-->
23395821524787388
recent
أخبار ساخنة

اسرار الساعة البيلوجية وافضل وقت للرياضة والنوم وتناول الطعام ليلا

الخط
الساعة البيلوجية

كتير مننا بيلاقي نفسة حتى لو مش ضابط المنبة بتاعة الصبح لكن بيصحى بدري الصبح في نفس المعاد اللي بيصحى فيه كل يوم ياترى ايه السبب !؟ 
انها الساعة البيوليجية يا سادة 
النهاردة هنتكلم على موضوع مهم جدا
وطبعا من خلال القناه انا لازم اعرفك بنفسي انا مش عالم ولا رجل دين علشان اتكلم فحاجة تخص الدين او تخص العلم ولكن بحاول اعرضها عليكم في شكل معلومة عامة وانت بقا تقدر تبحث عنها وتقرأ اكتر واكتر لو شايف ان الموضوع دا يهمك 
طبعا هنتكلم عن الساعة البيولوجية وتظبيط الساعة البيولوجية 
= ايه هي الساعة البيولوجية وايه علاقتها بحياتنا !؟
- الحقيقة الساعة البيولوجية دي مش ساعة عقارب او جهاز انت بتستخدمو  الساعة البيولوجية دي عبارة عن خلايا عصبية موجودة فالمخ
الخلايا العصبية دي متصلة بشكل مباشر مع العين من خلال العصب البصري 
العصب البصري دا عبارة عن سلك رفيع متوصل بالعين ومتوصل م النحية التانية بالخلايا العصبية
العصب البصري دا بيعطي الاشارة من العين للساعة البيولوجية او الخلايا الموجودة فالمخ وبيديها الاشارة سواء هل الوقت دا في النهار ولا في ليل 
= طب ايه السبب لو في ضوء او مفيش ايه اللي هيحصل يعني !؟ 
- الحقيقة ان الساعة البيولوجية دي بتتحكم في بعض الهرمونات المهمة جدا في جسم الانسان ومنها هرمون النوم اللي هو الميلاتونين 
الميلاتونين دا هو هرمون بتفرزة غدة صغيرة موجودة فالجمجمة 
الغدة دي بتفرز الهرمون دا فالدم كدا في وقت معين في اليوم بيكون بدايتا من الساعة 9 مساءا 
مع اول قدوم الليل بعد صلاه العشاء علطول بتلاقي ان العين المفروض يعني لما تعيش حياتك الطبيعية كأنسان وجد على هذا الكون مع الحياه الطبيعية اللي هي الشمس يبقى في نهار وبليل يبقى خلاص الليل جه عليك مش وجود اضائة مثلا في عنيك لا احنا بنتكلم على انسان طبيعي جدا وبالتالي الناس اللي بتعيش حياه طبيعية من غير ما تدخل اضائات وتدخل حاجات زيادة في البيت دي بيكون بينعموا بحياه صحية افضل
والدك مثلا لما يقولك يا حبيبي اطفي النور شوية هو مش بيبقى خايف ع الكهربة ولا حاجة لا بيبقى خايف على صحتك
يعني اول ما الليل يجي العصب بيدي اشارة للساعة البيولوجية وتقوللها خلاص الليل جة ويبتدي الهرمون دا اللي بيساعدك ع النوم بيبدأ افرازة من الساعة 9 بليل وبيكون في اعلى معدلات ليه الساعة 12 بليل
اللي اكتشف الموضوع دا كان عالم فرنسي عام 1962 راح قعد في كوخ لشهور وبدا يوصل جسمة  ببعض الاجهزة اللي بتشوف ردود افعال الجسم خلال ال24 ساعة 
اللي اكتشفة بقا ان الجسم وكأنة ماشي في نفس النهج كدا كل يوم بيحصلة اللي بيحصلة كل دقيقة 
يعني في اوقات الضغط بتاعة بيقل في اوقات الضغط بيعلى في اوقات بيبقى عاوز ينام في اوقات بيبقى عاوز ياكل وهكذا ... 
كل يوم في نفس المعاد بيحصل للجسم نفس الكلام 
= ايه دا !! يعني انا ممكن السهر بتاعي يبوظلي نظام الاكل !؟ يعني ممكن لو اتعرضت للضوء شوية دا يخليني اجوع !؟ 
- كل حاجة دي بتأثر عليك الساعة البيولوجية اللي بتتأثر بشكل كبير بالعين والاضائة دي ليها عامل كبير في تنظيم يومك من خلال الهرمون اللي بيتم افرازة من الساعة 9 مساءا واللي بيمتد معاك لحد الفجر 
يعني الدراسة بتقول ان الساعة 12 بليل لازم تكون نايم 
والساعة 2 بتكون في نوم عميق  عشان كدا اغلبية حالات السرقة بتحصل فالتوقيت دا علشان الناس بتكون في نوم عميق جدا
الساعة 4 ونص المؤشرات بتقول ان ضغط الدم بيكون في اقل المعدلات ليه فال 24 ساعة ودا انسب معاد للحركة وممارسة الرياضة وهو نفسو المعاد بتاع صلاه الفجر تحديدا سبحان الله 
= طب هو دا المعاد الوحيد المناسب للرياضة !؟ 
- الساعة 6 الا ربع هو دا افضل وقت ان انت تبتدي تمارس فيه الحياه اليومية بتاعتك عشان الوقت دا بيبتدي ضغط الدم بتاعك يترفع تدريجيا وكمان هرمون النوم يقل معاك في هذا الوقت وتلاقي انك نشيط ذهنيا
والساعة 3 ونص دا احسن وقت لممارسة اي حاجة تحتاج الى مجهود ذهني 
الساعة 6 ونص المفروض ان انت تسترخي وتقعد كدا تشرب فنجان قهوة عشان الضغط ساعتها بيكون مرتفع 
اذن الساعة البيولوجية دي بتلاقي ان هي بتديلك كل مراحل جسمك خلال اليوم ومن خلالها بتلاقي انك عملت دراسة لجسمك وتقدر تتعامل مع جسمك بالشكل الصحيح
= طب هل في علاقة بين الساعة البيولوجية وبعض الامراض !؟
- الحقيقة يعني ان كان في دراسة بتقول ان ممكن يحدث مرض السرطان والعياذ بالله ان نتيجة عدم انتظام نومك ممكن يصيبك بهذا المرض الخطير 
= طب ازاي !؟ 
- قالوا ان هما عملوا بعض الدراسات على بعض الاماكن اللي بتربي فراخ بشكل صناعي  وكانوا بيصحوا الفراخ بليل عشان يأكلوهم فلما لقو الفراخ بتاكل بليل كدا لقو ان نسبة كبيرة من الفراخ دي جالها السرطان فعشان كدا لازم ناخد بالنا ان العلم كله متصل ببعضو وان كل حاجة المفروض نعرف عنها 
علشان كدا بتمنى الرسالة تكون وصلت
تعديل المشاركة ردود اللأفعال:
اسرار الساعة البيلوجية وافضل وقت للرياضة والنوم وتناول الطعام ليلا

لو نفسك تخس

مساحة إعلانية
مساحة إعلانية
مساحة إعلانية
التعليقات
    مساحة إعلانية
    ليست هناك تعليقات
    إرسال تعليق

    إرسال تعليق

    نموذج الاتصال
    الاسمبريد إلكترونيرسالة