🎬📽كيف ترفعين حرق دهون الجسم بثلاث خطوات امانى خست ١٨ كيلو فى ٣شهور 🎬📽
اماني خست 18كيلو مع نظام المرضعات
شاهد👀الفيديو
اماني🎤خسيت ١٨ كيلو بدات في ٨/٢٠ و النهاردة ١١/١٥ يعني في ٣ شهور تابعت معاكم من سنتين و خسيت بس بعد الحمل رجع وزني و كانت مشكلتي الحلويات
كنت باكل بشراهة و زوجي عنده محل حلويات كان لازم يذوقني من اي حاجة جديدة و مكنش بيقولي خسي لكن اول ما بدات طلب مني انزل وزني كل ما يشوفني اخس يطلب مني انزل كمان و طبعا الرضاعة بتجوع بالليل لكن شوربة الخضار هي الحل السحري للجوع الليلي و بحاول انام بدري كمان و بمشي على النظام تماما زي ما ميس ايات بتطلب مننا
م. مصطفى🎤 يعني الجوع الليلي عشان حضرتك في فترة الرضاعة و الاضطراب الهرموني و السهر بالليل و الطفل بيعيط فتبقي صاحية فده يؤدي للجوع الليلي بشكل كبير فحضرتك قضيت عليه بشوربة الخضار
اماني🎤بس من غير بطاطس و بسلة
م. مصطفى 🎤طبعا و دي حاجة جميلة و عظيمة ما شاء الله انك تبتدي تغير من نفسك و متقولش اني فشلت و مش هكمل و هتخن تاني ..
اماني🎤عايزة الفيديو ده يبقى حافز ليا عشان اكمل من ١٢٠ ل ١٠٢ الارقام اتبدلت و الشخصية كمان اتبدلت
م. مصطفى 🎤هل نظام المرضعات اثر على الرضاعة
اماني🎤لا خالص انا قبل الدايت مكونتش باكل خضروات ابدا و الفاكهة مليش فيها دلوقتي باخذ خضر فواكه و بشرب اللبن النظام الغذائي دلوقتي احسن للرضاعة من قبل الدايت
م. مصطفى 🎤في الاول كنت بتاكلي كمية سعرات حرارية كبيرة الحلاوة الطحينية و السمسم و مش عارف ايه
اماني🎤الصراحة الحلاوة الطحينية هي الي عملت فيا كده و العصاير
م. مصطفى 🎤طبعا نظام المرضعات لو انت مشيت عليه بشكل بشكل مضبوط دي النتيجة هي دي التجارب الي هتخليك تغيري من نفسك و دي فرصة عظيمة لكل مرضع انها تتغير و تطور من نفسها.. ممكن تقوليلنا اهم النصائح للمرضعات
اماني🎤طبعا المية لازم نشرب كثير لانها المادة الخام للبن... انام بدري... المشي طبعا بيفرق كثير حتى في المقاسات
م. مصطفى 🎤انت عندك عامل الرضاعة بيخلي سعراتك بتعلى لغاية ٦٥٠ سعرة حرارية فوق السعرات الي انت عايزاها و البرد بيرفع من الحرق بردو يعني كل مساحة في الجسم بتتعرض للبرد بتفقد فيها حرارة و بالتالي فيه سعرات حرارية بتستهلكيها اكثر عشان تحافظ على حرارة الجسم ... الرياضة حتى لو المشي في البيت او شغل البيت بتحرقي فيه سعرات ده الطبيعي انك تتحرك و تبقى انسان عادي
تحياتي ليك و اشكرك قلتلنا في وقت قد ايه
اماني🎤٣ اشهر الا ٥ ايام
م. مصطفى 🎤مع الالتزام التام
اماني🎤هو التزام بس ايام حلاوة المولد احنا كنا بنبيع للبلد كلها هههه
م. مصطفى 🎤ده انا فردت شعري و عملت حسين و الحجة مسكت المنفضة و قعدت تضرب فيا
اماني🎤حضرتك انا قعدت اتفرج على الفيديو اكثر من عشر مرات و كل مرة اضحك فيها
م. مصطفى 🎤و بتجود عشان تطول المشهد
ميس آيات🎤قوليلنا يا اماني عايزين نطمن باقي المرضعات على الصفحة عشان بيبقوا خايفين يبدؤوا في نظام المرضعات بيقولوا ممكن اللبن يتأثر
اماني🎤في الحقيقة قبل الدايت مكنتش اكل خضروات و لا فواكه اللبن كنت بشربه لكن مش باستمرار كنت تقريبا باكل اي حاجة الاقيها المهم تسد الجوع لكن بعد بعد ما بدأت الدايت بقيت اهتم باكلي من خضروات و فواكه و بشرب ٣ كوبايات لبن فحاسة ان اللبن زاد.. و كان عندي انيميا من صغري دلوقتي مش باخذ اي علاج ليها و صحتي بقت كويسة..بقيت اتحرك احسن من الاول طبعا و مستمرة ان شاء الله للوزن المثالي
ميس آيات🎤فيه حاجة كانت عائق للمرضعات و هي السهر و ده بيسبب الجوع فايه كان الحل بالنسبة ليك
اماني🎤طبعا الحل السحري شوربة الخضار هتفرق معاكم جدا
ميس آيات🎤و فيه وصفات على الصفحة للجوع الليلي بتنزل في بوست المرضعات كل يوم احد و اربعاء و ممكن ندخل بوست المطبخ نسألهم و هيساعدونا اكيد
طب ايه رايك في المسابقات الي اتعملت للمرضعات
اماني🎤بالنسبالي دي كانت اجمل حاجة و زي ماقلت الريجيم عندي ٧٥٪ تشجيع ٢٥٪ ارادة كل ربع ساعة التقي بوست فيه تشجيع فالمسابقات بتحفز الواحد و تخليه خايف يلخبط الخميس ميزان و مقاسات تخليني عايزة اشوف النتيجة و افرح
ميس آيات🎤 المسابقة دي غيرت حاجة كبيرة عندنا ان الواحد بدل ما يتابع الميزان يتابع المقاسات و اكدنا انها المقياس الحقيقي لنزول الوزن عشان كده نوزن مرة واحدة في بداية المسابقة و بعدين نتابع المقاسات كل يوم خميس الساعة ١٢ عشان الي متابع معانا يبقى عارف الي يتغير مقاسه بياخذ شهادة تقدير... عايزين كلمة تشجيعية لكل الامهات و المرضعات
اماني🎤عايزة اقولهم ان صحتنا هي راس مالنا لينا و لاطفالنا و لازم نبقى قدوة ليهم
ميس آيات 🎤نورتينا