📽🎬الدكتور احمد خس اكثر من 45 كيلو دهون شوف تجربته واتغير انت كمان📽🎬
الدكتور احمد خس اكثر من 45 كيلو دهون شوف تجربته واتغير انت كمان
شاهد 👀 الفيديو
م. مصطفى 🎤عرفهم بنفسك
د. احمد🎤 انا الدكتور احمد نبيه دكتور اسنان بدات على الصفحة قبل رمضان بيومين متابع الصفحة من ٤ سنين تقريبا
مخذتش القرار الا بعدما وصلت لمرحلة صعبة انا حرفيا كنت عالة على نفسي
م. مصطفى 🎤بدأت كام
د. احمد🎤 ١٤٣ كيلو
م. مصطفى 🎤 البداية كانت ١٤٣ تعالوا نشوف وصل لفين يا لا نشوف
د.احمد🎤 كنت متابع للصفحة من فترة لحد ما اخذت قرار لاني وصلت لمرحلة كل حاجة في حياتي واقفة مش عارف انام و لا اتحرك لو نمت اقل من عشر ساعات معرفش اقوم ضغطي مرتفع على طول كنت انام و اصحى جنبي حبة المسكن عشان الصداع حتى شغلي ساعة ساعتين و ابقى مش قادر اكمل و لا اتحرك اخذت القرار الحمد لله و تابعت الصفحة بصراحة كان عندي شك اني هقدر و اكمل لاني عملت الموضوع ده مرتين او ثلاثة و كل مرة انوي و اتراجع و اول يوم بدأت من سنة و نص نزلت اتمشى بالليل رحت جبت سندويتش شاورمة و ارجعت
م.مصطفى🎤زيي انا اول مرة نزلت اتمشى قمت جبت لب و قعدت اقزقز
د.احمد🎤 بعد كده الحمد لله بدأت بفضل الاستعانة بالله
م.مصطفى🎤دلوقتي بقيت كام
د.احمد🎤 دلوقتي وصلت ٩٧ كيلو
م.مصطفى🎤يعني حوالي ٤٥ كيلو ما شاءالله
د.احمد🎤 طبعا اختلاف رهيب في كل حاجة الي هو ممكن انام ٦ ساعات ارتاح على طول فيه نشاط...
م.مصطفى🎤خصوصا انت دكتور اسنان معظم وقتك واقف
د.احمد🎤 دي حقيقة انا كنت يوميا اخذ حباية لآلام الظهر
م.مصطفى🎤 طبعا لان الكتلة الامامية للكرش بتشد في العمود الفقري
د.احمد🎤 اذكر في مرة كنت حضرت ايفنت معين فعايز اتصور بقول للمصور عايز اتصور صورة حلوة فبيقولي حضرتك البروزات في كل حتة اجيبلك صورة حلوة منين دي حقيقة فعلا...الحمد لله
م.مصطفى🎤بالفوتوشوب ههه
د.احمد🎤 و الله يا بشمهندس و لا حتى بالفوتوشوب كمان هيشيل من الوش يلاقي في الجناب يشيل من من اي حتة يلاقي في اي حتة..بفضل ربنا و الصفحة و المتابعة مش بيسيبونا في اي لحظة اوقات كثيرة كنت بضعف زهقت اول ما كان ده يحصل افتح اليوتيوب على طول شوف رسالة صباحية من البشمهندس خلاص بتلاقي شعلة نشاط اتجددت جواك
م.مصطفى🎤لازم كل يوم نجدد الي جوانا عشان تستمر محتاج تدفع نفسك للامام كل يوم عارف احساسك لما تصحى من النوم و انت ملتزم بتبقى سعيد...في الحقيقة انا في رحلة تغييري ملخبطتش فمحستش احساس الي يلخبط لكن حلمت ان انا لخبطت
د.احمد🎤 اكثر حاجة اثرت فيا و اعرفت ان انا الحمد لله اتغيرت اني رحت لمكان كان فيه اوبن بوفيه الحمد لله كنت ملتزم تماما و الي ساعدني كمان الرياضة لازم يوميا بعد الشغل بنزل اتحرك سواءا بالعجلة او المشي..الموضوع فرق جداا
م.مصطفى🎤 انت طولك كم
د.احمد🎤 ١٧٣...م.مصطفى🎤انت محتاج ٥ او ٦ كيلو و تلاقي الدنيا ضبطت معاك
د.احمد🎤 اكبر عائق في حياتي كان اللبس تخش اي مكان و انت عالباب يقولك معلش مقاسك مش عندنا حتى لبسك متقدرش تلبس حاجة شيك..ملزم بحاجات معينة
م.مصطفى🎤 بس يبقى اخطرها ان طبيعة شغلك مينفعش تبقى ثقيل
د.احمد🎤 بالضبط..اطرف موقف حصل عندي كان مريضة مسنة عندي اول ما جاتلي من سنة رجعتلي تاني بعدها اول ما دخلت بتقولي خير يا حبيبتي مالك ايه الي جرالك حد مزعلك حد مات كنت عايز اقولها يا حاجة انا الي كنت ميت و مش موجود..المشكلة و الكارثة الحقيقية هي الاكل بالليل تاكل و تنام ثقيل خلاص..فالحمد لله الي بيشجع الواحد بردو ان انت تشوف صورك و تقارن...بالنسبة للانظمة انا ماشي على المسابقات من اول يوم
م.مصطفى🎤 حلوة عارف انك بتنافس نفسك داخل تكسب صحتك فما بالك دكتور اسنان قلنا موقف طريف حصلك
د.احمد🎤 مريضة بتتعالج عندي دخلت قالتلي هو الدكتور الي كان هنا مبقاش بييجي
م.مصطفى🎤 مشي مش هييجي تاني ههه
د.احمد🎤 الحاجة الثانية الي كنت اتحدى بيها نفسي ان انا بعدما بدأت الرحلة و نزلت حوالي ٣٠ كيلو طبعا المقاسات اختلفت ١٨٠ درجة كنت بشتري هدوم مثلا بنطلون ضيق ما اشتريش على مقاسي اسبوع و يبقى واسع
م.مصطفى🎤 دي نسميها منافسة المقاسات يعني بنافس نفسي عشان اوصل لمقاس معين دي حاجة جميلة جداا
د.احمد🎤 كان عندي قميص من كثر ما ضيقته الترزي قالي معادشي نافع خلاص فالحمد لله بفضل ربنا و الصفحة و المتابعة
م.مصطفى🎤انت مشيت على المسابقات الالتزام بيها يجيب نتائج رهيبة
د.احمد🎤 المشكلة الي حصلت معايا لما نزلت ٣٠ كيلو قعدت شهر تقريبا مفيش غرام بينزل على الميزان جالي احباط و المقاسات بتتغير
دخلت على الصفحة و كتبت في البحث حسابا الوزن لقيت كم فيديو بيتكلموا عن ثبات الوزن مشغلتش بالي و قررت موزنش تاني بعدها بشهر و نص وزنت لقيت ٧ كيلو نزول هو فعلا نصيحة متهتمش بالميزان و اهتم بالمقاسات
م. مصطفى 🎤 النزول في الاول يبقى مية
بس كل اسبوع انت بتخس و الي انت بنيته في سنين في خلال اسبوع هتخسهم فدي معادلة حلوة و ده مكسب فلازم متفوتش الفرصة و اتغير من نفسك
د. احمد🎤 الحمد لله و ان شاء الله مكمل لغاية ما اوصل للمثالي
م. مصطفى 🎤 في ايفنت المنصورة تكون ثبت ان شاء الله... نشكرك يا دكتور ربنا يكرمك
