-->
23395821524787388
recent
أخبار ساخنة

وجع التخن...ياترى مستنى ايه علشان تخس

الخط
 وجع التخن...ياترى مستنى ايه علشان تخس 

الوجع من التخن

الناس اللي بتقرر ان هي تتغير انواع 
- في بمجرد ان هو بيطلع ع الميزان بيقرر التغيير 👌🏻
- وفي ناس بتستنى على نفسها شوية عشان تتغير يعني يستنى كلمتين من حد يوجعوهم شوية وبعدين يتغيروا
- وفي ناس بتفضل مستنية اوي على نفسها لحد ما تتعب وتقع 
- وفي منهم اللي بيفضل يعاند مع نفسة ويبتدي يبحث عن مسكنات 
يا ترى انت مين فيهم !؟
النهاردة اليوم الثالث من رحلتنا تحدي جديد ورشاقة اكيد 
فأن شاء الله يكون تحدي بالنسبة لك وتصل للرشاقة 
طبعا كتير مننا قبل ما يغير من نفسة بياخد صدمة الميزان
يعني هو مايعرفش ان وزنو بقا زيادة عن اللزوم فأول ما بيطلع على الميزان ويبيتصدم بيجري بسرعة عاوز يتغير 
وفي منهم بيتصدم م الميزان فيروح عشان يخس بس بيتبع طريق غلط او انظمة غلط فتلاقيه قالك انا زهقت ومش هعمل ريجيم تاني 
وفي اللي بيطلع ع الميزان فينتصدم ويقرر التغير وفساعتها تجيلو مكالمة تليفون تنسية انو كان عايز يخس اصلا ويكمل يومه عادي خالص مفيش مشكلة 
انا كنت واحد من الناس دي اللي هو اطلع ع الميزان اتصدملي شوية واقول لازم اتغير وبعد شوية انسى 
لحد ما وصلت لاخر مرحلة اللي كان لازم اخس فيها اللي هي صدمة الميزان ووجع فظهري وخشونة فالركبة وحاجات كتير 
الاشخاص التانين بقا اللي هما بيسمعو كلمة من حد توجعهم
يعني مثلا ستات كتير كانت بتشتكي من حماتها *ام زوجها* انها بتقولها كلام يوجعها 
فتلاقيها بعدها اخدت القرار واتغيرت 
طبعا النوع دا م الناس كتير
الحالة الثالثة وهي بتكون حالة قاسية جدا ع الانسان وهي لما بتحس بوجع بيكون وجع طالع من جواك ووجع جاي من برا يعني ناس كتير بتسمعك كلام ملوش لازمة وكمان وجع جاي من جوا لما تلاقي نفسك لسة صغير فالسن  ولكن اجهزتك بتستغيث منك يعني رجليك اللي عايز تمشي عليها دي مش قادرة تتحرك وتلاقي نفسك خلاص بقيت تعبان وضعيف ومش قادر تتحرك ساعتها بتصعب عليك نفسك اوي وبتبتدي تقول
 يارب يا اما اموت وارتاح من اللي انا فيه يا اما تساعدني 
انا كنت واحد من الناس دي لدرجة اني كنت بدعي ربنا انو يخفف وزني عشان لما يشيلوني اكون خفيف عليهم 
كان بيجي عليا رمضان وانا بقول ياربي ازاي هستحمل اقعد طول النهار كدا من غير اكل بس كنت بقدر 
وارجع اقول لنفسي ما انا قدرت اقعد طول النهار من غير اكل كمل بقا بس مبقدرش ويادوب يأذن المغرب الاقيني كلت كل حاجة 
كان في صراع بيني وبين نفسي لما تروح تشتري ملابس مثلا يجرحك يقولك مفيش مفيش مقاسك ريح دماغك متلفش كتير فالمحل 
 وكأنك داخل تشحت والله العظيم كأنك داخل تشحت لما يبصولك النظرة والله العظيم مش هنسى نظرة الشخص وانا داخل المحل يبصلك كدا اللي هو تؤ ماتتعبش نفسك مش هتلاقي مقاسك 
ممكن يكون فجيبك فلوس اكتر من اللي واقفين كلهم لكن ولا ليها طعم
وتروح تقعد تاكل وتاكل كأنك بتعند مع نفسك لحد ما بيجي عليك وقت تقول خلاص ✋ تعبت .. زهقت
اخدت القرار ساعتها لما طلعت ع الميزان لقيتني 122 كيلو 
اخدت القرار ساعتها لما لقيت انفي بتنزل دم من الضغط العالي من كتر الاكل والعك
اخدت القرار لما بقيت مش قادر امشي كرشي بقا يشد ظهري لتحت لحد ما بيحصل زي انحناء في عمودي الفقري
اخدت القرار لما ركبتي دي بقيت حاسس فيها بنار واللي عندو خشونة فالركبة هيعرف انا قصدي ايه بنار
وكمان التسلخات في الصيف كانت عذاب والله العظيم عذاب
فأنت هتبقى فنعمة عظيمة جدا انت مش هتتخيلها والله العظيم هتدعيلنا من قلبك 
فعشان كدا انا بقول لكل واحد اتغير عشان نفسك عشان تعمل بصمة فحياتك مش هتنساها ولا عمرك هتنساها التغيير دا حاجة عظيمة جدا 
فعشان كدا انا ضد الناس اللي بتتاجر بهذا التغير واللي بتضحك عليك وتقولك لازم تاخد دوا عشان يخسسك وهفضل ضد كل واحد بيستغل ان الانسان عايز يتغير وبيصعب عليه الامور
اسف ع الحلقة ممكن تكون كانت قوية شوية بس كان لازم اقولها
تعديل المشاركة ردود اللأفعال:
 وجع التخن...ياترى مستنى ايه علشان تخس

لو نفسك تخس

مساحة إعلانية
مساحة إعلانية
مساحة إعلانية
التعليقات
    مساحة إعلانية
    ليست هناك تعليقات
    إرسال تعليق

    إرسال تعليق

    نموذج الاتصال
    الاسمبريد إلكترونيرسالة