إزاي أحب الرجيم وأستمتع برحلة التغيير؟؟🤔ب7خطوات فقط
رحلة التغيير ممتعه جدا جدا إعرف كيف تستمتع بها
شاهد 👀الفيديو
عمال تقول لنا ان رحلة التغيير أمتع كتير من التغيير نفسه وانها رحله ممتعه وممتازه داحنا حاسيين بإكتئاب وملل دا احنا مستحملين الرجيم بالعافيه كثير من التعليقات اللي بتقعد تقول بنشكركم غيرتم حياتنا رحلة التغيير حلوه تستغرب وتقول الناس دي هما مأجرنها ولا ايه انا مش شايف أي رحلة تغيير ممتعه رحله ممله ودايت فين ايام الهبر ..
في ناس بتحس الرحله ممله وهذا نابع من عدة نقاط هنتناقش فيها
1_انك بتستمع للمحبطين اول ماتستمع لهم ومش شرط يكونوا من اللي بيقولوا لو خسيت هتتخن تاني لأ لأ المحبطين أصبحوا يطوروا من أنفسهم يدخل عليك يقولك بتعمل دايت ليه دا انت جميل أوي كده بص وشك مورد ولو خسيت هتكبر في السن ويكون وشك معضم وشكلك وحش اوعي تعملي دايت انا سمعت ان واحده عملت دايت والكليه وقعت منها في الشارع اوعى تعمل دايت دا وحش جدا تجد تدريجيا الحماسه بتقل لذلك اوعى تستمع للمحبطين
٢_ احباطك لنفسك انك مش واثق في نفسك انك هتوصل لهدفك لذلك خلي عندك ثقه في الله انك هتوصل
٣_كثير مننا بيحس بملل خلال الرجيم يقولك النظام بتاعك مكرر ياعم ويدور شمال ويمين يعمل ميكس بين الرجيمات حضرتك امشي ع نظام صحي عشان تطور من هذا النظام الصحي حاول تبدع بالوصفات وعملنالكم وصفات متنوعه عشان لاتمل لو عملت كل الوصفات اللي عندنا هتخلص رحلة التغيير قبل ماتخلصها لذلك اوعى تحبط نفسك لانها هتخلي رحلتك ممله التنوع مطلوب اوعى تاكل مسلوق ومن غير ملح ومن غير بهارات مين اللي قالك كده غلط
4_لاتقارن نتيجتك بغيرك ..يعني صاحبتي خست خمسه كيلو وانا نص كيلو اوعى لان كل واحد وله رزقه وبالتالي اوعى تقارن نتيجتك بنتائج الاخرين
5_عدم ممارسة الرياضه مش انك تشترك في الجيم لاه ممكن تلعب في مترين حاول بدال ماتجيبي واحده تعملك شغل البيت اعمليه بنفسك الرياضه لها عامل هام جدا انك تحس ان جسمك الثقيل اللي مكونتش بتحركه بدأت تتحرك وده بيعطيك دافع للتغيير
6_كن معتدلا في اليوم المفتوح هنتكلم عليه بحياديه شديده في ناس تجيب برطمان نوتيلا وتضل تاكل فيه وتقولك انا وحشني السكريات مش بتاكل شيء تاني بتبوظ اللي عملته باليوم المفتوح اوعى متعملش يوم مفتوح خليه متزن خلي الاكل متنوع وكل العناصر اللي عاوزها الدقيق الابيض و الحاجات المهدرجه والسكر الابيض لو تخليت عنهم في اليوم المفتوح هتحس بتغيير كبير جدا جدا حاول تكثر من الفواكه بدال الشيكولاته هيجي عليك اليوم المفتوح وانت مش عاوز تعك كثير مننا للاسف مبيقدرش يمسك نفسه بعد اليوم المفتوح وده بيكون ناتج انه بيعك اوي ..كل بروتين نشويات لان اليوم المفتوح بتستمتع به لانك منتظر شيء قريب الك هدف اللي هو اليوم المفتوح اللي بيطريلك الجو شوي فابعد فيه عن الحاجات اللي تبوظلك كل اللي فات وتجد نفسك رجعت تاني لنقطة الصفر فإعتدل فيه
7_ عدم الالتزام مش شرط تكون بتعك ممكن بكون لانك بتلغي اشياء من اكلك هيأثر عليك بشكل سلبي اوعى تقلل حاجه م الاكل الموجود في النظام عشان هيخلي الجسم مرتاح ورحلة التغيير أفضل صدقني الاستمرار ع النظام الغذائي الصحي هيجيبلك نتيجه أفضل وهيفرق معك بشكل كبير
دمتم سالمين 🌺🌺