-->
23395821524787388
recent
أخبار ساخنة

قلبوظ والاصل لظلوظ

الخط
قلبوظ والاصل لظلوظ
لظلوظ

اسعد الله صباحكم بكل خير صباح جديد صباح سعيد صباح الامل والتفاؤل اللي بيتجدد جوانا كل يوم مع اشراقه شمس يوم جديد وصباح جديد صباح سعيد
يمكن اللي بيشوف صوري قبل ما اخس كان بيلاقي كمية لظاليظ في كل حته كان عندي كل لظلوظ والثاني محتاج نظام غذائي لواحده اللظاليظ دي كانت منتشره في كل انحاء جسمي حتى رقبتي مسلمتش من اللظاليظ تلاقي كل لظلوظ والثاني محتاج تركز عليه بنظام غذائي لواحده تحس انك عاوز تمشي ع كذا نظام مع بعض عشان تخلص من اللظاليظ دي ولا كرشي اللي هو مكانش كرش واحد دا كان كرش هو واصحابه وقرايبه والمجتمع والناس ورغم عن كده غيرت نفسي وصلت لجسم تحس اني مكونتش مليان اصلا 
طب ياترى ايه اللي تخلصت من اللظاليظ 🤔🤔
النهارده اليوم ال19 من رحلتنا 28يوم وهتنسف الدهون فات منهم 19يوم وهيتبقى منهم 9ايام ومثل ما فات 19يوم هيفوتوا ال9 ايام لو بصيت لجسمك ونفسك هتلاقي انك محتاج تخلص من حته في جسمك مضايقاك ولله الحمد الله عطاني من السمنه والتخن مايكفيني اني اشجع الناس السمنه كانت نعمه لاني غيرت نفسي وشفت بعيني لاني في صور مينفعذ اعرضها لما بشوفها بقول كنت عامل كده ليه يعني كان عندي حاجات في كل حته تقريبا الصور دي ممنوعه من العرض يعني باستغرب ازاي تحول هذا الجسم لهذا الجسم طبعا اللي متابعنا ع اليوتيوب عندنا اكثر من 550 فيديو ع القناة لو رجعت لاول فيديو قولت لو قسمت جسمك ع اساس انه عباره عن شوية بلالين وجبت دبوس فكل اسبوع خلصت من بلونه وراء بلونه هتلاقي انك بتخلص من دهونك كلها يعني لو بصيت ع انك بتقسط جسمك وتخس بالقسط وبتقسم جسمك مناطق وكل منطقه انت بتخلص منها هتلاقي نفسك مبسوط جدا وبتتشجع انك تتغير ده اللي كان بيشجعني اني اتخيل ان اللظلوظ اللي برقبتي ده خلصت منه خلصت من اول لظلوظ ورجلي وبطني والعوامه واللظاليظ واتخيل اني بتخلص من لظلوظ شكل كنت بتشجع جدا وكان بيزيدني حماس اني استمر واما كنت بنزل اتمشي كنت بقول عاوز اتخلص من كل لظاليظي بأسرع وقت والله العظيم خلال رحلتي مالخبطت ولا لحظه وده السر في التغيير السريع عاوز تتغير بشكل سريع ركز اوي مع نفسك ومتعكش ركز اوي ومتلخبطش وحاول انك تقول انا في مرحلة تغيير وانك ع قناعه انك هتتغير مفيش اي طريق ثاني انك تتغير او جسمك يقف عن النزول لظلوظ مينزلش كل لظاليظك هتنزل لظلوظ لظلوظ هينزلوا حتى لو جسمك ثابت كنت ماشي مثل القطار وده اللي خلاني اتغير اللظاليظ شيء والميزان شيء ثاني الجسم بيعتبر عندك عناصر ناقصه هو بيزودها وقولنا الكلام ده لما بنمشي كثير وبنلعب رياضه عضلاتك بتشد الجسم بيبدأ يرجع بعض العناصر المهمه للجسم يعني ناقص مياه وبروتين يبدأ يزودها وبالتالي الجسم في زياده وبالتالي اللظاليظ بتاعتك بتنزل وفي تغيير بالشكل قصاده تغيير او ثبات ممكن يحصل ع الميزان ده مش يخليك تقف ابدا عن استمرارك عن رحلتك في التغيير كمل السر في التغيير الالتزام النظام لو مشيت عليه هتلاقي ان الموضوع بجد بيفرق بشكل كبير جدا يمكن الناس اللي بتدلع وتقولك انا عكيت ده بيسببلهم احباط شديد ويخليهم ميلاقوش نتيجه لما الاقي واحد يقول نويت الخبط يوم بالاسبوع الجاي ده اقوله حرام عليك ليه تلخبط وتضيع نتيجة اسبوع لو التزمت هتعطي اوامر لجسمك انك ممشيه مثل الالف مفيش لخبطه وتفرض شخصيتك ع الجسم وتكون قائد لنفسك مش زي زمان هلاهوطه والجسم ياخذك للمحلات وانا بقول لنفسي كان مفروض هقابل احد اصدقائي اللي مقابلتوش من فتره طويله جدا من ايام اللظلظه وكنت ناوي اسجل معاه فيديو يحكيلكم عني بقول لنفسي لو مكونتش خسيت في هذا الوقت مع انتشار المحلات الاكل لان من 2013 بدات رحلتي وخسيت في 5شهور مكانتش المحلات انتشرت اوي بعض الحاجات الاوفر كنت احب الكفته والفطير الشرقي كان اكلي شعبي وماك دمرني صحيا لاني كنت باكل منه كثير لكن الاكل الشعبي كان مسيطر ريش ضاني وكده تخيلو لو مخسيتش كان زماني بدال منا عندي لونفسك تخس كان زماني عندي محلات اكل كان هدفي اعمل محلات بيتزا من كثرة حبي للاكل كنت اتفرج ع الراجل بيطبخ ازاي عشان اعمل حاجه احسن منه اصبحت بعمل البيتزا الايطالي احسن من المحلات وألف الاطراف ووصلت لدرجة الجنون بالاكل رغما عن كده لما لقيت صجتي بتدهور واصحى من النوم عندي نار براسي كنت اقف اصلي والاقي الدم نازل ع يدي اقول الضغط عالي واطلع م الصلاة وانام ع الارض مش قادر ألم شديد بخرج في الشارع بداري نفسي انا راجل وبداري نفسي واجيب في هدوم واسعه لغاية ماخلاص مقاساتي بالمحلات العاديه مش لاقيها كنت بلبس اشوله وامسك القميص شوال الواحد اتغير بشكل كبير وسر التغيير اني كنت شايف اني بقسط هدفي استمر وطمعان في كرم الله بعد رحله من العذاب نصيحتي استمر في تغيير حياتك ولا تتوقف 
ناس بتقول لي ممكن تساعدني بشكل خاص هيفرق معايا والله لو كنت قاعد معاك بالبيت وبعملك الاكل وبأكلهولك بنفسي وانت مش عاوز تتغير مش هتتغير زي ناس كثيره اتغيرت وانت شفتها ع الصفحه والقناة
والسلام عليكم ورحمة الله وبركاته
تعديل المشاركة ردود اللأفعال:
قلبوظ والاصل لظلوظ

لو نفسك تخس

مساحة إعلانية
مساحة إعلانية
مساحة إعلانية
التعليقات
    مساحة إعلانية
    ليست هناك تعليقات
    إرسال تعليق

    إرسال تعليق

    نموذج الاتصال
    الاسمبريد إلكترونيرسالة