ناكل فوق طاقتنا و اننا عمال على بطال بناكل .. الشره العصبي بعد كده بيجيب أمراض تانية كثير معاه
م.مصطفى 🎤قوليلنا ايه هو الشره العصبي
د.شيماء🎤 هو شراهة للاكل ليه مجموعة من الأعراض مثلا ان هو دايما ريقه بيجري و عايز ياكل الاكل الي بيحبه بيقعد يستمتع بالأكل لغاية ما الطبق يفضى
م.مصطفى 🎤طيب و علاجه ايه
د.شيماء🎤لازم الاول نظام غذائي و التعرض للشمس كل يوم الصبح ، يقوم برياضة ، الاستمتاع بشيء تاني غير الاكل
م.مصطفى 🎤هو ده الي بنقوله دايما حاول تشغل نفسك بحاجة انت بتحبها .. هو ده الحل العلمي من الدكتورة عشان تتخلص من الشراهة متخليش الاكل هو متعتك و حاول تستمتع باي شيء تاني شغلك مثلا
د.شيماء🎤متعة الاكل مش آخرها السمنة بس هي بتجر معاها حاجات كثير
م.مصطفى 🎤زي ايه يا دكتورة
د.شيماء🎤 ضغط و سكر و قلب و كسل يبقى دايما قاعد .. عمرك يتسرق منك من غير ما تحس الست مثلا مبتقدرش تربي أولادها و لا تتابع مذاكرتهم... الفكرة مش العمر بيعدي كشكل لا الأدوار كمان يعني مثلا يبقى في سن الثلاثينات زيي تبقى عاملة شبه الي في الخمسين و الستين
م.مصطفى 🎤و يلاقي نفسه انه اصبح عبء على أسرته بدل ما يكون عون لهم
د.شيماء🎤و كمان مش بيقوم بالادوار الي لازم يلعبها
م.مصطفى 🎤طيب هل التدريب على التخلص من الشراهة احنا بنسميها ان الانسان مخه بيتلغي .. يدور على حاجة اخرى يستمتع بيها ايه ممكن نقوله تاني
عشان يساعده على ده
د.شيماء🎤العقل ممكن يموت لو عاش في مود سلبي الي هو التفكير في الحزن و الكآبة ممكن يموت يعني الإنسان مبيبقاش عنده اي قدرات عقلية و لا يعرف يفكر و لا يقوم باي حاجة لو الإنسان معندوش اي حاجة تسعده في حياته مثلا علاقات اجتماعية حلوة ليه أصحاب و قرايب ليه شغل و يستمتع بنجاحه و ليه اولاد يستمتع بتربيتهم... بيبدأ يحول المتعة دي لحاجات تانية وقتية زي الاكل فالعقل لازم يعيش السعادة عشان ميركزش غير في الاكل و ده ابسط شيء فاحنا عايزين ندرب عقلنا انه يعيش السعادة و يستمتع بوسائل تانية كثير غير الحاجات الفطرية الأساسية زي الاكل
م.مصطفى 🎤اذا علاج الشراهة متمثل في حاجتين ان احنا نحب حاجة تانية و نخرج من مود الحزن و الكآبة و ده علاجه فعلا اننا نمشي على نظام غذائي صحي
د.شيماء🎤نظام غذائي و نشتغل يعني العمل بإتقان لان الواحد لما يتقن عمله و يحبه هيحس بالسعادة و طبعا الرياضة لأنها بتحسن الحالة النفسية
م.مصطفى 🎤بشكرك يا دكتورة و بتمنالك حياة سعيدة ان شاء الله و التوفيق في حياتك العملية