السلام عليكم ورحمة الله وبركاته
اليوم هيكون معانا بطل جديد
اخوكم محمد رحال من اسكندريه
محمد من الناس الذين تشرفت بمعرفتهم خلال ايفنت افطار رمضان الماضي
وكان هذا اول لقائنا به ويروى محمد حكايته لنا في السطور القادمة
يمكنك مشاهدة فيديو لمحمد وهو يروى قصته مع التغيير
انا كنت 155ك كنت انسان عادي باكل كل ال نفسي فيه من غير اي نظام ال يقابلني أكله وف اي وقت وممكن كنت اكل وانا اصلا مش حاسس بجوع المهم كنت اكل وخلاص كان زميلي بيتريقوا عليا وكنت باخد الموضوع هزار بس كنت بتقطع من جوايا من الحزن وكنت لما انزل اشتري اي ملابس كنت لازم ارجع المنزل ابكي من القهره والكلام ال بسمعه من صحاب محلات الملابس واكتر كلمه قبل ما تتفرج معلش يااستاذ مفيش مقاسك وأخرج من المحل وانا ف نص هدومي لحد ما جه يوم ف الشغل كنت مطلوب مني شغل معين واتحرجت اعمله لأنه كان محتاج واحد رفيع وخفيف ورئيسي في الشغل قال كده باللفظ محمد التخين ميطلعش اليوم ده قررت اني لازم اخس مهما حصل لاني مش متعود اكون انسان فاشل لفيت على دكاتره وبالفعل خسيت معاهم ووصلت ل 110ك ولكن بالجلسات والابر واستنزفت كل فلوسي وعند 110ك
جسمي ثبت خالص كل ما اقول للدكتور يادكتور مش عارف جسمي مش بينزل ليه وثابت يقولي اي حجه ويلف ويدور بيا أن لازم نكسف كورسات الإبر والجلسات حسيت اني كده بينضحك عليا ونفسيتي تعبت جدا ووقفت الرجيم خالص وقولت مش هرجع تاني للدايت ورجعت تخنت ووزني بقا 126ك ورجعت ماساتي تاني للتخن وكلام الناس الجارح (ايه التخن ده \خس شويه ياعم \هتودي الكرش ده لحد فين،) لحد ما ف يوم زوجتي العزيزه ربنا يبارك فيها لقت فيديو للمهندس مصطفى على وبعتتهولي ف الاول قولت ما انا كنت بعمل كده عادي يعني لقتها بتقولي لا الصفحه دي فيها تشجيع رهيب وفيها إنجازات جميله دخلت بالفعل وفضلت طول اليوم اتفرج على إنجازات الأعضاء وقولت الناس دي بجد الناس دي مش احسن مني ودخلت جبت الانظمه ولقيت الناس مبسطه كل حاجه مخليه موضوع الدايت حاجه عاديه وده نظام الحياه للبني آدم الطبيعي والحمد لله وصلت معاهم 98ك ومكمل أن شاء الله
والحمد لله كان نفسي اكون من فريق الدعم لاشارك ف هذا العمل الخيري العظيم لأن فعلا لو نفسك تخس هيا الصحبه الصالحه ال معاها عمرك ما تفكر لو لحظه انك تتخن بس نصيحه صغيره من اخوكم 👇👇
🔅خس علشان إنت تستحق تكون أحسن
🔅خس علشان إنت لسة ماعيشتش الحياة اللي المفروض تعيشها
🔅خس علشان إنت مش عبد للأكل والكسل والنوم في السرير
🔅خس علشان إنت مش مبسوط وحقك تعيش مبسوط
🔅خس علشان مفيش حاجة أحلى من الحرية
🔅خس علشان إنت مش تلاجة بتخزن فيها الأكل
🔅خس علشان حقك تنجح وتعمل إنجاز في حياتك
🔅خس علشان نفسك إنت
أحنا بنحبك .. حقيقي بنحبك وشايف إنك تستاهل تكون أحسن من كده .
إبدأ وأحنا معاك ومش هنبخل عليك بمعلومة ولا بمساعدة لو جيت وطلبتها مننا .. بس إبدأ .😍😍😍
اخوكم محمد رحال