-->
23395821524787388
recent
أخبار ساخنة

بسبب الحب يخسر 43 كيلو من وزنه وفي النهاية تتخطب لشخص اخر

الخط
بسبب الحب يخسر 43 كيلو من وزنه وفي النهاية تتخطب لشخص اخر 
الحب بيخسس اوى

الفرصة بنت جميلة راكبة عجلة ببدال ❤
صباح الجمال ❤
النهاردة اليوم الخامس في مسابقتنا تحدي جديد ورشاقة اكيد 
دي رسالة جديدة من الرسائل الصباحية اللي بيعتبرها ناس كتير الاكسجين بتاعهم واللي بيبتدو به يومهم لهذة الرسالة التشجيعية شكرا لكل الناس اللي بتتابعنا و بتتابع رسالتنا كل يوم ويصبحو علينا بكومنت حلو ❤
*الفرصة بنت جميلة راكبة عجلة ببدال*
الحقيقة الجملة دي جتلي لما وصلني رسالة ع صراحة من شاب كان وزنة 117 كيلو 
حب بنت وقرر ان هو يرتبط بيها وعلشان البنت دي كانت جميلة وهو كان لازم يكون جميل زيها وخاف ان هي ترفضة فقرر ان هو يخس 
قرر ان هو يخس من بعيد لبعيد كدا وقال هحط هدف قدامي ان شاء الله وهخس وهوصل لهدفي عشان اروح اتقدم للبنت
وفعلا في خلال 6 شهور خس ل75 كيلو ولكن اللي حصل ان هو لما وصل ل75 كانت البنت اتخطبت وبيقول ان فرحها السنة القادمه ان شاء الله وكان بيضحك في اخر الماسدج 😊
وانا بعتبر الرسالة دي من اجمل الرسائل اللي جتلي لأن الشاب دا خس اه عشان صحته ولكن اتشجع بشئ تاني 
مش عيب انك تتشجع بشئ تاني عشان تغير حياتك 
مش عيب انك تعمل زيه وتتشجع عشان حاجة
لكن العيب انك ترجع تاني لما تفشل في الوصول لهدفك 
في اخر رسالتة كانت في ضحكة ودا معناه انه راضي بقسمة ربنا 
سبحان الله لو هي نصيبة مهما هيحصل ومهما هيلف برضو هتفضل لنصيبة
طبعا بحيي الشخص دا اللي مكتبش اسمة ولكن شكرا على هذة الرسالة الجميلة اللي حبيت ابدأ بيها رسالة الصباح النهاردة عشان تكون دافع لناس كتير 
الشق التاني من الرسالة بقا هو اهم من الدايت اكل الدايت ومش انا اللي بقول كدا اللي بيقول كدا ناس كتير جدا
ناس كتير قبل ماتبدأ الدايت تقول اهم حاجة نجيب اكل الدايت 
طب والدايت فين !؟
لا مش مهم الدايت دلوقتي المهم نجيب الحاجة 
وتلافيها نزلت واخدت جوزها معاها واشتروا كل حاجة لونها بينك عشان البينك دا لون الدايت وتلاقيها جابت اكل الشهر كله دايت
وسبحان الله بيجيبوا الاكل يوم الجمعة وتلاقيها السبت جايلها ضيوف وماينفعش نأكلهم دايت وطبعا الضيوف جايبين تورتة واكيد التورتة مش هتترمي حرام تتاكل 
ويتنسي بقا اكل الدايت وتلاقي الشخص دا يرمي الحاجة بتاعت الدايت او ينساها لشهور ويرجع يقول ايه داانا كنت عاوز اعمل دايت وينزل يشتري حاجة الدايت وهكذا 
اللي عاوز يعمل رجيم او دايت يقدر يدبر كل حاجة من جوا البيت 
يعني تقريبا من اول الفيديوهات اللي عملتها واحد بسيط جدا وبيقبض مرتب بسيط جدا ومع ذلك خس من 133 ل80 كيلو ومشي على النظام وخس
لكن العيب فينا احنا احنا اللي بنفضل نحط عقبات قدامنا ونقول اصل الدايت دا محتاج ميزانية كبيرة اصل فراخ ولحمة كل يوم
هو حد قالك فراخ ولحمة كل يوم !؟ هو في حد قاللك كدا يعني !؟
الانظمة متنوعة بشكل كبير جدا يعني النظام العادي اللي انت بتمشي عليه دا بتلاقي بدايتا من الجبنة القريش وعندك فراخ ولحمة وعندك البيض حاحات كتير جدا وعندك كمان نظام اقتصادي تقدر ان انت تمشي عليه 
يعني انا حالتي المادية ماتسمحش اني امشي عليه وعايز حاجة تكون نتيجتها اقل شوية من النظام العادي 
عندنا كل حاجة لو انت دعبست فالصفحة وع القناه ولو فتحت التطبيق بتاعنا هتلاقي فيه كل حاجة 
لو رايح عمرة تعمل ايه 
لو رايح فندق ومش عايز تتخن 
عندنا كل حاجة ولكن التلاكيك مبتخلصش صحتك انت اللي بتخلص !!
طبعا من ضمن الكومنتات العجيبة والغريبة كدا احد الاعضاء كان بقدم تقرير الطعام بتاعة وكاتبة الغدا بط وسلطة !!
فريق العمل قاللها البط اصلا ممنوع عشان بيبقا فيها نسبة دهون عالية وبالتالي هتعطل الحرق عندك ومش هتخسي اصلا 
قالت اصل انا ماشية ع النظام الاقتصادي 
نعم !! حضرتك ماشية ع النظام الاقتصادي وبط !! ها !! ازاي !! هتجننونا ولا ايه !! 
طبعا حضرتك لو جبتي الربع بطة دا تبدليه مع فرخة كاملة وانتي مرتاحة يعني انتي لو قلتي يا جماعة انا معاية بطة هيدوكي مكانها 10 فرخات 
لكن المشكلة ان احنا مبنعرفش ندبر امورنا 
في بعض البلاد غير مصر يعني بيقولوا ايه الجبنة القريش دي 
حضرتك لو دخلت على جوجل وكتبت جبنة قريش هيظهرلك شكلها شوف البديل بتاعها فبلدك بقا ولو انت فدول الخليج هتلاقيها موجودة ولو مفيش تقدر تجيب طريقتها وتعملها
طب ليه الجبنة القريش !؟ 
لأنها احسن وافضل شئ ممن تستخدمة فالانظمة الغذائية الصحية وكمان سعره بسيط يعني كيلو الجبنة القريش بيتراوح ثمنة لبن ال20 وال26 جنية يعني مابيكملش تقريبا دولار وربع وممكن الكيلو دا يكفيش اربع ايام فالغدا كمان ال 100 جرام من الجبنة القريش بيساوي 100 سعر حراري ودي حاجة عظيمة وخصوصا انة بروتين جيد 
عشان كدا نصيحتي لكل واحد اوعى تحط العقبات قدام نفسك عايزك بئا تكتبلي فالكومنتات عن اول حاجة اتكلمت فيها وهو صديقنا اللي خس عشان حبيبته
تعديل المشاركة ردود اللأفعال:
بسبب الحب يخسر 43 كيلو من وزنه وفي النهاية تتخطب لشخص اخر

لو نفسك تخس

مساحة إعلانية
مساحة إعلانية
مساحة إعلانية
التعليقات
    مساحة إعلانية
    ليست هناك تعليقات
    إرسال تعليق

    إرسال تعليق

    نموذج الاتصال
    الاسمبريد إلكترونيرسالة