إذا كنت محمد صلاح فلا تلتفت الي راموس
راموس يتسبب في إصابة محمد صلاح
امس كان في ماتش مهم ليفربول وريال مدريد نادي انجليزي ونادي اسباني مالك انت وانت راجل عربي !!
الحقيقه انا مليش في الكوره والمسميات اللي بقولها مش مظبوطه انا اخر ماتش شوفته استاد بورسعيد ومن ساعتها قررت متفرجش ع كوره تاني
لكن محمد صلاح خلاك تحب تتفرج عليه حتى لو هتعمل زوم عليه وهو بيلعب في الملعب في اي حته وهو بيلعب انا متفرجتش ع الماتش لكن عرفت اصابة محمد صلاح في هذا الماتش ع يد راموس اللي اتعمل معاه الجلاشه ع اكونته بكل اللغات عملت معاه الصح الناس اخذت حقك ياصلاح
راموس اخذ كتف محمد صلاح ونازل بيه خلع له كتفه وفي الاصابه وهيقعد 3اسابيع تقريبا الحقيقه راموس مش اول مره يعمل كده بس هما شافوا ان محمد صلاح ممكن يقلب الماتش ويعمل حاجه يجتهدوا لجأوا انهم يضربوا الشخص القوي
راموس مش بس في الملعب هو موجود البيت في الشارع والملعب
اي حد فينا بيحاول يغير من نفسه هيلاقي راموس يحبطه هتلاقي لو انت بتعمل دايت هتلاقي اللي بيحبطك انت وشك شاحب دا انت اصبحت معظم سيبك م الدايت ده هتلاقيه في طنط اللي بتعمل طبق الحلو اللي اول ماتدخل عليك تقولك انا عملالك اللي بتحبه هتلاقيه في عمو اللي يقولك الدهن في العتائي انا كنت باكل كل حاجه وصحه اهو انت جيل واحنا جيل المحبطين هتلاقيهم في كل مكان المحبطين اللي هيخلوك تخسر صحتك اما بجهلهم او عن قصد يحاولوا يوقفوك عن هدفك بيجيلي شتايم في نهار رمضان قلما لما بشوف كده بس دي حسنات بلا عناء ومش بتأثر كان زماني مع كثرة التهديدات اللي بتعرض لها اوقف بس موقفتش ومكمل باذن الله
طبعا هتلاقي اي حدا بينجح في شيء هتلاقي له محبطين كثيرون ناس مش قادره تطور من نفسها متلك فبتشدك للاحباط ناس لما تجد انك بتغير من حياتك وهو مش قادر يخس ويغير من حياته هيحبطك
انا بعترف اني كنت زمان قبل ماخس وانا قلبوظ ارخم عليه اقوله دايت مين وحرمان مين دانتا هتلاقي نفسك مش قادر تكمل الحقيقه حتى احنا كده مع انفسنا بداخلنا شخصين شخص عاوز يتغير وشخص عاوزك تعك وتبوظ الحقيقه مثل مابقولكم كل يوم شهر رمضان مش بيتفوت ولا يتعوض لذلك بقولك لو متغيرتش هتندم ع الايام اللي جايه طبعا في بداية رمضان بتعدي ع بتاع الكنافه والقطايف والاشياء الحلوه مرورا بنصف الشهر يبتدي منطقة الكنافه والقطايف وكعك العيد يحصل مكس تلاقي الراجل حاطت جزء كعك العيد وجزء الكنافه والقطايف وع اخر رمضان يظهر الكعك والكنافه تنسحب وتلاقي نفسك طلعت من دوامه طلعت في دوامه تانيه كل ده عشان انت بتفكر بس في الاكل عشان انت مخك بس في الاكل لو بصيت لمحمد صلاح في احد الماتشات لما خسرنا لم شمل اللعيبه وقالهم يلا قوموا واتشجعوا محمد صلاح فيه حاجات جميله ماشوفنهاش في حد من زمان حاجه جميله انسان يديلك بعض الرسايل يخليك ان انت تبئا مبسوط عشان كده عاوزين من جوانا عاوزين نتغير محدش يبئا له فضل علينا في وقت م الاوقات نجتهد نغير حياتنا مش نبص لحاجات تختفي فالاكل ده مش هيتلغي هتاكل وتعك هتلاقي النتيجه امراض وسمنه ودوامه هتظبط وتلتزم هتلاقي الالتزام جاب الالتزام وصلك لنتيجه ولا اروع
نصيحتي اشتغل ع نفسك طور نفسك الناس اللي بتشتكي وتقول مش لاقيين النظام هتلاقيه في صندوق الوصف لوبتشوفنا ع قناة اليوتيوب هتلاقيه ع صفحتنا مثبت في اول بوست مثبت
لودخلت ع جوجل بلاي تطبيق لونفسك تخس بس الحقيقه ان القرايه مش عاوزين نقرأ حتى الفيديو بنقول ممل وطويل كل شيء بنحاول نحبط بيه نفسنا اللي عاوز يتغير هيتغير واللي مش عاوز يتغير والله لو عملتله ايه
واحد قابلني بالحرم بيسألني ياباشمهندس هسالك سؤال شخصي هل انت عامل جزء بفلوس بتتابع الناس بفلوس قولتله لا مش بتابع الناس بفلوس ومش بحب الخاص خالص لانه بيستفاد منه شخص واحد فقط ولكن العام بيكون فائده لكل الناس لذلك نصيحتي لكل واحد بيدور ان الخاص ممكن يغيرك لو شفت الفيديو وبدات تتشجع بالناس اللي اتغيرت تكتب بالكومنتات اتشجع مش عاوزك واقف متفرج كل مالصفحه والقناة بتكبر انت بتكون شريك في هذا الخير اللي بينتشر ويوصل للجميع
محمد صلاح هيكمل وهيوصل لهدفه ويحقق اكثر من اللي في دماغه وانت كمان عاوز توصل هتوصل وكلنا هنوصل لهدفنا باذن الله هدفنا نعيش بصحه وحياه سعيده كانت رسالتي الك اليوم ابعد عن المحبطين وكمل في هذا الشهر الكريم