-->
23395821524787388
recent
أخبار ساخنة

ثلاثة بوستات اغضبونى بشدة

الخط
في البدايه أحب احيي واشكر كل واحد بيعمل لايك وكومنت قبل حتى مايشوف الرساله وده ثقه كبيره سعيد بها اللي خلاني اخذ بالي كومنت من كومنتاتكم بيقول ليه عدد اللايكات اكثر من عدد المشاهدات ؟؟الفكره ان الناس 
اول مابتشوف الفيديو نزل تجري تعمل لايك عشان تشجعنا مثل مابنطلع كل يوم نشجعكم بشكركم من قلبي وبشكر نص نص الشخص اللي كتب ع فكره يا باشمهندس لما متفرجتش ع الرساله عكيت هي فيها شق كويس ان الرساله مصدر تشجيع الك وفيها شيء وحش انك عكيت لازم تستمر حتى لو مكونتش انا موجود بيوم م الايام تستمر وتخس عشان نفسك وصحتك 
في ثلاث بوستات اثاروا غضبي اول بوست زواج بنت جسمها مليان من رجل جسمه رياضي الناس قالت بص شوف الحب بيعمل ايه 
ايه الغريب اللي فيها هذا واحد تزوج واحده ؟؟اصلها تخينه وهو رفيع 
يعني انتم شايفين انها شيء عجيب مثلا هو ليه شايفين ان الشخص اللي وزنه زايد اقل من الطبيعي ليه كده ..ممكن يكون وزنها زايد غصب عنها في ناس مرت بظروف نفسيه قاسيه وكانت بتطلع همها بالاكل مش عيب ابدا ان الواحد يغلط لكن العيب عليك انت اما تتكلم عن حته توجع انسان لذلك انصح كل واحد نشر البوست ده او اتكلم اي كلمه انه يمسح البوست لان الموضوع عادي جدا جدا 
البوست الثاني واحد كان عامل منشن للصفحه بكومنت فدخلت ابص واحد قاله عاوز اخس فواحد قاله انا انا عندي دوا ألماني اصلي مستورد ..اللي لازم تعرفه ان الناس بتغش العسل والعيش السن يعني لو مغشهوش مش هيحصل حاجه فتخيل بيتكلم  عن علاج غير موجود لان لو في حبايه هتأخذها وتخس كان مخترعها لازم يكون رئيس العالم هذه الاشياء مش بتخسس في منها اللي بيتصنع تحت بئر السلم وبعض الاشياء ليها تأثير بسيط لكنها بتلعب ع هرمونات الجسم كنت شفت تعليق حلو عجبني ان الهرمونات مثل السوفت وير للجسم يعني السيستم وقع لو هرموناتك باظت مش هتعرف تتحكم في حاجه وادينا شوفنا ناس كثيره عندها اضطراب هرموني مش عارفين يخلفوا وزنهم بيزيد ومشاكل اخرى كثيره الدواء ده اما بيزود ضربات القلب ويسببلك مشاكل بالقلب او يعمل الك اكتئاب وتلاقي الخلاصه ان الناس اللي بتأخذ الادويه دي لو خست 5 كيلو بترجع 25 كيلو روح المانيا واتفرج ع الاحجام هناك طب دا انتم عندكم اصل المنتج مبتخسوش ليه المانيا نفسها معندهاش القدره تصرف الدوا لشعبها مجانا مثلا ولا ايه ؟؟عشان تعرف ان الناس دي تجار وبتتاجر بعقول الجاهل بالشيء انا كنت جاهل بهذا الشيء بس انا مش بحب اخذ علاج حتى لو عندي صداع فاكيد مش هأخد علاج وعارف ان مش ليه أي تأثير 
الكومنت الثالث كان لشخص حضر معانا ايفينت وقال انا خسيت مع دكتور وعملي عملية تكميم وعاوز اكون معكم ع الصفحه واشارك الحقيقه ظنيت وبعض الضن اثم ان له اهداف اخرى وجدته بيكلم الناس خاص وبيقنعها تعمل العمليه دي شغال مندوب للدكتور 
لو شفت المهندس محمد اللي وزنه 202 كيلو وخس معانا كان اخوه عامل نفس العمليه دي ومتأثر بها لذلك قرر ميعملهاش ويتبع نظام صفحتنا 
رجل الدعايه للعمليه منزل صورته والناس داخله تسأله عملت ايه يقوله كلمني ع الخاص الفكره ان الشخص ده الايكونه بتاعته انه يشد بيها الناس لدرجة الدكتور نفسه عنده كرش سأله واحد ليه مش بتعمل العمليه يا دكتور قال لهم اصلها لازم بعدها لايف استايل وانا الصراحه مقدرش عليه مش حابب اتبعه فالدكتور نفسه مبيعملش لنفسه العمليه انت هتعملها؟؟
انت اسأل طبيب قريبك او ثقه اسأله هل النظام الصحي افضل ام العمليه هيقولك مفيش مقارنه بينهم اصلا 
فالثلاث بوستات واخدين كمية لايكات وشير كثيره جدا جدا وخصوصا الدواء الالماني هفضل اجاهد لغاية ماتسمعني وتصدق سهل تغير نفسك بنفسك شوف عدد المتابعين لنا ع الفيسبوك واليوتيوب والانستجرام لو فكرنا نبيع شيء شوف هنكسب اد ايه لكن هذه امانه وشهاده امام الله هيحاسبنا عليها ان مفيش امامك الا النظام الصحي
شاهد الرسالة كاملة من هنا👇

تعديل المشاركة ردود اللأفعال:
ثلاثة بوستات اغضبونى بشدة

لو نفسك تخس

مساحة إعلانية
مساحة إعلانية
مساحة إعلانية
التعليقات
    مساحة إعلانية
    1. اتمنا تساعدني لان والله صارت بيه كئابه من وزني😢😭

      ردحذف

    إرسال تعليق

    نموذج الاتصال
    الاسمبريد إلكترونيرسالة